fbpx

ಅಮ್ಮ ನೆನಪಾಗುತ್ತಾಳೆ….

ಕುಸುಮ ಪಟೇಲ್ 

ಯಾಕೋ ಏನೋ

ಈಗೀಗ ಹೀಗೆ ಅಮ್ಮ

ಬಹಳೇ ಬಹಳೇ ನೆನಪಾಗುತ್ತಾಳೆ

ಅವಳಿಗೆ ಅವಳಮ್ಮನ

ನೆನಪಿನ ಹಾಗೆ..

 

ನೆನಪಾಗುತ್ತಾಳೆ

ಅವಳ ಅವಳಮ್ಮನ

ಎಲ್ಲಾ ಅಮ್ಮಂದಿರ

ತಲೆಯಾರು ತಲೆಮಾರು

ಸಂತತಿಯ ಸೇತುವೆಯ

ಲಾವಣಿಯ ಹಾಗೆ..

 

ನೆನಪಾಗುತ್ತಾಳೆ

ಆಯಕಟ್ಟಿನ ಆಯಂದಪ್ಪದ

ಹರಿತ ನಡಿಗೆಯ

ಬದುಕ ಬಿಡೆಯ ನಡುವೆ

ತಣ್ಣನೆಯ ಲಾಲಿಯ ಹಾಗೆ…

 

ನೆನಪಾಗುತ್ತಾಳೆ

ಹಸಿ ಉಸಿರು ಬಸಿರಲ್ಲಿ ಬಿಸಿಯಾದ

ಅವಳ ನೆನಪು

ಹಸಿರಾಗಿ ಇರುವವರೆಗೂ …

 

ನೆನಪಾಗುತ್ತಾಳೆ

ಮಣ್ಣಲ್ಲಿ ಮಣ್ಣಾಗುವ ದಿನ

ಹತ್ತಿರ ಸರಿ ಸರಿದು ಹರಿದಂತೆಲ್ಲಾ

ಬಹಳೇ ಬಹಳೇ …ನೆನಪಾಗುತ್ತಾಳೆ

 

ನೆನಪಾಗುತ್ತಾಳೆ

ವಸುಂಧರೆಗೆ ಮರುಳಾಗಿ

ಕರಗಿ ನಾ

ಮಣ್ಣಲ್ಲಿ ಮಣ್ಣಾಗುವವರೆಗೂ …ನೆನಪಾಗುತ್ತಾಳೆ

 

 

ನೆನಪಾಗುತ್ತಾಳೆ

ನೂಲು ಸೀರೆಯ ಹುಸಿ ಮುನಿಸಿನ

ಮಣ್ಣಲ್ಲಿ ಮಣ್ಣಾಗಿ

ತಣ್ಣಗಿರುವ ಅಮ್ಮ

ನೆನಪಾಗುತ್ತಾಳೆ …ಅವಳಿಗೆ

ಅವಳಮ್ಮನ ನೆನಪಿನ ಹಾಗೆ………

11 Responses

  1. Kusumapatel says:

    Thank you AVADHI.

  2. Lalitha Siddabasavaiah says:

    ಚೆನ್ನಾಗಿದೆ ಕವನ

  3. Lalitha Siddabasavaiah says:

    ಕವನ ಚೆನ್ನಾಗಿದೆ

  4. Kusumapatel says:

    ಲಲಿತ ಅವರೆ ಧನ್ಯವಾದಗಳು.

  5. Kusumapatel says:

    ಧನ್ಯವಾದಗಳು .

  6. nutana doshetty says:

    Kusumapatel

    ಕವನ ಚೆನ್ನಾಗಿದೆ

  7. Kusumapatel says:

    Thank you Nutana

  8. S a chinnapur says:

    ಅಮ್ಮ ನಿಜವಾಗಿಯೂ ನೆನಪಾದಳು. ಚೆನ್ನಾಗಿದೆ ಕವನ.

  9. Kusumapatel says:

    Thank you Sir

  10. ಬಸವರಾಜ.ಬೂದಿಹಾಳ.ಗೋವಾ. says:

    ಅಮ್ಮನ ನೆನಪುಗಳಿಗೆ ಬಣ್ಣಗಳಿಂದ ತೀಡಿ, ಶೃಂಗಾರಗೊಳಿಸಿ ವೈವಿಧ್ಯ ಭಾವಗಳನ್ನು ಪ್ರಕಟಿಸಿದ್ದಿರಿ. ವಂದನೆಗಳು.

  11. Kusumapatel says:

    ಧನ್ಯವಾದಗಳು

Leave a Reply

%d bloggers like this: