ಅವ್ವ,ಅಕ್ಕ ಮತ್ತು ರೊಟ್ಟಿ

ಜೀವನ ಪ್ರಕಾಶನದ ಈ ಸಾಲಿನ ದಸರಾ ಕವಿತೆ ಸ್ಪರ್ಧೆಯಲ್ಲಿ

ಎರಡನೆಯ ಬಹುಮಾನ ಪಡೆದ ಕವಿತೆ 

h-s-ramanagowda

ಹೆಚ್.ಎಸ್.ರಾಮನಗೌಡ

ಹಾಲು ಕಕ್ಕುವ ಮಗುವ  ಮಲಗಿಸಿ ಮಡಿಲಲ್ಲಿ
ರೊಟ್ಟಿ ಬಡಿಯುತ್ತಿದ್ದಾಳೆ ಅವ್ವ ಯುಗದಿಂದ ಯುಗಗಳಿಗೆ
–   ಎಚ್ ಎಲ್ ಪುಷ್ಪ

1.
ಒಲೆಯ ಮೈ ಒಪ್ಪಾಗಿ ತೊಳೆದು
ಅವ್ವ ರೊಟ್ಟಿಮಾಡುತ್ತಿದ್ದಾಳೆ.
ಅವಳ ಕೈಬಳೆ ,ಒಲೆಯ ಸೌದೆ ಹಠಮಾಡುತ್ತವೆ
ಮಸಿಯರಬಿಗೂ ಕಪ್ಪಾದ ಹೊಂಬಣ್ಣದ ಸೀರೆ –
ಸೆರಗು ಹೆಗಲೇರಿ ಕುಳಿತಿದ್ದು ಕಡಿಮೆ
ರೇಷಿಮೆಯಂತ ಹಸಿಹಿಟ್ಟು ಕಲ್ಲಿನಲಿ ಕರಗಿ
ಅವ್ವನ ಒರಟು ಕೈಯಲ್ಲಿ ವೃತ್ತಗೊಂಡು ತೆವೆ ಏರುತ್ತಿವೆ

poverty-poor-painting2.
ಪಟ್ಟಾಗಿ ಕುಳಿತ ಅಕ್ಕನ ಕೈಯಲ್ಲಿ
ತ್ರಿಕೋಣ,ಆಯತ ಏನೆನೊ ಆಕಾರ ವಿಕಾರ
ಬೆಂದು ಬೇಯದೆ ನಾಯಿ,ಬೆಕ್ಕುಗಳ ಬಾಯಿಗೆ
ಜೀವ ಜಂತು ಮುನಿಸಿ ಮನೆ ಹೊರಗಾಗಿದ್ದು ಹೀಗೆಯೆ .

3.
ಬೆಳಕಿಗೆ ಜೀವ ತುಂಬುತ್ತಿರುವ ದೀಪ ಅವ್ವನಿಗೂ ಹಾಯುತಿದೆ
ಬೆರಳ ನಾಡಿಯಿಂದ ರೊಟ್ಟಿಗೂ! ಬಲು ಸೋಜುಗ!
ಕೈಬಳೆ ರೊಟ್ಟಿಗೊಮ್ಮೆ ಮಾತಿಗಿಳಿದಿವೆ
ತೆವೆ ಏರಿದ ರೊಟ್ಟಿಯನೊಮ್ಮೆ ಮುಟ್ಟಿನೋಡಿ ನೀರ ಸವರುತ್ತಾಳೆ
ಒಮ್ಮಲೆ ಬೆಂದು ಬೆಂಡಾಗಬಾರದಲ್ಲವೆ
ಎರಡಾವರ್ತಿ ತಿರುವಿ ಗಿರಗಿಟ್ಟಿ ಆಡಿಸಿದ ರೊಟ್ಟಿ
ಮೈಮೇಲೆ ಚಿತ್ತಾರಗೊಂಡ ಗಳಿಗೆಯಲ್ಲೆ ಬಾಯ ಸೇರುತ್ತಿವೆ
ಅವ್ವ ಮತ್ತೆ ಸಜ್ಜಾಗುತ್ತಾಳೆ. ಬಳೆ ಹತ್ತಿಸಿ, ಪುರಲೆ ಪುಟಿಗಿಟ್ಟು
ಹೂ ಅಂಚ ಸೆರಗಿಂದ ಬೆವರೊರಸಿ

4.
ಅಪ್ಪ ಅಕ್ಕನಿಗೆ ಬೈದು ಅವ್ವನಿಗೆ ಪರಾಕು ಹೇಳಿದಾಗ
ಅವ್ವನೇನು ರೊಟ್ಟಿಹಾಗೆ ಉಬ್ಬುವುದಿಲ್ಲ
ಒಣಹುಲ್ಲ ಹಾಗೆ ಸುಡುವುದೂ ಇಲ್ಲ
ಕಾಗೆ-ಗುಬ್ಬೆಯ ಕತೆ ಹೇಳುತ್ತಾಳೆ
ಅದೇ ಕತೆ ಹೇಳಿ ಊಟಬಡಿಸಿ ಅದೇ ಕತೆ ಹೇಳಿ ಮಲಗಿಸುತ್ತಾಳೆ.

5.
ಒಲೆಯ ಕಿಚ್ಚು ಕಪ್ಪು ಮುಖವ ಕೆಂಪಾಗಿಸಿ
ಎಳೆ ಎಳೆಯಾಗಿ ಕರಗಿಸುತ್ತಿದೆ
ಅಕ್ಕ ಆ ಮನೆಯಲ್ಲಿ ಕರಕಲಾಗಿದ್ದಾಳೆ
ಅಕ್ಕನವು ಈಗೀಗ ವೃತ್ತಗೊಳ್ಳುತ್ತಿವೆ
ಅವ್ವನವು ವೃತ್ತಕ್ಕೆ ಇನ್ನಷ್ಟು ವೃತ್ತ
ಇದು
ಯಾವುದೊ ಕರುಳೊಳಾಡವ ರಕ್ತಬಂಧವೋ
ರಕ್ತ ಹೀರುವ ಬಾಹ್ಯ ಬಂಧವೋ
ನನಗೂ  ತಿಳಿಯದಲ್ಲ

‍ಲೇಖಕರು Admin

December 3, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಣ್ಣ ಕಾಯಕ ಕಾಯುವುದಷ್ಟೇ…

ಮಣ್ಣ ಕಾಯಕ ಕಾಯುವುದಷ್ಟೇ…

ಸಂತೆಬೆನ್ನೂರು ಫೈಜ್ನಟ್ರಾಜ್ ಎಷ್ಟೇ ಬಿಡಿಸಿದರೂ ಅಲ್ಲೊಂದು ಇಲ್ಲೊಂದು ಮೊಗ್ಗು ಬಳ್ಳಿಯಲೇ ಉಳಿದಂತೆ ಅಗೋ ಉಳಿದಿವೆ ನೋಡು ಆಡದ ಎಷ್ಟೋ...

ಹಣತೆ…

ಹಣತೆ…

ಸರೋಜ ಪ್ರಶಾಂತಸ್ವಾಮಿ ಹಚ್ಚುವ ಹಣತೆಯದು ಕಿಚ್ಚಿಗಲ್ಲಮೆಚ್ಚುಗೆಗೂ ಅಲ್ಲ...ಕದಲಿದ ಮನಗಳ ಬೆಳಕಲಿಒಂದುಗೂಡಿಸಿರೆಲ್ಲ... ತೈಲವ ಕುಡಿದು,ಬತ್ತಿಯ...

ಉಂಡು ಮರೆತ ಒಡಲ ಕನಸು

ಉಂಡು ಮರೆತ ಒಡಲ ಕನಸು

ಪ್ರೊ. ಚಂದ್ರಶೇಖರ ಹೆಗಡೆ ಪಲವಿನ್ನೂ ಹಸಿ ಹಸಿಯಾಗಿದೆಬನ್ನಿ ಗಿರಾಕಿಗಳೇ ಮುಖವಿಟ್ಟು ಆಸ್ವಾದಿಸಿಬಿಡಿ ಖಾಲಿಯಾಗಿರುವ ಎದೆಯ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This