ಅಂವ ಬೇಕು ನಂಗೆ!

chetana2.jpg“ಭಾಮಿನಿ ಷಟ್ಪದಿ”

 

 

ಚೇತನಾ ತೀರ್ಥಹಳ್ಳಿ

ಚಂದಮಾಮನ ಕಣ್ಣು. ಜೇನು ಜೇನು ದನಿ.
ಅವಳ ಎಲ್ಲ ಮೊಂಡಾಟಗಳೂ ಅವಂಗೆ ಅಕ್ಕರೆ.
ಅವಳು ಕೇಳಿದ್ದೆಲ್ಲ ಗಳಿಗೆಯೊಳಗೆ ಅಂಗೈಲಿ, ಕಾಲ ಬುಡದಲ್ಲಿ.
ಪ್ರೀತಿಯೊಂದನ್ನ ಬಿಟ್ಟು…

ಅಂವ ಪ್ರೀತಿ ಅಂತ ತಿಳಕೊಂಡದ್ದರ ವಾರಸುದಾರರು
ಊರು ತುಂಬಾ…. ಕೇರಿ ತುಂಬಾ!

avalu1.gif
 
ಅವಳಿಗೋ, ನಗು ಬೇಕು. ಮಾತು ಬೇಕು.
ಮಾತಲ್ಲಿ ಹುಣ್ಣಿಮೆ ತುಂಬಿ, ತುಳುಕುತ್ತ ಹೇಳಿದಳು:

“ನಿನ್ನೀ ಸವಲತ್ತು- ಸಡಗರಗಳೊಂದೂ ಬೇಕಿಲ್ಲ.
ಮುತ್ತಂಥ ನಾಲ್ಕು ಮಾತಾಗಿ ಬಾ… ”

ಊಹೂಂ. ಅಂವ ಬರಲಿಲ್ಲ.
ಕಾಡು ಪಾರಿವಾಳಗಳಿಗೆ ಕಾಳು ಹಾಕುತ್ತ ಕುಂತುಬಿಟ್ಟ.
 
*  *  *

ಜೀವಂತಿಕೆಯ ಹುಡುಗಿ. ಜೀವನ ಪ್ರೀತಿಯ ಹರೆಯ.
ಮತ್ತೀಗ ತಲೆ ತಗ್ಗಿಸಿ ನೆಲ ಕೆರೆಯುತ್ತ ಕೇಳಿದಳು:

“ನಂಗೆ ಅಂವ ಬೇಕು!
 
“ನಿನ್ನ ಹಾಗೆ ಮೂಕನಲ್ಲದ, ಕಲ್ಲನ್ನೂ ಕರೆದು ಮಾತಾಡಿಸ್ತಾನಲ್ಲಾ ಅಂವ.
ನಿನ್ನ ಹಾಗೆ ಗುಮ್ಮನಲ್ಲದ, ಸುಮ್ಮಸುಮ್ಮನೆ ನಗ್ತಾನಲ್ಲಾ ಅಂವ.
ನನ್ನ ಚಿಕ್ಕಪುಟ್ಟ ತಪ್ಪಿಗೂ ಬಯ್ದು ರೇಗಿಸ್ತಾನಲ್ಲಾ, ಜಗಳಾಡ್ತಾನಲ್ಲಾ,
ದಿನಗಟ್ಟಲೆ ಮಾತು ಬಿಡ್ಲಿಕ್ಕೆ ಹೆಣಗಿ, ಸೋತು ಸುಣ್ಣವಾಗ್ತಾನಲ್ಲಾ,
ಅಂವ.

“ನನ್ನ ಮೊಬೈಲಿನ ಕರೆನ್ಸಿಯಷ್ಟನ್ನೂ ಹುರಿದು ಮುಕ್ತಾನಲ್ಲಾ,
ಊರಾಚೆ ದೂರದಲ್ಲಿದ್ದೂ, ಮಗ್ಗುಲಲ್ಲಿ ನಾಚಿಕೊಳ್ತಾ ಚೆಂದವಾಗಿ ಮಲಗಿದ್ದೀ
ಅಂದು ಕೆಂಪೇರಿಸ್ತಾನಲ್ಲಾ…
ಅಂವ ಬೇಕು ನಂಗೆ!”

‍ಲೇಖಕರು avadhi

October 5, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಚೇತನಾ ಎಂಬ ‘ಗಾನಾ ಜೋಯ್ಸ್

ಚೇತನಾ ಎಂಬ ‘ಗಾನಾ ಜೋಯ್ಸ್

' ಕನಸುಗಾರ ವೆಂಕಟ್ರಮಣ ಗೌಡರು 'ಹಂಗಾಮ' ಆರಂಭಿಸಿದಾಗ ಮೂಡಿ ಬಂದ ವಿಶಿಷ್ಟ ಲೇಖಕಿ ಗಾನಾ ಜೋಯ್ಸ್. ಈಗ ಈಕೆ ಚೇತನಾ ತೀರ್ಥಹಳ್ಳಿ. ಈಗಾಗಲೇ...

ಪ್ರೀತಿಯಿಂದ, ಚೇತನಾ ತೀರ್ಥಹಳ್ಳಿ

ಪ್ರೀತಿಯಿಂದ, ಚೇತನಾ ತೀರ್ಥಹಳ್ಳಿ

ಹಳೆಯ ನೆನಪು ಮತ್ತು ಒಂದು ಹೊಸ ಪುಸ್ತಕ ಈಗ ಅದೆಲ್ಲ ಮಜಾ ಅನಿಸತ್ತೆ. ನಾನು ಒಂದನೇ ಕ್ಲಾಸಿಂದ ಫಸ್ಟ್ ಬಿಎಸ್ಸಿ ವರೆಗೂ ಒಂದೇ ಒಂದು ನೋಟ್ಸೂ...

ಭಾಮಿನಿ ಷಟ್ಪದಿ ಎಂಬ “ಅಂಕಣ ಕಾದಂಬರಿ”

ಭಾಮಿನಿ ಷಟ್ಪದಿ ಎಂಬ “ಅಂಕಣ ಕಾದಂಬರಿ”

-ನಟರಾಜ್ ಹುಳಿಯಾರ್ 'ಕಾಲಲಿ ಕಟ್ಟಿದ ಗುಂಡು, ಕೊರಳಲಿ ಕಟ್ಟಿದ ಬೆಂಡಿ'ನ ಸ್ಥಿತಿಯನ್ನು ನಿಷ್ಠುರ ಸ್ತ್ರೀವಾದಿ ದೃಷ್ಟಿಕೋನದಿಂದ ಗ್ರಹಿಸಿ ಚೇತನಾ...

೧ ಪ್ರತಿಕ್ರಿಯೆ

  1. GURU

    Tumba chennagide. ava bega sigli anta haraisutini. i like the poem. please write some more

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: