Quantcast

ನಿಮ್ ಗರ್ಲ್ ಫ್ರೆಂಡ್ ನಿಮ್ ತಲೇಲಿ ಬಿಟ್ಟ ಹುಳ

ಪ್ರೇಮ ಗೀಮಾ ಜಾನೇ ದೋ

mruthunjaya-kauti

ಮೃತುಂಜಯ ಕೌಟಿ

ನಿಮ್ಮ ಒಂದು ಅಡಿಕ್ಷನ್, ಅದೂ ನಿಮ್ಗೆ ಇಷ್ಟ ಆಗಿರೋ ಒಂದು ಸಿನಿಮಾ ನೋಡೋ ಅಡಿಕ್ಷನ್ ! ಅದನ್ನೇ ಇಡ್ಕೊಂಡು, ನಿಮ್ ಗರ್ಲ್ ಫ್ರೆಂಡ್ ನಿಮ್ ತಲೇಲಿ ಹುಳ ಬಿಟ್ಟು, ನಿಮ್ಮನ್ನ ಹುಚ್ಚಾ ಅಂತ ಪ್ರೂವ್ ಮಾಡ್ಸಿ, ಹೊಗೆ ಹಾಕ್ಸೋ ಲೆವಲ್ಗೆ ನಿಮ್ಮನ್ನ ಎಳ್ಕೊಂಡ್ ಹೋಗ್ಬೌದು ! ಊರು ಬಿಡ್ಸ್ ಬೌದು.. ಹುಷಾರ್ ! ಅದ್ಕೆ, ‘ಪ್ರೇಮಾ ಗೀಮಾ ಜಾನೇದೋ, ಆಗ್ಲೆ ಉದ್ದಾರ ಆಗೋದು’ ಅಂತ ಪೂರ್ಣಚಂದ್ರ ತೇಜಸ್ವಿ ಹಾಡಿರೋದು !

ಸಿನಿಮಾ ಶುರು ಆಗೋದೆ ಕಣ್ ತುಂಬೋ ಮನಮೋಹಕ ಸೀನರೀಸ್ಗಳಿಂದ. ಸಿನ್ಮಾ ಮುಗಿಯೋದೂ ಹಸಿರನ್ನ ಕಣ್ಣು ತುಂಬಿಸೇನೇ, ಅಷ್ಟು ಚೆನ್ನಾಗಿರೋ ಲೊಕೇಷನ್ಸ್ ! ಈ ಹಸಿರು ಹಸಿರು ರೊಮ್ಯಾಂಟಿಕ್ ಮೂಡಲ್ಲಿರೊ ಮಧ್ಯ ‘ನೀಲಿ’ ವಿಲನ್ ಬಂದು ತಲೆ ಕೆಡ್ಸಾನೆ ! ಯಾರು ಆ ನೀಲಿ ವಿಲನ್ ?, ಅವ್ನಿಗೂ ನಮ್ಮ್ ಹೀರೋ ಅಡಿಕ್ಷನ್ ಗೂ ಏನ್ ಸಂಭಂದ ? ಪ್ರೇಮಾ ಗೀಮಾ ಬೇಕಾ ? ಇದೆಲ್ಲಾ ಗೊತ್ತಾಗ್ಬೇಕಂದ್ರೆ ಹೋಗಿ ಸಿನಿಮಾ ನೋಡಿ.

images-1ಹೊಸಾ ಕಾನ್ಸೆಪ್ಟ್ ಇಡ್ಕೊಂಡು, ಹೊಸಾ ಟೀಮ್ ಕಟ್ಕೊಂಡು ಹೊಸ ಡೈರೆಕ್ಟರ್ ಒಂದು ಒಳ್ಳೆಯ ಸಿನಿಮಾ ತಂದಿದ್ದಾರೆ. ಮೊದಲಾರ್ದದಲ್ಲಿ ಸಿನಿಮಾ ಕಚಗಳಿ ಇಟ್ರೆ, ಸೆಕೆಂಡ್ ಹಾಫ್ ನಲ್ಲಿ ತಲೆ ಕೆಡ್ಸತ್ತೆ. ಕೊನೆಗೆ ಡೈರೆಕ್ಟರ್ ಹೈಕ್ಳುಗಳ್ಗೆ ಹೇಳಿರೋ ಪಾಠ ಏನಂದ್ರೆ : ನಾವ್ ಸಿಂಗಲ್, ಸೋ ಅವ್ಳೂ ಸಿಂಗಲ್ ಅಂದ್ಕೊಂಡ್, ಅವ್ಳು ನಂಗೇ ಸಿಗ್ಲಿ ಅನ್ನೋ ಸರ್ಕಸ್ ಮಾಡೋದ್ಕಿಂತ, ಆ ‘ಅವ್ಳು’ ಸಿಗೋ ತನ್ಕ ಕಾಯೋದು ವಾಸಿ! ಬೀ ಪೇಷಂಟ್ ಯಾ…

ಅಭಿನಯದ ವಿಷಯಕ್ಕೆ ಬಂದ್ರೆ, ಹೊಸ ಟೀಮ್ ನ ಮಧ್ಯ ಬರೋ ಹಳೇ ಆಕ್ಟರ್ಸ್, ಹೊಸಬ್ರು ತಮ್ಮಿಂದ ಕಲಿಯೋದು ಇನ್ನೂ ಬಹಳಾ ಇದೆ ಅಂತ ತೋರ್ಸಿದಾರೆ. ಹಾಗೆ ಹೊಸಾ ಆಕ್ಟರ್ಸ್ ಕೂಡಾ ಇದು ಅವರ ಮೊದಲನೆ ಪ್ರಯತ್ನ ಅನ್ನೊದನ್ನ ಅಲ್ಲಲ್ಲಿ ತೋರ್ಸಿದ್ರೂ, ಅವ್ರ ಆ ಪ್ರಯತ್ನ ಸಾರ್ಥಕವಾಗಿದೆ ಅಂತಾನೆ ಹೇಳ್ಬೌದು. ಪದೇ ಪದೇ ಹಾಡು ಪದೇ ಪದೇ ಕಾಡ್ತಾ ಇದೆ.

Add Comment

Leave a Reply

%d bloggers like this: