‘ಅದಕವಳುತ್ತರ ಕೊಡಲಿಲ್ಲ…’ – ಒ೦ದು ಕವಿತೆ

ಜವಾಬು ಕೊಡದೇ ಬದುಕಿದವಳು

ಹುಚ್ಚು ಮನಸಿನ ಹಲವು ಹಾಡುಗಳು

ಯದುಗಳ ಶ್ರೇಷ್ಠ ಶೂರಸೇನನ ಮಗಳವಳು

ಕುಂತಿ ಭೋಜನಿಗೆ ದತ್ತು ಹೋಗಿ ಕುಂತಿಯಾದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಮದುವೆಗೆ ಮುನ್ನವೇ ಮಗುವ ಪಡೆದವಳು

ಪಡೆದ ಮಗುವ ತೊರೆದು ಬಿಟ್ಟವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ತನ್ನ ಸಂಗಾತಿಯ ತಾನೇ ಆರಿಸಿಕೊಂಡವಳು

ಆರಿಸಿಕೊಂಡವನ ಶಾಪವನ್ನೂ ಒಪ್ಪಿಕೊಂಡವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಮತ್ತೆ ದೇವತೆಗಳಿಂದ ಹೆತ್ತವಳು

ಹೆತ್ತ ರೀತಿಗಾಗಿ ಹತ್ತು ಮಾತುಗಳ ಕೇಳಿದಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ತನ್ನ ತನಯರ ಹಕ್ಕಿಗಾಗಿ ಬಡಿದಾಡಿದವಳು

ಅದಕಾಗಿ,ಬಿಟ್ಟ ಹಾದಿಯ ಮತ್ತೆ ತುಳಿದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಒಂದು ಹೆಣ್ಣ ಐದು ಭಾಗ ಮಾಡಿದವಳು

ಲೋಕದೆಲ್ಲ ನಿಯಮ ಮೀರಿದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಮಗನಿಗಿಂತ ಸೊಸೆ ಮೇಲೆಂದ ಏಕೈಕ ಅತ್ತೆಯವಳು

ಅತ್ತೆಯ ಸೆರಗಿನಲಿ ಅಮ್ಮನಾದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಎಲ್ಲ ಬಗೆಯ ಧರ್ಮ ಗೆಲ್ಲಲೆಂದವಳು

ನಿಯತಿ ಮೀರಿ ನಡೆಯಲಾಗದೆಂದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಕಾಮಧೇನು ಮುಂದೆ ನಿಂತಾಗ ಕಷ್ಟ ಕೇಳಿದವಳು

ಕಷ್ಟದಲಿ ನಿನ್ನ ನೆನಪಿರಲೆಂದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಸಾರ್ವಭೌಮ ಮಗನ ಸಿಂಹಾಸನ ದಾಟಿದವಳು

ವಾನಪ್ರಸ್ಥಕೂ ತನ್ನಂತೆಯೇ ನಡೆದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ಬದುಕ ಮೂಸೆಯಲ್ಲಿ ಪೂರ್ಣ ಬೆಂದವಳು

ಮತ್ತೆ ಅಗ್ನಿಗಾಹುತಿಯಾದವಳು

ಅವಳಾವ ಕಷ್ಟಕೂ ಅಂಜಲಿಲ್ಲ

ಲೋಕಕುತ್ತರ ಕೊಡಲಿಲ್ಲ

ನಂಬುವವರಿಗೆ ಕಾರಣ ಬೇಕಿಲ್ಲ

ನಂಬದವರು ಕಾರಣಗಳನೂ ನಂಬಲ್ಲ

ಅದಕವಳುತ್ತರ ಕೊಡಲಿಲ್ಲ

‍ಲೇಖಕರು G

February 18, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

ಚೈತ್ರಚೇತನ ಕೊನರಿ…

ಚೈತ್ರಚೇತನ ಕೊನರಿ…

ಅರ್ಚನಾ ಎಚ್ ಹೆಡೆಯರಳಿ ಬುಸುಗುಟ್ಟಿಕೋಪದುರಿಬುಗ್ಗೆಗಳ ಎಸರು..ತಿಳಿಬಾನಿಗೆರಚಿ ಕೆಸರು..!!ರಾಡಿಕೊಳದಲಿ ಕಂಡದ್ದು ಭಗ್ನ...

ಮಣ್ಣ ಕಾಯಕ ಕಾಯುವುದಷ್ಟೇ…

ಮಣ್ಣ ಕಾಯಕ ಕಾಯುವುದಷ್ಟೇ…

ಸಂತೆಬೆನ್ನೂರು ಫೈಜ್ನಟ್ರಾಜ್ ಎಷ್ಟೇ ಬಿಡಿಸಿದರೂ ಅಲ್ಲೊಂದು ಇಲ್ಲೊಂದು ಮೊಗ್ಗು ಬಳ್ಳಿಯಲೇ ಉಳಿದಂತೆ ಅಗೋ ಉಳಿದಿವೆ ನೋಡು ಆಡದ ಎಷ್ಟೋ...

3 ಪ್ರತಿಕ್ರಿಯೆಗಳು

  1. Sushrutha

    “ನಂಬುವವರಿಗೆ ಕಾರಣ ಬೇಕಿಲ್ಲ; ನಂಬದವರು ಕಾರಣಗಳನೂ ನಂಬಲ್ಲ” -Nice!

    ಪ್ರತಿಕ್ರಿಯೆ
  2. ಸುಧಾ ಚಿದಾನಂದಗೌಡ.

    ಪ್ರಬುದ್ಧ ಕವಿತೆ. ಆದರೆ ಯಾರು ಬರೆದದ್ದು? ಕವಿಯ ಹೆಸರೇ ಇಲ್ಲವಲ್ಲ?

    ಪ್ರತಿಕ್ರಿಯೆ
  3. ಸುಧಾ ಚಿದಾನಂದಗೌಡ.

    ಬ್ಲಾಗ್ ಬರಹಗಳಿಗೆ ಅಡಿಟಿಪ್ಪಣಿ ಕೊಡುವುದೊಳಿತು. ಮಾಹಿತಿ ಬಳಸಿಕೊಳ್ಳುವಾಗ ಸುಲಭವಾಗುತ್ತದೆ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: