Quantcast

ಕ್ಲಿಕ್ ಆಯ್ತು ಕವಿತೆ: ಈ ಸುಂದರಿಗೆ ಈಗಲೂ ಪ್ರಿಯಕರರಿದ್ದಾರೆ..

ಡಾ. ಪ್ರೇಮಲತ ಬಿ.

ಈ ಕಾಲವೇ ಹೀಗೆ,

ನೆನಪುಗಳ ಹಿಡಿದಿಡಲು ತವಕಿಸಿ

ತಾನೇ ನೆನಪಾಗಿ ಧೂಳಿಡಿಯುತ್ತದೆ

ಕಾಲವನು ಫ್ರೇಮಿನಲಿ ಕ್ಲಿಕ್ಕಿಸಿದ

ಅಗ್ರಜೆ ಎಸ್ಸೆಲ್ಲಾರನೂ ಕಳೆಯುತ್ತದೆ!

ಕಾಲದ ಮಹಿಮೆಯಲಿ,

ಟೆಕ್ನಾಲಜಿಯ ವೇಗಕ್ಕೆ ರೆಕ್ಕೆ

ಜೋಡಿಸಿದ ಮೊದಲುಗಳೆಲ್ಲ ಹಳಬರಾಗಿ

ಇತಿಹಾಸದ ಪುಟಗಳಲಿ ಸಹಿಹಾಕಿ

ಕೈ ಜೋಡಿಸಿ ಹಿಂದೆ ಸರಿಯುತ್ತವೆ!

unnamed

ಕಳೆದ ಕಾಲದ ಪ್ರೀತಿಯಲಿ

ಜರ್ಮನಿಯ ಪರಿಣಿತಿಗೆ ಶರಣಾದ

ಈ ಸುಂದರಿಗೆ ಈಗಲೂ ಪ್ರಿಯಕರರಿದ್ದಾರೆ

ಸಿಕ್ಕರೆ ಶುಚಿಗೊಳಿಸಿ, ಒಂದೆರಡು

ಲೆನ್ಸುಗಳನು ಜೋಡಿಸಿ

ಆಟವಾಡಲು ಆ ಕೈಗಳು ತವಕಿಸುತ್ತವೆ!

ಕಾಲವನು ಕೆಣಕಿ,

ತಲೆಕೆಳಗಾಗಿ ಜೋಡಿಸಿದರೂ ಯಂತ್ರಗಳ

ತಿರುವು ಮುರುವಾಗಿಸಿದರೂ ಕೆಲಸಗಳ

ತನ್ನದೇ ಆಕಾರ-ವಿಕಾರಗಳ ಸುದ್ದಿ

ಹುಟ್ಟಿಸಿದ ,ಚರ್ಚೆಗೆ ಮೈಯೊಡ್ಡಿದ

ಜರ್ಮನಿಯ ಬೆಡಗಿ ಎಕ್ಸಾಟ್ಟಾಳನು

ಹೆಮ್ಮೆಯಲಿ ಸಂಗ್ರಹದಿ ಇಟ್ಟಿದ್ದಾರೆ!

ಕಳೆದ ಕಾಲದ

ನೆನಪಿನ ಸುರುಳಿಯನು ಸುತ್ತಿ, ಸುತ್ತಿ

ಬಿಚ್ಚಿಟ್ಟ ನೀನು ಕಾಲದಲಿ ವಿಲೀನ

ಹಳಬರನು ಪ್ರೀತಿಸುವ ಸಣ್ಣ ಮಾರಕಟ್ಟೆಯಲಿ

ದಪ್ಪಕ್ಷರದಿ ಬರೆದ ನಿನ್ನೆಸರು ಮಾತ್ರ

ಸೂಜಿರಂಧ್ರದಲಿ ಶಟ್ಟರ್ ಎಳೆದ

35 ಮಿಲಿಮೀಟರುಗಳ ದಾರ್ಶನಿಕಳಂತಲೇ, ಪ್ರಮಾಣ!

 

2 Comments

  1. shrivatsadesai
    October 21, 2016
  2. shrivatsadesai
    October 21, 2016

Add Comment

Leave a Reply

%d bloggers like this: