Quantcast

ಎದೆಯ ಮೇಲೆ ಮಲಗಿಬಿಡು..

mamata arasikere

ಮಮತ ಅರಸೀಕೆರೆ

ಎದೆಯ ಮೇಲೆ ಮಲಗಿಬಿಡು
ಒಳ್ಳೆ ನಿದ್ದೆ ಬರಲಿ
ಕಣ್ಣಂಚಿನ ಹನಿಯು ಕರಗಿ
ಕನಸ ಹೆಣೆದು ತರಲಿ
ಕೆಂದುಟಿಯ ಮೇಲಿರಲಿ
kidಮಾಯದಂತ ಮುಗುಳ್ನಗೆ
ಕಾರಿರುಳು ಸರಿದು ಬಿಡಲಿ
ಅಳಿಸದಂತೆ ಕಾಡಿಗೆ
ಸಹನೆಯ ಕವಚ ತರಿಸು
ಸೂರನೊದಿಸು ಮೆಲ್ಲಗೆ.
ನಕ್ಷತ್ರದ ಮಾಲೆ ನಿನಗೆ
ಚಂದ್ರನದೇ ಪದಕ
ಬಾಂದಳದ ಮೋಡಗಳು
ಭಾರ ಇಳಿಸೊ ತನಕ
ಆಕಾಶದ ಕಾಯಗಳಿಗು
ಒಲವ ಹರಿಸೊ ತವಕ
ಆಸೆಗಳ ಲೆಕ್ಕ ಹೇಳು
ಪಿಸುಗುಡಲಿ ಹೃದಯ
ಅಳದಂತೆಯು ಇರಬಹುದು
ತಿಳಿಯಾಗೋ ಬಗೆಯಾ
ಕುದಿವ ಮನವ ಸಂತೈಸು
ತಂಪಿರಲಿ ಸಮಯ
ಬಾಡದಿರು ಮೊಗ್ಗೆ ನೀನು
ನಲಿವು ಕುಣಿದು ಬರಲಿ
ಕೋರೈಸುವ ಕೋಲ್ಮಿಂಚು
ನಿನ್ನ ಅರಸಿ ಬರಲಿ
ಭಾವ ಕೋಶ ಮುದುಡುವಂತ
ಸ್ವಪ್ನ ಬೀಳದಿರಲಿ

 

2 Comments

  1. Sangeeta Kalmane
    September 1, 2016
    • mamatha
      September 9, 2016

Add Comment

Leave a Reply

%d bloggers like this: