Quantcast

ಕವಿತೆಯ ಸಾಲುಗಳಂತೆ..

ಭವ್ಯ ಗೌಡ 

ಫೋಟೋ: ರವಿ ಕುಲಕರ್ಣಿ

 

 

 

“ದಕ್ಕುವುದಿಷ್ಟೇ ದೇಹಕೆ,

ನೆಲಮಾಳಿಗೆಯ ಮಣ್ಣು,

ಕೊನೆಗೆ”

 

ಆತ್ಮವೊಂದು ಜಾಗೃತವಾಯಿತು,

ಚಿವುಟಿ ಹೇಳಿತು-

“ಸುಳಿದಾಡುವ ನನಗೆ ಕೊನೆಯೆಲ್ಲಿ?!

ನಿರಂತರ ಐಕ್ಯ

ಅನಂತದಲಿ;

ಕವಿತೆಯ ಸಾಲುಗಳಂತೆ,

ಅವುಗಳೊಳಗಿನ

ಅರ್ಥದಂತೆ”

 

ಇದು,ಸಾವಿನಾಚೆಯ ಬದುಕು

‘ಕವಿ’ತೆ ಬೆಳಗುವ ಬೆಳಕು

 

painting

ಯಾವ ನಾಮದಿ ಕರೆದರೇನು..?

ಅಡ್ಡನಾಮಕೆ ಹರನಂತೆ

ಉದ್ದನಾಮಕೆ ಹರಿಯಂತೆ

ಇಟ್ಟ ನಾಮದ ದಿಕ್ಕು ಯಾವುದಾದರೇನು?!

 

‘ದೇ’ಹವಿಲ್ಲದವನು

‘ವ’ರ್ಣನೆಗೂ ಸಿಗದವನು

‘ರೂ’ಪವನೂ ತೋರದವನು

 

ಸರ್ವಶಕ್ತನು ಅವನು;

ಸರ್ವವ್ಯಾಪಿಯು ಅವನು.

ಸೃಷ್ಟಿಗೆಲ್ಲಾ ಒಬ್ಬನೇ ದೈವ ಅವನು

 

ಯಾವ ನಾಮದಿ ಕರೆದರೇನು

ಎಷ್ಟು ನಾಮದಿ ಮೆರೆಸಿದರೇನು

ತಿರುಗಿ ಬರುವವನು ಅವನೊಬ್ಬನೇ…

ಅವನೊಬ್ಬನೇ|

 

2 Comments

  1. Anonymous
    October 15, 2016
  2. Kusumapatel
    October 13, 2016

Add Comment

Leave a Reply

%d bloggers like this: