Quantcast

ಜೋಗಿ ಬರೆದ ಕವಿತೆ

jogi

ಜೋಗಿ 

ಬೀಳ್ಕೊಡುವುದು ಸುಲಭವಲ್ಲ.
ಮನಸ್ಸು
ಮುರಿಯಬೇಕು. ಮತ್ತೆ ಬಂದೇ ಬರುತ್ತೀ
ಅಂತ ನಂಬಬೇಕು. ನನ್ನ
she-butterflyಭವಿಷ್ಯದಲ್ಲಿ ನನಗೇ ನಂಬಿಕೆ ಇರಬೇಕು.
ನಿನ್ನ ಕ್ಷಣಿಕತೆಯನ್ನೂ ನಂಬಿದಂತೆ
ನಟಿಸಬೇಕು. ಕಣ್ಣಬಾವಿ ಬರಿದು ಎಂದು
ಕಣ್ಣಲ್ಲೇ ಹೇಳಬೇಕು. ಕೈ ಬೀಸಿ ಹೊರಟ ನಂತರ
ತಿರುಗಿ ನೋಡಬಾರದು, ನೀನೂ ನೋಡುತ್ತಿ
ಎಂದುಕೊಳ್ಳಬಾರದು.
ಥಟ್ಟನೆ ಮಳೆಯಾಗಿ ನೀನು
ನೆನೆಯುತ್ತಿದ್ದರೆ ಫಕ್ಕನೆ
ಕಿಟಕಿ ಮುಚ್ಚಿಬಿಟ್ಟು, ಅದಕ್ಕೆ
ಬೆನ್ನೊತ್ತಿ ಸುಮ್ಮನೆ ನಿಲ್ಲಬೇಕು.
ರಾತ್ರಿಗಳನ್ನು ನನ್ನವೆಂದುಕೊಳ್ಳದೇ
ಹಗಲು ಪವಾಡ ನಡೆಯುತ್ತದೆ ಎಂದು
ನಂಬದೇ
ದೇವದಾರು ಮರಗಳ ನೆರಳಿನ ಮೇಲೆ ಭರವಸೆ
ಇಡದೇ, ನೋಯುವ ಮೊಣಕಾಲಿನ ಚೀತ್ಕಾರವನ್ನು
ಲೆಕ್ಕಿಸದೇ ನಡೆಯುತ್ತಲೇ ಇರಬೇಕು.
ಆದಷ್ಟು ದೂರ…

ಇದೆಲ್ಲ ಮಾಡಿ ಮರೆತಾದ
ನಂತರ
ಕೂಡುಹಾದಿಗಳಲ್ಲಿ ಕಾಯಬೇಕು.
ನೀನು ಬರುತ್ತಿಯೆಂದು
ಮತ್ತೊಮ್ಮೆ ಬೀಳ್ಕೊಡಬಹುದೆಂದು.
ವಿದಾಯ ಮಾತ್ರ
ವಿರಹವನ್ನು ನಿವಾರಿಸಬಹುದೆಂದು
ನಂಬುತ್ತಾ.

4 Comments

  1. ಜೋಗಿ
    October 20, 2016
  2. Sangeeta Kalmane
    October 19, 2016

Add Comment

Leave a Reply

%d bloggers like this: