ಅವನು ಬೆಳೆಸಿದ ಗುಲಾಬಿಯ ತೋಟ

l-218061750.jpg

ನಸ್ಸಿನೆದುರು ಬಂದು ಮಾತಿಗೆ ಕೂಡುತ್ತದೆ. ಆಗೆಲ್ಲ ನೆನಪಿನಲ್ಲಿ ಬೃಹತ್ ರೂಪಿಯಾಗಿ ನಿಲ್ಲುತ್ತಾನೆ ಆತ. ಅವನ ಹೆಸರು ಅದೇಕೋ ಮರೆವಿನ ಪದರುಗಳಡಿ ಸಿಕ್ಕಿ ಹಾಕಿಕೊಂಡು ಕಳೆದುಹೋಗಿದೆ. ಆದರೆ ಅವನ ರೂಪವನ್ನು ಮಾತ್ರ ಮನಸ್ಸು ಸ್ವಲ್ಪವೂ ಮರೆತಿಲ್ಲ. ಮಹಾಮೌನಿಯಂತೆ ತೋರುತ್ತಿದ್ದವನ ಕಣ್ಣುಗಳಲ್ಲಿನ ಹೊಳಪು – ಏನನ್ನೋ ಹೇಳಲೆಂದೇ ಸದಾ ಚಲಿಸುತ್ತಿದ್ದಂತಹ ಹೊಳಪು ಇಂದಿಗೂ ಎದೆಯಾಳವನ್ನು ಕಲಕುತ್ತಲೇ ಇದೆ. ಇಲ್ಲದಿರುವುದು ಅವನೇ.

ನಾವಾದರೂ ಎಷ್ಟನೇ ಕ್ಲಾಸಿನಲ್ಲಿದ್ದೆವು ಆಗ. ಐದೋ, ಆರನೆಯ ತರಗತಿಯಲ್ಲಿ ಓದಿಕೊಳ್ಳುತ್ತಿದ್ದವರಿಗೆ ಗೆಳೆತನ, ಪ್ರೀತಿ, ಸಂಬಂಧಗಳು – ಇವಾವುದರ ಬಗ್ಗೆಯೂ ನಿಖರವಾದ ಅರಿವು ಖಂಡಿತ ಇದ್ದಿರಲಿಲ್ಲ. ಅದ್ಯಾವುದೋ ಒಂದು ದಿನ ಆತ ತನ್ನ ಮನೆಯಲ್ಲಿನ ಗುಲಾಬಿ ಗಿಡದಿಂದ ಕೆಂಪು ಗುಲಾಬಿ ತಂದು ನನ್ನ ಕೈಗೆ ಕೊಟ್ಟ. ಲಂಗ, ಕುಪ್ಪಸದ ಪುಟಾಣಿ ಚೆಲುವೆಯಾಗಿದ್ದ ನನಗೆ ಅದೆಂಥ ಖುಷಿಯಾಗಿತ್ತೆಂಬುದನ್ನು ಹೇಳಲು ಇವತ್ತು ಶಬ್ದಗಳು ನೆರವಾಗುತ್ತಿಲ್ಲ.

ಅಂದು ಹಾಗೆ ಕೆಂಪು ಗುಲಾಬಿ ತಂದು ಕೊಟ್ಟ ನನ್ನ ಕ್ಲಾಸಿನ ಆ ಹುಡುಗ ಮರುದಿನವೂ ಮತ್ತೊಂದು ಗುಲಾಬಿ ತಂದ. ಮಾರನೇ ದಿನವೂ, ಅದರ ಮಾರನೇ ದಿನವೂ ತಂದ. ತರುತ್ತಲೇ ಉಳಿದ. ಯಾವತ್ತಿನಿಂದ ಆರಂಭವಾಯಿತು ಎಂಬ ಲೆಕ್ಕಾಚಾರವನ್ನು ಮೀರಿ ಅದು ಅವನಿಗೆ ನಿತ್ಯದ ರೂಢಿಯಾಯಿತು. ನಾನು ನಿಜವಾಗಿಯೂ ಅವನು ತಂದು ಕೊಡುವ ಆ ಗುಲಾಬಿಗಾಗಿ ಕಾಯುತ್ತಿದ್ದೆ.

ನಿತ್ಯವೂ ಗುಲಾಬಿ ಹೂ ತಂದು ಕೊಡುತ್ತಿದ್ದ ಆತ ಅದೊಂದು ದಿನ ಬರಲೇ ಇಲ್ಲ. ಅವನು ತಂದು ಕೊಡುವ ಗುಲಾಬಿಗಾಗಿ ಕಾದಿದ್ದ ನನಗೆ ಚಡಪಡಿಕೆಯಾಗಿತ್ತೆಂಬುದು ಈಗಲೂ ನೆನಪಿದೆ. ಎಂದೂ ಕ್ಲಾಸು ತಪ್ಪಿಸದವನು ಅಂದು ಬರಲಿಲ್ಲ. ಹೂ ತಂದು ಕೊಡಲು ಆರಂಭಿಸಿದಂದಿನಿಂದ ಒಂದು ದಿನವೂ ಹೂವನ್ನು ತರಲು ಮರೆತಿರದವನು ಅಂದು ಬರಲೇ ಇಲ್ಲ. ಮಧ್ಯಾಹ್ನದ ಹೊತ್ತಿಗೆ ಆ ಸುದ್ದಿ ಶಾಲೆಯನ್ನು ತಲುಪಿತ್ತು. ಆತ ಇನ್ನೆಂದೂ ಬರುವುದೂ ಸಾಧ್ಯವಿರಲಿಲ್ಲ. ಸಾವು ಆತನನ್ನು ಕರೆದುಬಿಟ್ಟಿತ್ತು.

ಅಂದು ಅಸ್ಪಷ್ಟವಾಗಿ ಆವರಿಸಿದ ಶೂನ್ಯ ಭಾವ ಇಂದಿಗೂ ನನ್ನನ್ನು ಆವರಿಸಿಕೊಂಡೇ ಇದೆಯೇನೋ ಅನ್ನಿಸುತ್ತದೆ. ಅವನೇಕೆ ಶಾಲೆಯ ಇತರ ಹುಡುಗಿಯರನ್ನೆಲ್ಲ ಬಿಟ್ಟು ನನಗೇ ಗುಲಾಬಿ ಹೂ ತಂದುಕೊಡುತ್ತಿದ್ದ? ಅವನ ಕಣ್ಣ ಹೊಳಪಿನಲ್ಲಿ ಚಲಿಸುತ್ತಿದ್ದುದು ನನ್ನ ಬಗೆಗಿನ ಪ್ರೇಮವಾಗಿತ್ತೆ ಅಥವಾ ಅಂಥದಾವುದೂ ಅಲ್ಲದ ಸ್ನೇಹ ಮಾತ್ರದ ಭಾವವಾಗಿತ್ತೆ? ಇಂಥ ಹಲವು ಪ್ರಶ್ನೆಗಳು ಈಗಲೂ ಕಾಡುತ್ತಲೇ ಇವೆ.

ಅವನು ಬದುಕಿಯೇ ಉಳಿದಿದ್ದರೆ ನಮ್ಮಿಬ್ಬರ ನಡುವೆ ಇಂದು ಎಂಥ ಬಗೆಯ ಸಂಬಂಧವಿರುತ್ತಿತ್ತು ಎಂದೂ ಒಮ್ಮೊಮ್ಮೆ ಸುಮ್ಮನೆ ಯೋಚಿಸುತ್ತಿರುತ್ತೇನೆ.

ಆದರೆ, ಅವನ ಸಾವು ನಮ್ಮಿಬ್ಬರ ನಡುವಿನ ಸಂಬಂಧದ ಪಾವಿತ್ರ್ಯವನ್ನು ಅಂದಿನಿಂದ ಇಂದಿನವರೆಗೂ ಕಾಪಾಡಿಕೊಂಡು ಬಂದಿತಲ್ಲ ಎನ್ನಿಸುವಾಗ ಅವ್ಯಕ್ತ ಸಂಕಟ ಮನಸ್ಸಿನ ಸುತ್ತ ಸುಳಿಯುತ್ತದೆ.

ಆ ಗೆಳೆಯ ಬೆಳೆಸಿದ ಗುಲಾಬಿಯ ತೋಟ ನನ್ನ ಮನದಲ್ಲಿ ಈಗಲೂ ಪಲ್ಲವಿಸುತ್ತಲೇ ಇದೆ.

ನನ್ನ ಹೆಸರೇಕೆ, ಅಲ್ಲವೆ?

‍ಲೇಖಕರು avadhi

March 24, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬರವಣಿಗೆ ಎಂಬ ಭಾವಲಹರಿ

ಬರವಣಿಗೆ ಎಂಬ ಭಾವಲಹರಿ

ಗೌರಿ ಚಂದ್ರಕೇಸರಿ ಬರೆಯುವ ಲಹರಿಯಲ್ಲೊಮ್ಮೆ ಬಂಧಿಯಾಗಿಬಿಟ್ಟರೆ ಅದರಿಂದ ಬಿಡುಗಡೆ ಹೊಂದುವುದು ಕಷ್ಟ. ಬಾಲ್ಯದ ಎಳಕಿನಲ್ಲಿಯೋ, ಹುಚ್ಚು...

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕತೆ ಬರೆಯುವವರ ಕೈಪಿಡಿ  ಮಹಾಂತೇಶ ನವಲಕಲ್ ಈವತ್ತು ಕನ್ನಡ ಕಥಾ ಜಗತ್ತು ತುಂಬಾ ಪ್ರಜ್ವಲವಾದ ಸ್ಥಿತಿಯಲ್ಲಿದ್ದರೂ ಮತ್ತು ಸಾಹಿತ್ಯ...

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕತೆ ಬರೆಯುವವರ ಕೈಪಿಡಿ  ಮಹಾಂತೇಶ ನವಲಕಲ್ ಈವತ್ತು ಕನ್ನಡ ಕಥಾ ಜಗತ್ತು ತುಂಬಾ ಪ್ರಜ್ವಲವಾದ ಸ್ಥಿತಿಯಲ್ಲಿದ್ದರೂ ಮತ್ತು ಸಾಹಿತ್ಯ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This