‘ಅವರು ಬೆಳಸಿದ ಗಿಡಗಳು’

img_0107.jpg

‘ಅವರು ಬೆಳಸಿದ ಗಿಡಗಳು’- ಎಂಬುದು ನಾನು ಶ್ರೀನಿವಾಸ ರಾಜು ಅವರನ್ನು ಕಾಣಲು ಕಾರಣವಾದ ಪುಸ್ತಕ. ಸಿ. ಪಿ. ರವಿಕುಮಾರ್ ನನ್ನ ಅಣ್ಣನ ಫ್ರೆಂಡ್. ಕ್ರೈಸ್ಟ್ ಕಾಲೇಜಿನ ಮೂಲಕ ಆಗ ತಾನೆ ಸರ್ ಈ ಯುವ ಪೀಳಿಗೆಯ ಜೊತೆ ಒಡನಾಡುವ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದರು. ಹಾಗೆ ಹೊಸ ಪೀಳಿಗೆಯ ಕವಿಗಳ ನವಿರಾದ ಕವಿತೆಗಳನ್ನು ಒಟ್ಟು ಮಾಡಿ ಅವರು ತಂದ ಸಂಕಲನದ ಹೆಸರೇ- ಅವರು ಬೆಳಸಿದ ಗಿಡಗಳು. ಈಗ ನೋಡಿದರೆ ಆ ಹೆಸರು ಮೇಷ್ಟ್ರ ಆತ್ಮ ಕಥೆಯಂತೆ ಇದೆ.

ಈ ಜಗತ್ತು ಅವರು ಬೆಳಸಿದ ಗಿಡಗಳಿಂದ ತುಂಬಿದೆ. ನಾವು ಕ್ರೈಸ್ತ ಕಾಲೇಜ್ ಕವಿಗಳು ಎಂದೇ ಗುರುತಿಸಿಕೊಳ್ಳುವ ಬಳಗವಿದೆ. ಅದು ನಮಗೆ ಹೆಮ್ಮೆ ಸಹಾ. ನಮ್ಮ ಹಳೆಯ ನೆನಪುಗಳನ್ನು ಒಟ್ಟು ಮಾಡುತ್ತಾ ತುರುಬು ನೆನೆಸಿಕೊಳ್ಳುತ್ತಾ ಕೂರುವುದು. ಇವತ್ತು ಕ್ರೈಸ್ಟ್ ಮೂಲಕವೇ ಪರಿಚಯವಾದ ನಟರಾಜ್ ಹುಳಿಯಾರ್, ಗಂಗಾಧರಯ್ಯ , ಕೃಷ್ಣಮೂರ್ತಿ ಬಿಳಿಗೆರೆ ಒಟ್ಟಿಗೆ ಇರುವಾಗಲೇ ಈ ಸುದ್ದಿ ಬರಬೇಕೇ? ಬಿಳಿಗೆರೆ ತಂಬೂರಿ ಮೀಟುತ್ತ ‘ಎನ್ನ ಮನಕೊಂದು ಮಾತನು ಹೇಳದೆ ಹೋದೆಯಾ ಹಂಸೆ? ‘ ಎಂದು ನೆನಸುತ್ತಿರುವಾಗಲೇ, ನಮ್ಮನ್ನು ಕಣ್ಣೀರಿಗೆ ತಳ್ಳುತ್ತಿರುವಾಗಲೇ ಈ ಸುದ್ದಿ!

ಕವಿತಾ ರೈ ಎಸ್ ಎಂ ಎಸ್ ಮೂಲಕ ಕಂಬನಿ ಮಿಡಿದ ರೀತಿ ನನ್ನನ್ನೂ ನಿಧಾನಕ್ಕೆ ದುಃಖದ ಸುಳಿಯೊಳಗೆ ಎಳೆದುಕೊಳ್ಳುತ್ತಾ ಹೋಯಿತು. ಮಾಧ್ಯಮದಲ್ಲಿರುವವರಿಗೆ ಸಾವಿನ ನೋವು ಆವರಿಸಿಕೊಳ್ಳುವುದು ತೀರಾ ತೀರಾ ನಿಧಾನ. ಅವರಿಗೆ ಸಾವು ಮೊದಲು ಸುದ್ದಿ ಮಾತ್ರ. ಅದರ ನೋವು ಅವರ ಪ್ರಜ್ಞೆಗೆ ಇಳಿಯುವುದು ಸುದ್ದಿಯ ಅಟ್ಟಹಾಸ ಮುಗಿದ ನಂತರವೇ. ಆದರೆ ಶ್ರೀನಿವಾಸರಾಜು ಸಾವಿನ ಸುದ್ದಿ ಎದೆಯಾಳಕ್ಕೆ ಇಳಿದು ಹೋಯಿತು.

ಶ್ರೀನಿವಾಸ ರಾಜು ಬರಹಗಳ ಮೂಲಕ ನಮ್ಮನ್ನು ತಾಕಿದ್ದಾರ? ಇಲ್ಲ , ಅದಕ್ಕಿಂತ ಹೆಚ್ಚಾಗಿ ಅವರು ನನ್ನನ್ನು ತಾಕಿರುವುದು ಅವರ ವಿನಾಕಾರಣ ಪ್ರೀತಿಗಾಗಿ. ಇಂದಿನ ಸಂಬಂಧಗಳು ಜಗತ್ತು ಎಂದರೆ ಇದೇನಾ ಎನಿಸುವಂತೆ ಮಾಡಿರುವಾಗ ಕಾರಣವಿಲ್ಲದೆ ಪ್ರೀತಿಸುವುದು ಕಲಿಸಿದರಲ್ಲ, ಅದು ಮುಖ್ಯ ಎನಿಸುತ್ತದೆ. ಮಕ್ಕಳೊಡನೆ ಆಡುವುದನ್ನು, ಜಗತ್ತು ತೆರೆದು ತೋರಿಸುವುದನ್ನು ನಾನು ಅಣ್ಣನಿಂದ ಕಲಿತುಕೊಂಡೆ. ಕಾರಣವಿಲ್ಲದೆ ಪ್ರೀತಿಸುವುದನ್ನು ಮೇಷ್ಟ್ರಿಂದ ಕಲಿತುಕೊಂಡೆ.

ಪ್ರೀತಿ ಮಾಡುವ ವಿಧಾನ ಕಲಿಸಿದ ಗುರುವೇ ನಿನಗೆ ನಮನ….

-ಜಿ ಎನ್ ಮೋಹನ್

‍ಲೇಖಕರು avadhi

December 28, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This