Quantcast

ಕೊಂಚ ಮುಖ ತಿರುಗಿಸು ಬಾಲೆ..

‘ಅವಧಿ ಕ್ಲಿಕ್’ ನಲ್ಲಿ ಪ್ರಕಟವಾದ ಮೇಲಿನ ಫೋಟೋ ನೋಡಿ ಬರೆದ ಕವಿತೆ 

geetha hegde kalmane

ಗೀತಾ ಹೆಗ್ಡೆ ಕಲ್ಮನೆ 

ಹೇಳು
ಮುಖ ಯಾಕೆ
ಮರೆಯಾಗಿಟ್ಟೆ?

ಕಪ್ಪು
ಗುಂಗುರು ಹೆರಳ ಬಾಲೆ
ಅಡಕತ್ತರಿಯಲ್ಲಿ ಸಿಕ್ಕ
ಅಡಿಕೆ ತುಂಡಾದಂತೆ
ನಿನ್ನ ಕೂದಲೇಕೆ
ಮೊಂಡು ಮಾಡಿಕೊಂಡೆ?

Hair2ನಿನಗಿಷ್ಟವೊ
ಅಥವಾ
ಕಟ್ಟಿಕೊಂಡವನ
ಒತ್ತಾಯಕೆ ನೀ
ಮಣಿದೆಯೊ?

ಮರೆಯಾದ ಮುಖ
ಕಣ್ಣು ಮಂಜಾಗಿರುವುದೂ
ಕಾಣುವುದಿಲ್ಲ
ಕೊಂಚ ಮುಖ
ತಿರುಗಿಸು ಬಾಲೆ
ನಾ ನಿನ್ನಮ್ಮನಾಗಿ
ಮುಂಗುರುಳ ಸವರಿ
“ಹಳ್ಳಿ ಹುಡುಗಿ
ದಿಲ್ಲಿ ಸೇರಿ”
ಹೈರಾಣಾದ ಕೊರಗ
ಮಡಿಲೊಳಗಡಗಿಸಿಕೊಂಡು
ನಿನಗೊಂದು ಸವಿ
ಮುತ್ತನಿತ್ತು ಸಂತೈಸುವೆ
ಬಾ ಮಗಳೆ!

ಚಿಂತಿಸದಿರು
ಇದು ಕಲಿಗಾಲ
ಕಾಲಕ್ಕೆ ತಕ್ಕಂತೆ
ನೀನೂ ಬದಲಾಗು
ಹೆಣ್ಣೆಂದು ದೂರುವ
ತುಚ್ಚ ನುಡಿಯಾಡುವ
ಮನಸುಗಳ ನೀ ಮೆಟ್ಟಿ ನಿಲ್ಲು
ಗಂಡಂತೆ ಪುಟಿದೇಳು
“ಹೆಣ್ಣೆ ಹುಟ್ಟಲಿ ನನಗೆ
ಎಂದೂ”
ಹೆರುವವರ ಕೂಗು
ಶಾಶ್ವತವಾಗಲಿ!

One Response

  1. Shama, Nandibetta
    August 20, 2016

Add Comment

Leave a Reply

%d bloggers like this: