ನಾನೇನು ವೆಲ್ಕಮ್ ಬೋರ್ಡು ಹಾಕಿಲ್ಲ..

ಅಶ್ವಿನಿ ಶ್ರೀಪಾದ್

ಒಮ್ಮೊಮ್ಮೆ ಹಾಗೆ ಇದ್ದು ಬಿಡುವಾಸೆ
ಕೆಲಸ ಬಂಡಿಯಷ್ಟಿದ್ದರು ,
ಮರೆತುಬಿಟ್ಟು ಹಾಯಾದ ಸುಖದ ಕ್ಷಣ !
ಕೈ ತುಂಬಾ ಸಾಲ ಮಾಡಿ ಪಾಯಸ ತಿಂದಂತೆ
ತಿಂಗಳ ಕೊನೆಯಲ್ಲಿ ಓಲಾ ಉಬರ್ ಓಡಾಟದಂತೆ ,

ಬ್ಯಾಟರಿ ಕಡಿಮೆ ಇದ್ದರೂ ಯೂಟ್ಯೂಬಿನಲ್ಲಿ ಸಿನಿಮಾ ನೋಡುವಂತೆ ,
ಹೊಟ್ಟೆಗೆ ಹಿಟ್ಟು ಇರದಿದ್ದರೂ ಜುಟ್ಟಿಗೆ ಮಲ್ಲಿಗೆ ಹೂವಂತೆ
ಕಷ್ಟವೋ ತಾಪತ್ರಯವೋ ತೊಂದರೆಯೂ
ಅದಕ್ಕೊಂದಿಷ್ಟು ಹೆಸರು ,
ಅದು ಇರಲಿ ಬಿಡಿ ಅದರ ಪಾಡಿಗೆ ಅದು ,
ನಾನೇನು ವೆಲ್ಕಮ್ ಬೋರ್ಡು ಹಾಕಿಲ್ಲ
ಆದರೂ ನನ್ನೊಳಗೆ ಅದು ಬಂದೆ ಬರ್ತವೆ ,
ಅದು ಇದ್ದದ್ದೇ
ಕತ್ತಲಿಗೆ ಅಂಜಿ ಬಣ್ಣದ ಕನಸು ಬೀಳುವುದು ನಿಲ್ಲದು ,
ಬೆಟ್ಟದಂತ ಕಷ್ಟ ನಿಂತುಬಿಡಲಿ ಬಿಡಿ , ಅದು ಇದ್ದದ್ದೇ
ನಾನು ನಿಲ್ಲದ ಮೋಡ, ಅಪ್ಪಳಿಸಿದಾಗಲೇ
ಮಳೆ, ಜೋರಾದ ಮಳೆ !!

1 Response

  1. Anagha LH says:

    Superb!

Leave a Reply

%d bloggers like this: