Quantcast

‘ಸಾಕವ್ವ’ ಎಂಬ ಹೆಸರಿನ ಹಿಂದೆ..

ಸುರೇಶ್ ಮುಗ್ಬಾಳ್

ನೀವು ಸಾಕವ್ವ ಎಂಬ ಹೆಸರನ್ನು ಕೇಳಿರಬೇಕು.

ಈಗಿನವರು ಇಂತಹ ಹೆಸರನ್ನು ತಮ್ಮ ಮಕ್ಕಳಿಗೆ ನಾಮಕರಣ ಮಾಡುವುದಿಲ್ಲ ಬಿಡಿ!

ಅರ್ಥವೇ ಗೊತ್ತಿಲ್ಲದ ಅನೇಕ ಹೆಸರುಗಳು ನಿಮ್ಮ ಅಕ್ಕ-ಪಕ್ಕದ ಮನೆಯ ಮಕ್ಕಳಿಗೆ ನಾಮಕರಣವಾಗಿರುವುದನ್ನು ಗಮನಿಸಿರುತ್ತೀರಿ.

ನೀವೇನಾದರು ‘ಸಾಕವ್ವ’ ಎಂಬ ಹೆಸರಿನ ಅರ್ಥ “ಸಾಕುವವಳೇ ಸಾಕವ್ವ” ಎಂದು ತಿಳಿದಿದ್ದರೆ ನಿಮ್ಮ ಅಭಿಪ್ರಾಯ ತಪ್ಪು! ನಿಜ ಅರ್ಥ ಬೇರೆಯೇ ಇದೆ.

ಹೆಣ್ಣು ಮಗು ಕುಟುಂಬಕ್ಕೆ ಹೊರೆ ಎಂದು ತಿಳಿಯುತ್ತಿದ್ದ ನಮ್ಮ ಹಿರಿಯರು ಗಂಡು ಸಂತಾನಕ್ಕಾಗಿ ಕಾಯುತ್ತಿದ್ದರು. ಹೆಣ್ಣು ಭ್ರೂಣ ಹತ್ಯೆಗೆ ಕಾಸಿಲ್ಲದವರು ಹೆಣ್ಣು ಮಗು ಹುಟ್ಟಿದ ಮರು ಕ್ಷಣವೇ ಗುಂಡಿ ತೋಡಿ ಜೀವಂತ ಮುಚ್ಚಿಬಿಡುತ್ತಿದ್ದರು‌. ಮತ್ತೊಂದು ಸಂತಾನಕ್ಕಾಗಿ ಕಾಯುತ್ತಿದ್ದರು. ಮತ್ತೆ ಹೆಣ್ಣು ಸಂತಾನವಾದರೆ ಅದಕ್ಕೂ ಗುಂಡಿ ತೋರಿಸುತ್ತಿದ್ದರು. ಪದೇ ಪದೇ ಹೆಣ್ಣು ಸಂತಾನವಾದರೆ ಅನಿವಾರ್ಯ ಕಾರಣಗಳಿಗಾಗಿ ಕೆಲವು ಹೆಣ್ಣು ಮಕ್ಕಳನ್ನು ಉಳಿಸಿಕೊಂಡು ತಮ್ಮ ಸಂತಾನದ ಕೊನೆಯ ಹೆಣ್ಣು ಮಗುವಿಗೆ “ಸಾಕವ್ವ” ಎಂದು ಹೆಸರಿಡುತ್ತಿದ್ದರು‌.

ಈಗ ಗೊತ್ತಾಗಿರಬೇಕಲ್ಲವೇ ಸಾಕವ್ವನ ಹೆಸರಿನ ಅರ್ಥ? “ಹೆಣ್ಣು ಮಗು ಸಾಕವ್ವ” ಎಂಬ ಸಾಂಕೇತಿಕ ನಾಮವೇ ನಿಮ್ಮ ನಡುವೆ ಜೀವಿಸುತ್ತಿರುವ ಸಾಕವ್ವನ ನಿಜವಾದ ಕಥೆ.

3 Comments

  1. Sangeeta Kalmane
    May 7, 2017
  2. Hussain pasha
    May 6, 2017
  3. Kusumapatel
    May 6, 2017

Add Comment

Leave a Reply