ಪ್ರಕಾಶ್ ರೈ ಕೃತಿ ಬಿಡುಗಡೆಗೊಂಡಿತು..

ಪ್ರಕಾಶ್ ರೈ ಅವರ ಅಂಕಣ ಬರಹಗಳ ಸಂಕಲನ ‘ಇರುವುದೆಲ್ಲವ ಬಿಟ್ಟು’ ಬೆಂಗಳೂರಿನಲ್ಲಿ ಬಿಡುಗಡೆಯಾಯಿತು.

ಕೃತಿಯ ಪ್ರಬಂಧಗಳನ್ನು ಶ್ರುತಿ ಹರಿಹರನ್ ಹಾಗೂ ಅಚ್ಯುತ ಕುಮಾರ್ ಅವರು ಮನಸ್ಸಿಗೆ ನಾಟುವಂತೆ ವಾಚಿಸಿ ಕೃತಿಯ ಘನತೆಯನ್ನು ಹೆಚ್ಚಿಸಿದರು. ಹೇಗೆ ಪ್ರಕಾಶ್ ರೈ ಅವರ ಪ್ರಶ್ನೆಗಳು ನಮ್ಮ ಪ್ರಶ್ನೆಗಳೂ ಆಗಿವೆ ಎನ್ನುವುದನ್ನು ಪರಿಣಾಮಕಾರಿಯಾಗಿ ಶ್ರುತಿ ಹರಿಹರನ್ ವಿವರಿಸಿದರು.

ಖ್ಯಾತ ಸಾಹಿತಿ ಹಾಗೂ ಪ್ರಕಾಶ್ ರೈ ಅವರ ಗುರುಗಳಾದ ಎಚ್ ಎಸ್ ವೆಂಕಟೇಶ ಮೂರ್ತಿ ಅವರು ಕೃತಿ ಬಿಡುಗಡೆ ಮಾಡಿದರು. ಡಾ ವಿಜಯಾ ಅವರು ಅಧ್ಯಕ್ಷತೆ ವಹಿಸಿದ್ದರು. ನಟ ಸುದೀಪ್ ಹಾಗೂ ಜಯಂತ ಕಾಯ್ಕಿಣಿ ಪ್ರಕಾಶ್ ರೈ ಅವರ ವ್ಯಕ್ತಿತ್ವ ಹಾಗೂ ಬರಹವನ್ನು ಸ್ವಾರಸ್ಯಕರವಾಗಿ ಕಟ್ಟಿಕೊಟ್ಟರು.

ಜೋಗಿ ಇಡೀ ಸಮಾರಂಭದ ಕೊಂಡಿಯಾದರು. ಸಾವಣ್ಣ ಪ್ರಕಾಶನ ಈ ಕೃತಿಯನ್ನು ಹೊರತಂದಿದ್ದು ಜಮೀಲ್ ಅವರು ಸಮಾರಂಭಕ್ಕೆ ಭಿನ್ನ ಆವರಣ ಕಟ್ಟಿಕೊಟ್ಟರು.

Leave a Reply