Quantcast

ಹಗಲು ಲಯದಲಿ, ರಾತ್ರಿ ಸೃಷ್ಠಿಗೆ….. ರೇಖಾ ಕವನ

ನಿನ್ನೆ ಎ೦ ಎಸ್ ಮೂರ್ತಿಯವರ ರೇಖಾ ಚಿತ್ರ ಪ್ರಕಟಿಸಿ ಅದಕ್ಕೆ ಸ೦ವಾದಿಯಾಗಿ ಬೇ೦ದ್ರೆಯವರ ಕವನದ ಸಾಲುಗಳನ್ನು ಪ್ರಕಟಿಸಿದ್ದೆವು. ಅದನ್ನು ನೋಡಿದ ರವಿ ಮೂರ್ನಾಡು ಕ್ಯಾಮೆರೂನ್ ನಿ೦ದ ಒ೦ದು ಕವನ ಕಳುಹಿಸಿದ್ದಾರೆ.  ಆ ಚಿತ್ರ ಮತ್ತು ಕವನ ಇಲ್ಲಿದೆ.

ಯಾರೂ ಕರೆದರೋ, ಎನ್ನ ತೆರೆದರೋ

ಬೆರಳ ರೇಖೆಗೆ ತಬ್ಬಿ

ಉಸಿರ ಗಾಳಿಗೆ ಬಿಸಿಯ ಸುರಿಯುತಾ

ಬೆಟ್ಟ ಸ್ಪರ್ಶ ಉಬ್ಬಿ

 

ಲಜ್ಜೆ ಮರೆತಿದೆ,ರಾಗ ಮೌನಕೆ

ಭಾನು ಭೂಮಿಗೆ ಬಗ್ಗಿ

ಜಲವ ತೆರೆಯುತಾ ತೊರೆಯ ಉಕ್ಕಿಸಿ

ನೊರೆಯ ಜಳಕಕೆ ಹಿಗ್ಗಿ

 

ಹಸಿರ ಹಸಿವಿಗೆ ನೆರೆದ ಮೈಯಿದು

ಹಕ್ಕಿ ಊಟಕೆ ಹಣ್ಣು

ಹಗಲು ಲಯದಲಿ, ರಾತ್ರಿ ಸೃಷ್ಠಿಗೆ

ಮುಚ್ಚಿ ತೆರೆದಿದೆ ಕಣ್ಣು.

 

4 Comments

  1. ಭ್ಹಗವತಿ
    July 3, 2012
  2. savitri
    June 21, 2012
  3. shanthi k.a.
    June 18, 2012
  4. D.RAVI VARMA
    June 18, 2012

Add Comment

Leave a Reply