Quantcast

ಕ್ಲಿಕ್ ಆಯ್ತು ಕವಿತೆ : ಅಗೆದರಷ್ಟೇ ಅವಶೇಷ

d-s-ramaswamy

ಡಿ ಎಸ್ ರಾಮಸ್ವಾಮಿ

 

ಅಗೆದರೆ ತಾನೆ ಅವಶೇಷ ದಕ್ಕುವುದು

ಹಳೆಯ ಚಿತ್ರಗಳೆಲ್ಲ ಕಣ್ಮುಂದೆ ನಿಲ್ಲುವುದು

ಕ್ಲಿಕ್ಕಿಸಿದ ಸಂದರ್ಭಗಳ ಲೆಕ್ಕ ಸಿಕ್ಕುವುದು

ಇದ್ದಲ್ಲೇ ಸ್ಥಿರವಾದ ಸಂಗತಿಗಳ ಬಿಚ್ಚುವುದು.

 

ಆದರೇನು ಮಾಡುವುದು

ತನ್ನನ್ನು ತಾನೇ ಚಿತ್ರಿಸುವವಕಾಶ ಸುಲಭ-

ಕ್ಕೊಲಿಯದು ಸೆಲ್ಫಿ ಇಲ್ಲದ ಕ್ಯಾಮರಾಗಳಲ್ಲಿ

ಪುರಾತನ ಕಾಲದ  ಕತ್ತಲ ಸಹವಾಸ

ಗೊತ್ತೇ ಇಲ್ಲದ ಆಧುನಿಕತೆಯ ಕೃತಕತೆಗಳಲ್ಲಿ.

 

ತೆಗೆದದ್ದನ್ನೆಲ್ಲ ಚಿತ್ರ ಪಟವಾಗಿಸುವ ಮೊದಲು

ಗುಡ್ ಒನ್ಸ್ ಗಳನ್ನಷ್ಟೇ ಆಯುವ ಕುಶಲ ಕಲೆ

ಒಲಿಯುವುದಕ್ಕೆ ನಿರಂತರದ ಏಕ ನಿಷ್ಠೆಯ ತಪಸ್ಸು

ಸಿದ್ಧಿ ಸಾಧನೆಗೆ ಚಿತ್ರಗಳೇ ಯಾವತ್ತೂ ಸಾಕ್ಷಿಗಳು

 

ಚಿತ್ರ ಕ್ಲಿಕ್ಕಿಸುವ ಕ್ಯಾಮರಾಕ್ಕಿರುವ ತಾಕತ್ತು

ಬಳಸುವವರಿಗೆ ಗೊತ್ತಿದ್ದರಷ್ಟೇ ದಾಖಲೆ

ನೆರಳು ಬೆಳಕು ಸಮಯ ಸಂದರ್ಭ

ಅರಿವಿದ್ದರಷ್ಟೇ ಅರಳುವುದು ಸಾಹಿತ್ಯ ಚಿತ್ರ ಕಲೆ

3 Comments

  1. ಮಮತ
    October 20, 2016
  2. Dr.T yellappa
    October 20, 2016
    • D S Ramaswamy
      October 23, 2016

Add Comment

Leave a Reply

%d bloggers like this: