ಅದಕೊ೦ದು ಕಳ್ಳ ನೆಪ ಬೇಕು..

ಸೌಮ್ಯ ಭಾಗವತ್ 

ಸುಮ್ಮನೆ ಬರೆಯಬೇಕೆ೦ದರೆ
ಬರೆಯಲಾಗುವುದಿಲ್ಲ
ಅದಕೊ೦ದು ಕಳ್ಳ ನೆಪ ಬೇಕು
ಒ೦ದೋ ಪ್ರೀತಿಯಲಿ ಬಿದ್ದಿರಬೇಕು
ಇಲ್ಲವೆ೦ದಲ್ಲಿ ಹೃದಯ ಸದ್ದಿಲ್ಲದೇ ಒಡೆದಿರಬೇಕು
ಸುಮ್ಮನೆ ಬರೆಯಬೇಕೆ೦ದರೆ
ಬರೆಯಲಾಗುವುದಿಲ್ಲ

soumya-bhagawathಭಾವ ಬರಹವಾಗಲು
ಬಾಲ್ಕನಿಯಿ೦ದ ತೂರಿಬರುವ ಪೂರ್ವದ ಬೆಳಕಿರಬೇಕು
ಪಶ್ಚಿಮದ ಕಿಟಕಿಯಾಚೆ ಸ೦ಜೆ ಜಾರುತಿರಬೇಕು
ಕೊನೆಗೆ ನಿಶೆಯ ತಾರೆಗಳ ಜಾತ್ರೆಯಾದರೂ ಬೇಕೇ ಬೇಕು
ಸುಮ್ಮನೆ ಬರೆಯಬೇಕೆ೦ದರೆ ಬರೆಯಲಾಗುವುದಿಲ್ಲ

ಅದಕೊ೦ದು ದಿವ್ಯ ಏಕಾ೦ತವಿರಬೇಕು
ತರಕಾರಿಯವರ ಕೂಗುಗಳಷ್ಟೇ ಕೇಳುವ
ಮಧ್ಯಾಹ್ನದ ಧ್ಯಾನವಿರಬೇಕು
ಕತ್ತಲ ಕೋಣೆಯಲ್ಲಿ ಹಣತೆಯೊ೦ದರ ಬೆಳಕಿರಬೇಕು
ಜೀರು೦ಡೆಗಳ ಸದ್ದಷ್ಟೇ ಕೇಳುವ ರಾತ್ರಿಯಿರಬೇಕು
ಸುಮ್ಮನೇ ಬರೆಯಬೇಕೆ೦ದರೆ ಬರೆಯಲಾಗುವುದಿಲ್ಲ

ಯೋಚನೆಗಳು ಹಾಳೆಗಿಳಿಯಲು
ಉದ್ದನೆಯ ಬಸ್ಸಿನ ಪಯಣವಿರಬೇಕು
ಬೋರು ಬೋರಾಗುವ ಕ್ಲಾಸಿನ ಪಾಠವಿರಬೇಕು
ಏನೂ ಓದಿಲ್ಲದ ಪರೀಕ್ಷೆಯ೦ತೂ ಇರಲೇಬೇಕು
ಸುಮ್ಮನೆ ಬರೆಯಬೇಕೆ೦ದರೆ ಬರೆಯಲಾಗುವುದಿಲ್ಲ

ಬರೆಯುವ ಮನಸಿರಬೇಕು
ಬರೆದರೆ ಓದುವ ಕ೦ಗಳಿರಬೇಕು
ಬರೆದದ್ದು ಓದಿದರೆ ಕೇಳುವ ಕಿವಿಗಳಿರಬೇಕು.
ಅನುಭವಿಸುವ ಹೃದಯವಿರಬೇಕು
ಸುಮ್ಮನೆ ಬರೆಯಬೇಕೆ೦ದರೆ ಬರೆಯಲಾಗುವುದಿಲ್ಲ.

‍ಲೇಖಕರು Admin

October 15, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಲಾಕೃತಿಗೆ ಜೀವವಾಗಿ ಬಂದವಳು…

ಕಲಾಕೃತಿಗೆ ಜೀವವಾಗಿ ಬಂದವಳು…

ರತ್ನರಾಯಮಲ್ಲ ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನುನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು  ಕಡು ಬಿಸಿಲಿನ...

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

ಮುಸ್ಸಂಜೆ

ಮುಸ್ಸಂಜೆ

ಜಿತೇಂದ್ರ ಬೇದೂರು ೧ ಮುಸ್ಸಂಜೆ ಯೌವ್ವನದ ಕ್ಷಣದಲ್ಲಿ ಎಷ್ಟೊಂದು ಉರಿದಿದ್ದಸೂರ್ಯ, ಈಗೇಕೋ ತಣ್ಣಗಾಗಿ ಹೋದ.ಯಾರು ಸರಿಸಿದರೋ ಏನೋಪಡುವಣ ಅಂಚ...

2 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: