Quantcast

ದಮ್ಮಯ್ಯ ನಿನಗೆ, ವಾಪಸ್ ಕೊಟ್ಟುಬಿಡು..

ಗೀರ್ವಾಣಿ

flute3ರಾಧೆ, ರಾಧೆಗೊಬ್ಬ ಶ್ಯಾಮ,
ಶ್ಯಾಮನಿಗೊಂದು ಕೊಳಲು.

ಆ ಕೊಳಲೀಗ ಬೇಡ
ಕೊಟ್ಟುಬಿಡು ಶ್ಯಾಮ
ಬಿದಿರ ಮೆಳೆಗೆ !

ನಾ ಬಂದಾಯಿತಲ್ಲ !

ಮರಳಿಸಿ ಬಿಡು ನೀ ನುಡಿಸಿದ
ಜನ್ಮಾಂತರದ ನಾದಗಳನ್ನು,
ಎದೆ ಸೇರಿದ ಹಾಡುಗಳನ್ನು,
ಇನ್ನಿಲ್ಲದಂತೆ ಕಾಡಿದ ರಾಗಗಳನ್ನು
ಪಾಪ ! ನೊಂದುಕೊಂಡಾವು ಬಿದಿರ ಮೆಳೆಗಳು.

ಪಾಪದ ಬಿದಿರು ಇದು,
ಒಂದೇ ಸಮ ತುಯ್ಯುತಿದೆ ಮೋಹನಾ
ನೀನೂದಿದ ಉಸಿರಿಗೆ .
ದಮ್ಮಯ್ಯ ನಿನಗೆ, ವಾಪಸ್ ಕೊಟ್ಟುಬಿಡು
ಕೊಳಲನ್ನ ಬಿದಿರ ಮೆಳೆಗೆ
ನಾನೇ ವೀಣೆಯಾಗುವೆ ನಿನ್ನ ಬೆರಳಿಗೆ !!!

Add Comment

Leave a Reply