Quantcast

ಕ್ಲಿಕ್ ಆಯ್ತು ಕವಿತೆ: ಕತ್ತಲೆಯೇ ಮನಕೊಂದು ಹಿತ ತಂದಿದೆ

ಸರಳ ಹಿಂದೆ ಬಂದಿ

sarojini_padasalagi-249x300

ಸರೋಜಿನಿ  ಪಡಸಲಗಿ

ಎದೆಯಲೊಂದು ಪ್ರೀತಿಯ ಕರೆ ಮೊರೆಯುತಿದೆ
ಮನ ಕರಗಿ  ಹುಚ್ಚಾಗಿ ಅತ್ತ  ಇತ್ತ ವಾಲುತಿದೆ.

ಬರಲಾರೆಯಾ ಪ್ರಿಯೆ ಕಾದಿಹೆನು ನಿನಗಾಗಿclick-kavte4
ನನ್ನೆದೆಯ ಕದ ತೆರೆದಿಹುದು ನೀ ಕಾಣೆಯಾ
ನನ್ನ ಜೀವ ನೀ ಎಂದುಕೊಂಬಿಹೆನು ಇನ್ನೂ
ಒಮ್ಮೆ ನನ್ನ ನೋಡಿ ಹೇಳು ನೀನರಿಯೆ ಎಂದು.

ಆ ಪ್ರೀತಿಗೆ ಆ ನೋವಿಗೆ ಜೀವ ಹುಚ್ಚಾಗಿ ಹೋಯ್ತು
ನೀ ಅರಿಯೆಯಾ ನಾ ಬಂಧಿ ಇಲ್ಲಿ ಸರಳ ಹಿಂದೆ
ಬಿಡಿಸಲಾಗದ  ನೂರೆಂಟು ಬಂಧಗಳ ನಡುವೆ ನಾನು
ತಿಳಿಯಲಾಗದ ಎಳೆತ ಸೆಳೆತಗಳ ಸುಳಿವಲ್ಲಿ
ನಾನು.

ಮನ ಉಲಿಯುತಿದೆ ಈ ಬಾಳು ನಮ್ಮ ಕಥೆಯೆಂದು
ಅದಕುಂಟೆ ಒಂದು ಅರ್ಥ ಇರಲಹುದೇ ಒಂದು ತಥ್ಯ
ಸಿಲುಕಿಹೆನು  ಬಂಧನದಿ ಎಲ್ಲಿಹುದು ಒಂದಾಯ್ಕೆ
ಬಿಡಲಹುದೇ ಈ ಮಾಯೆ ಬಿಟ್ಟೀತೆ ಈ ಛಾಯೆ
ಈಗ ಈ  ಕತ್ತಲೆಯೇ  ಮನಕೊಂದು ಹಿತ ತಂದಿದೆ
ಅಲ್ಲಿಹ ಅನಂತ ನಿಶ್ಯಬ್ದದಲಿ ಕನಸೊಂದ ಕಾಣುತಿದೆ
ಸರಳುಗಳ ಜಗ್ಗಿ ಹಲ್ಲು ಕಚ್ಚಿ ಬಂಧನದಿ ಇರುವಾಸೆ
ಅಲ್ಲಿಯೇ  ಒಂದು ಕನಸಿನ ಲೋಕ ಸೃಷ್ಟಿಸುವಾಸೆ.

Add Comment

Leave a Reply

%d bloggers like this: