Quantcast

ನಾನು ಖಂಡಿತ ಕವಿಯಲ್ಲ..

rajeev narayan nayakರಾಜೀವ ನಾರಾಯಣ ನಾಯಕ

ನಾನು ಖಂಡಿತ ಕವಿಯಲ್ಲ

ಆದರೆ ಇಷ್ಟು ಹತ್ತಿರ

ಬಂದಿರುವಾಗ ಚಂದಿರ

ಕವನ ಬರೆಯದಿರುವುದು

ಸರ್ವಥಾ ಸರಿಯಲ್ಲ!

moon-climbing

ಮೂನ್ ನೋಡ್ತಿದ್ದರೆ

ಮೂಡ್ ಏಕೋ ಥರಥರಾ:

ಆಗಸದಲ್ಲಿ ಒಂಟಿ ಚಂದಿರ

ಸೇಮ್ ನಂಥರ

ಆಗಸದಲ್ಲಿ ಪೂರ್ಣ ಚಂದಿರ

ಸೇಮ್ ಟು ಸೇಮ್ ನಿಂಥರ!

ನಿನ್ನ ಕಲ್ಲಿನಂಥ ಮೌನವನ್ನು

ಇನ್ನೊಂದು ಮೌನದಿಂದ ಕೊಲ್ಲಬಲ್ಲೆ

ನಿನ್ನ ನಿಷ್ಕಾರಣ ವಿದಾಯವನ್ನು

ಕಠೋರವಾಗಿ ಬೀಳ್ಕೊಡಬಲ್ಲೆ

ಈ ಚಂದ್ರ ನೆನಪಿಸುವ ನಿನ್ನ ಕಾಂತಿಯನ್ನು

ಮಾತ್ರ ಹೇಗೆ ಮರೆಯಲಿ ಹೇಳು ನಲ್ಲೆ?

ಓ ಚಂದಿರನೆ!

ನಿನ್ನ ಹೊಳಪಿಗೆ ನೀನೇ ಬೀಗಬೇಡ

ನಿನ್ನದು ಅರ್ಧ ಕಾಂತಿ ಮಾತ್ರ

ಉಳಿದರ್ಧ ನಿನ್ನನ್ನೆಲ್ಲೋ ನೋಡುತ್ತಿರುವ

ನನ್ನವಳಿಂದ ಪ್ರತಿಫಲಿಸಿದ್ದು, ಮರೆಯಬೇಡ!

Add Comment

Leave a Reply

%d bloggers like this: