ಅಭಾವ

ಕೀರ್ತಿ ಬೈಂದೂರು

ನಿನಗಂತೂ ಸದಾ ಹೊರಡುವುದಕ್ಕೆ ಗಡಿಬಿಡಿ
ಆಯಾಸದ ಹಂಗಿಲ್ಲ ನಿನಗೆ
ಕೊಟ್ಟಿದ್ದರಲ್ಲವೆ ಅನುಭವಕ್ಕೆ
ಇಸ್ತ್ರಿಯಾದ ಬಟ್ಟೆ, ಘಮಿಸುವ ಪರ್ಫ್ಯೂಮ್
ನಿನಗಿಷ್ಟೇ ಸಾಕುಬಿಡು!
ಹಸಿರು ಬ್ಲೌಸ್ ಇಲ್ಲದ ಹಳದಿ ಸೀರೆ
ಗುಲಾಬಿ ಹೊಂದುತ್ತದೆಂದು ನೀನು ಕೊಟ್ಟೆ
ಬಳೆ ಒಡೆದು ಗಾಜು ಹರಡಿತು
ಅಲ್ಲೇ ಸರಿಸಿ ನಕ್ಕೆ ನೀನು
ಕಣ್ಣಲ್ಲೇ ಹೊರಡುವ ಭಾವ
ನೋಡು! ಗಡಿಬಿಡಿಯನ್ನು ಬಿಟ್ಟಿಲ್ಲ ನೀನು

ಪುರುಸೊತ್ತಿನಲ್ಲಿ ಫಿಲ್ಟರ್ ಕಾಫಿ ನಿನ್ನ ಮೆಚ್ಚು
ಜೊತೆಯಲ್ಲಿ ನಗುವಿಗೂ ತುಸು ಬೇಡಿಕೆ
ಹಣೆ ತಾಗಿಸಿ, ಇಟ್ಟ ಮೇಜಿಗೆ ಕೈ ತಟ್ಟಿ
ಹರಟೆಯಲಿ ಸುಖಿಸುವ ಘಳಿಗೆ ಬಾರದೀಗ
ಅವಶ್ಯ ಆರಾಮದ ಸಮಯಕ್ಕೀಗ ನೀ ಹೊರಗಿನವ

ಎಂದೂ ಕದಮುಚ್ಚದ ನಿನ್ನ ತೆರೆದ ಮನ
ನಿನ್ನಿಂದ ಬಯಸಿ ಪಡೆದ ಶುದ್ಧಪ್ರೀತಿ
ಋಣಬಂಧಿ ನಾನು ಪ್ರೇಮ ಸಹಿತ ಪಾಠಕೆ

ಪ್ರೀತಿ ಹುಟ್ಟಿದ ಹೊಸತರಲಿ ಕೊಟ್ಟ ಬೆಂಡೋಲೆ
ಇನ್ನು ಕಿವಿಯಲಿ ನುಲಿಯುವುದಿಲ್ಲ
ಸಂಗಾತಕ್ಕೆಂದು ಅವಕ್ಕೆ ಬೀರು ಇದೆ!
ಕಣ್ಣೀರಿಗೆ ಬೇಕಿಲ್ಲ ನೀನು;
ನಕ್ಕು ಗಟ್ಟಿಯಾಗುವುದಕ್ಕೆ ಅಗತ್ಯವಿತ್ತು

ಕೀರ್ತಿ ಬೈಂದೂರು: ಪದವಿ ವಿದ್ಯಾರ್ಥಿನಿ ಮತ್ತು ರಂಗನಟಿ

‍ಲೇಖಕರು Avadhi

October 18, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ರಗಳೆಗಳು ಬೇಕು..

ರಗಳೆಗಳು ಬೇಕು..

ಅನುಷ್ ಶೆಟ್ಟಿ ಯಾರೂ ಇರದ, ಯಾವ ಕೆಲಸವೂ ಇರದ, ಯಾವ ಜಂಜಾಟಗಳು, ರಗಳೆಗಳು, ಒತ್ತಡವೂ ಇರದ, ಸದ್ದಿರದ, ಏನೂ ಮಾಡದೆ ಎಲ್ಲರಿಂದ ದೂರವಿರುವ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This