ಅತ್ತಿತ್ತ ಆಡೋ ಜುಮಕಿ ಮುತ್ತಿಟ್ಟು ಕೆನ್ನೆ ಹಿಸುಕಿ..

ರಂಗಭೂಮಿ ಹಾಗೂ ಕ್ಯಾಮೆರಾ ಎರಡನ್ನೂ ಸಮಾನವಾಗಿ ಪ್ರೀತಿಸುವವರು ನಾಗರಾಜ ಸೋಮಯಾಜಿ.

ಇತ್ತೀಚಿಗೆ ತಾನೇ ‘ಫೋಕಸ್’ ಎನ್ನುವ ತಮ್ಮದೇ ಕನಸಿಗೆ ಗರಿ ಕಟ್ಟಿದ್ದಾರೆ.

ಸೋಮಯಾಜಿ ತೆಗೆದ ಒಂದು ಫೋಟೋ ‘ಅವಧಿ’ಯಲ್ಲಿ ಪ್ರಕಟಿಸಿದ್ದೆವು. (ಮೇಲಿನ ಫೋಟೋ)

ಈ ಚಿತ್ರಕ್ಕೆ ಗೀತಾ ಹೆಗ್ಡೆ ಕವಿತೆಯ ಪ್ರತಿಕ್ರಿಯೆ ನೀಡಿದರು. ಅದು ಇಲ್ಲಿದೆ 

ನಂತರ ಕುಸುಮಾ ಪಟೇಲ್ ಕವಿತೆಯ ಮೂಲಕವೇ ತಮ್ಮ ಮನದಾಳವನ್ನು ತೆರೆದಿಟ್ಟರು. ಅದು ಇಲ್ಲಿದೆ 

ಈಗ ವಿಜಯಲಕ್ಷ್ಮಿ ಅವರು ‘ರಂಗಮಂಚ’ಕೆ ಮನಸೋತು ಕುಣಿಯಿತೊಂದು ಕವಿತೆ! ಬರೆದಿದ್ದಾರೆ 

ಓದಿ ನೀವೂ ಕವಿತೆ ಬರೆಯಿರಿ s p vijayalakshmi

ಎಸ್. ಪಿ. ವಿಜಯಲಕ್ಷ್ಮಿ

ಘಲ್ ಘಲ್ಲು ಘಲ್ಲು ಕುಣಿತ
ಥಕಥೈಯ್ಯ ಹೆಜ್ಜೆ ಮಿಡಿತ
ಬಂದಳೋ….ನಾರೀ…ರಂಗಕೇ….
ಸುತ್ತ ನೆರೆದ ಮಂದಿ
ಈ ಸದ್ದಲೀಗ ಬಂದಿ
ಬೆರಗೋ…ಈ…ಬೆಡಗಿಗೇ…

ಸುಳಿಬಾಳೆ ಕೆನ್ನೆಗುಳಿಯು  foot2
ಹಣೆಮೇಲೆ ಕುರುಳಸುಳಿಯು
ನಾಸಿಕದ ತುದಿಯ ತಿದಿಗೆ
ಹಾಲ್ಗೆನ್ನೆ ಕೆಂಡಸಂಪಿಗೆ
ಕಡೆಗಣ್ಣ ಕುಡಿಯ ನೋಟ
ಕೇದಿಗೆಯ ಸುಳಿಯ ಮಾಟ..
ತಿರುತಿರುಗಿ ಮರಳಿ ದುಂಬಿ
ಕಣ್ಣಲ್ಲಿ ಸೆರೆಯ ಆಟ..

ಆ ಶಂಖದಂಥ ಕೊರಳೂ
ಅಲ್ಲೊಂದು ಕೆಂಪು ಹರಳೂ
ಅತ್ತಿತ್ತ ಆಡೋ ಜುಮಕಿ
ಮುತ್ತಿಟ್ಟು ಕೆನ್ನೆ ಹಿಸುಕಿ
ಕೊರಳೇಕೊ ಅತ್ತ ತಿರುಗೀ..
ಬೆನ್ನಲ್ಲಿ ಹೊರೆಯ ಸುರಗೀ..
ಕಾಳ್ಗಪ್ಪು, ಸರಿವ ಕಪ್ಪೂ
ನಾಗರದ ಜಡೆಯ ಹೊಳಪೂ..

ನವಿಲೂರ ನಡಿಗೆ ಹೆಣ್ಣೇ
ಮೈಬಣ್ಣ ಕಿರಣ ಹೊನ್ನೇ
ಈ ಗೆಜ್ಜೆ ಘಲಿರ ನಿನಾದ
ನನ್ನೆದೆಯಲ್ಲಿ ‘ಕುಹೂ’ ನಾದ
ಬೆರಳಿಂದ ಬೆವರ ತೊಡೆದೆ..
ಚಿಗುರೆದೆಯ ಪ್ರೇಮ ಒಡೆದೆ..
ಈ ಹೆಜ್ಜೆ ಕಂಡೆ ನೆನೆದೆ
ಹೀಗಿರುವೆ ತಾನೆ ಮುಗುದೆ…?

ನೀನಾರು ಹೇಳು ಚೆಲುವೆ
ನನ್ನೂಹೆ ದಿಟವೆ ಹೂವೇ..?
ಈ ಭಂಗಿ ಕೆಣಕಿ ನನ್ನಾ
ಕಣ್ಣೆದುರು ಬಿಂಕಬಿನ್ನಾಣಾ
ಕಿರಣಗಳು ಸುಡುವ ಮುನ್ನಾ..
ಮೃದುಮಧುರ ಹೆಜ್ಜೆಯನ್ನಾ..
ಎದ್ದೇಳು ಘಲಿಸಿ ಗೆಜ್ಜೆ
ತೋರೊಮ್ಮೆ ಮೊಗಸಿರಿಯ ಲಜ್ಜೆ ..

‍ಲೇಖಕರು admin

August 18, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕೋಟೆ ಬಾಗಿಲಿಗೆ ಬಂದವರು..

ಕೋಟೆ ಬಾಗಿಲಿಗೆ ಬಂದವರು..

ಮಂಜುನಾಥ್ ಚಾಂದ್ ಧರೆಯ ಒಡಲಿನಿಂದತೊರೆಗಳಾಗಿ ಬಂದವರಗುಂಡಿಗೆಗೆ ತುಪಾಕಿಹಿಡಿಯುವ ಮುನ್ನದೊರೆ ತಾನೆಂದು ಬೀಗಿಸೆಟೆಯುವ ಮುನ್ನನಿನ್ನ ದುಃಖ ನನ್ನ...

ಕಲಾಕೃತಿಗೆ ಜೀವವಾಗಿ ಬಂದವಳು…

ಕಲಾಕೃತಿಗೆ ಜೀವವಾಗಿ ಬಂದವಳು…

ರತ್ನರಾಯಮಲ್ಲ ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನುನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು  ಕಡು ಬಿಸಿಲಿನ...

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

೧ ಪ್ರತಿಕ್ರಿಯೆ

  1. ಸುಧಾ ಚಿದಾನಂದ ಗೌಡ

    ಹೆಜ್ಜೆಗೊಂದು ಗೆಜ್ಜೆ ಉಲಿಯಲೆಂದಾಡಿ ಬಂದ ಸ್ವರ
    ಬಣ್ಣದ ಸವಾಲು ಸ್ವೀಕರಿಸಿ ಬೀಗಿ, ನಿನ್ನ ಕಂಗಳಿಗಾಗಿ ಹೊಸ ನೃತ್ಯ
    ನಾದವಾಗಿ ಹೊಕ್ಕಳನಾಭಿ ತೋಳು, ತೊಡೆಗಳ ವ್ಯಾಪಿಸಿ ಇಲ್ಲವಾಗಿಸುವ ರಂಗಸ್ಥಳ ಸಿದ್ಧವಿದೆ ಸನ್ನದ್ಧಳಾಗು
    ನೆನಪಿರಲಿ ನಿನ್ನೆಗೆ, ನಾಳೆ ಕೊಡಲಿರುವ ಉಡುಗೊರೆಗೆ
    ಕಾಯುತಿದೆ ಗೆಜ್ಜೆ

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: