ಕುವೆಂಪು ಅವರ ಕುಪ್ಪಳಿ ಮನೆ ಇಲ್ಲಿದೆ..

ನಮ್ಮ ನಡುವಿನ ಅದ್ಭುತ ಛಾಯಾಗ್ರಾಹಕ ಶಿವಶಂಕರ ಬಣಕಾರ್ 

ಕಂಡ ಕುವೆಂಪು ಅವರ ಕುಪ್ಪಳಿ ಮನೆ ಇಲ್ಲಿದೆ 

ಕವನದ ಸಮೇತ 

ಮನೆ ಮನೆ ಮುದ್ದು ಮನೆ
ಮನೆ ಮನೆ ನನ್ನ ಮನೆ
ತಾಯಿ ಮುತ್ತು ಕೊಟ್ಟ ಮನೆ
ತಂದೆ ಪೆಟ್ಟು ಕೊಟ್ಟ ಮನೆ
ಮನೆಗೆ ಬಂದ ನೆಂಟರೆಲ್ಲ ಕೂಗಿ ಕರೆದು ಕೊಬರಿ ಬೆಲ್ಲಗಳನು ಕೊಟ್ಟು
ಸವಿಯ ಸೊಲ್ಲ ನಾದುತಿದ್ದ ನಮ್ಮ ಮನೆ

ಮನೆ ಮನೆ ಮುದ್ದು ಮನೆ

ನಾನು ನುಡಿಯ ಕಲಿತ ಮನೆ
ನಾನು ನಡಿಗೆ ಅರಿತ ಮನೆ
ಹಕ್ಕಿ ಬಳಗ ಸುತ್ತ ಕೂಡಿ
ಬಯ್ಳು ಬೆಳಗು ಹಾಡಿ ಹಾಡಿ
ಮಲೆಯನಾದ ಸದ್ದು ಮಾಡಿ ನಲಿಸುತಿದ್ದ ನಮ್ಮ ಮನೆ

ಮನೆ ಮನೆ ಮುದ್ದು ಮನೆ

ಮೊದಲ ಮಿಂಚು ಹೊಳೆದ ಮನೆ
ಮೊದಲ ಗುಡುಗು ಕೇಳ್ದ ಮನೆ
ಮೊದಲ ಮಳೆಯು ಕರೆದು ಕರೆದು
ಹೆಂಚ ಮೇಲೆ ಸದ್ದು ಹರಿದು ಮಾದಿಯಿಂದ ನೀರ ಸೂರಿದು ಬೆರಗ ನಿತ್ತ ನಮ್ಮ ಮನೆ

ಮನೆ ಮನೆ ಮುದ್ದು ಮನೆ

ಹೆತ್ತ ತಾಯಿ ಸತ್ತ ಮನೆ
ಮತ್ತೆ ತಂದೆ ಹೋದ ಮನೆ
ಗಿರಿಜನರಲಿ ಬಿಟ್ಟ ಮನೆ ಕಿಟ್ಟಿ ಬೆಂದು ಸಂದ ಮನೆ
ಬಾಲ್ಯ ಬಾಡಿ ಬಿದ್ದ ಮನೆ ಆದರೆನಗೆ … ನನ್ನ ಮನೆ

ಮನೆ ಮನೆ ಮುದ್ದು ಮನೆ

ಕಬ್ಬಗಳನು ಕಂಡ ಮನೆ
ಹಬ್ಬ ದೂಟ ಉಂಡ ಮನೆ
ಅಜ್ಜಿ ಅಜ್ಜರೆಲ್ಲರಿದ್ದು ಗೆಳತಿ ಗೆಳೆಯರೆಲ್ಲರಿದ್ದು
ಬಾಳಿ ಬದುಕಿ ನರಳಿ ಬಿದ್ದು ಮಾಯವಾದ ನಮ್ಮ ಮನೆ

ಮನೆ ಮನೆ ಮುದ್ದು ಮನೆ

ತಾಯಿ ಮಿನ್ದ ಕೆರೆಯ ಮನೆ
ಬಟ್ಟೆ ಹೊಗೆದ ತೊರೆಯ ಮನೆ
ತಾಯಿ ಅಡಿಯ ದೂಳಿಯಿಂದ ತಂದೆ ಯುತ್ತ ಮಣ್ಣಿನಿಂದ
ಗಿರಿಜೆ ಬಿದ್ದ ಮಟ್ಟಿಯಿಂದ ಮಂಗಳದ ನಮ್ಮ ಮನೆ

ಮನೆ ಮನೆ ಮುದ್ದು ಮನೆ

ನಾನು ಬದುಕೊಳುಳಿವ ಮನೆ
ನಾನು ಬಾಳಿ ಅಳಿವ ಮನೆ
ನನ್ನದಲ್ಲ ಇಳಿಯೊಳಿನ್ದು ಹೆಮ್ಮೆಯಿಂದ ನನ್ನದೆಂದು
ಬೆಂದು ಬಳಲಿದಾಗ ಬಂದು ನೀರು ಕುಡಿವ ನನ್ನ ಮನೆ

ಮನೆ ಮನೆ ಮುದ್ದು ಮನೆ
-ಕುವೆಂಪು

4 Responses

  1. nutana doshetty says:

    amazing detailing in photography..

    Nutana Doshetty

  2. shivashankar banagar says:

    ಧನ್ಯವಾದಗಳು ಸರ್

  3. ಅದ್ಭುತ ದೃಶ್ಯಕಾವ್ಯ !

  4. jahanara kolur says:

    sundaravaagide

Leave a Reply

%d bloggers like this: