Quantcast

ಸೇತುವೆಯಾಗಲೇ ಇಲ್ಲ ಕಂಪ್ಯೂಟರ್..

ಕಲಿಕೆ

ಪ್ರಕಾಶ ಕಡಮೆ

ಕೈ ಮೇಲೆ ಕೈ ಯಿಟ್ಟು
ಮೌಸ್ ಹಿಡಿದು
ಕಂಪ್ಯೂಟರ್ ಕಲಿಸಿದಾಕೆ
ಅವನ ಹೃದಯದ ಮೇಲೆಯೇ
ಬೆರಳಾಡಿಸಿ
ಲಗ್ಗೆಯಿಟ್ಟಳು ಬದುಕಿಗೆ.
ಆ ಕ್ಷಣವೆಲ್ಲ ರೋಮಾಂಚನ!

ಅನುದಿನ ಉಂಡುಟ್ಟು
ಜೀವಿಸುವಾಗ ಕ್ಷಣ ಕ್ಷಣವೂ ಜೊತೆ
ಸೇತುವೆಯಾಗಲೇ ಇಲ್ಲ ಕಂಪ್ಯೂಟರ್
ಕೈ ಕೈ ಹಿಡಿದು ನಡೆವಾಗ
ಬದುಕಿನ ತರಂಗಗಳು
ಡಿಕ್ಕಿ ಹೊಡೆದವು ಒಂದಕ್ಕೊಂದು
ಓಡಾಡಿತು
ಮೌಸ್ ಈಗ ಮನೆ ತುಂಬ
ಕಚ್ಚಿ ತಿಂದಿತು ಇದ್ದ ಬಿದ್ದ ವಸ್ತುಗಳ
ಮೂಲೆ ಹಿಡಿಯಿತು
ಟೈಪಿಸುವ ಕೀಬೋರ್ಡು

ಮುಂದುವರೆಯದೇ ಕಲಿಕೆ
ಜಡವಾಯಿತು ಜೋಡಿ ಮನಸು
ನಿಲುಕಲೇ ಇಲ್ಲ
ಒಬ್ಬರ ಜಾಲತಾಣ ಇನ್ನೊಬ್ಬರಿಗೆ
ಸತ್ತಿತು ರೋಮಾಂಚನ
ಮಾನಿಟರ್ ನಲ್ಲಿ ಬದುಕು ನರಳಿತು
ಬಿರುಕು ಮೂಡಿಸಿಕೊಂಡು
ಕಂಪ್ಯೂಟರ್ ಕ್ಲಾಸಿಗೆ ಈಗ
ಎಡ್ಮಿಷನ್ ಆಗಿದೆ ಹೊಸದಾಗಿ
ಮುಂದುವರೆದಿದೆ ಕಲಿಕೆ!

 

3 Comments

  1. Kavya
    March 14, 2017
  2. Prakash
    March 14, 2017

Add Comment

Leave a Reply