ಅವ್ವ ‌

ಕಾವ್ಯ ಎಸ್

ಅವ್ವ ಬೆಂಕಿ ಹಚ್ಚಿ ಬೇಯುತಿಹಳು
ತನ್ನ ಗಂಟಲೇ ಹೊಗೆ ಕೊಳವೆಯಾಗಿಸಿ
ತನ್ನವರಿಗಾಗಿ ಉಸಿರಾಗಿ ಊದಿ ಊದಿ
ಬೆಂಕಿಯನ್ನು ಧಗ ಧಗನೇ ಹತ್ತಿಸಿರುವಳು
ಆಸೆ ಆಕಾಂಕ್ಷೆಯ ಕನಸುಗಳನು ಬೆಂಕಿಯಲ್ಲಿ
ಬೇಯಿಸಿ, ಜ್ವಾಲೆಯಲ್ಲಿ ಕೆಂಪೇರಿಹಳು
ಅಗ್ನಿಯೊಂದಿಗಿನ ಈಜಿ ಮೀಯುವಿಕೆಯಲ್ಲಿ
ನನ್ನವ್ವ ಬೆಂಕಿಗೂ ಕಿಡಿಯಾಗಿಹಳು
ಕೆಂಡವ ತನ್ನ ಬೆಂದ ಚರ್ಮಕೆ ಅಂಟಿಸಿಕೊಂಡು


ತನ್ನೊಳಗೆ ಉರಿದ ಅದೆಷ್ಟೋ ಬೆಳಕಿನ ಕಿಡಿಗಳನ್ನು
ತನ್ನ ಸೆರಗೊಳಗೆ ಬಚ್ಚಿಟ್ಟು ತಾನು ಸುಡುವ
ರೊಟ್ಟಿಗೆ ಭವಿಷ್ಯದ ತಾಳೆ ಹಾಕುತಿಹಳು
ಮೂಗು-ಮೂಗುತಿಯರು ಹೊಗೆ ಗೂಡಿನ
ಒಡೆಯ-ಒಡತಿಯರಾದರೂ
ಪ್ರೇಮ ನಂದಿಲ್ಲ ಅವಳಲ್ಲಿ
ನಂದುವುದೂ ಇಲ್ಲ, ಅವ್ವನ ಮಿಡಿತ
ತನ್ನವರ ಭಾವವಷ್ಟೆ!
ಅವ್ವನ್ನಲ್ಲಿರುವ ಬೂದಿಯಂತೆ ಶಾಂತತೆಯ
ಕೆದಕುತಿಹಳು ಮತ್ತೆ ಅದರಲ್ಲೆ ಬೆಂಕಿ
ಮಾಡಿ ಮನೆ-ಮನವ ಹಚ್ಚಿ
ಅವ್ವನ ಬೆಳಕಿನ ಅನಂತತೆ ಎಂದೆಂದಿಗೂ ಹೀಗೆ
ಜಗದ-ಜನಮನಗಳಲ್ಲಿ ಹಬ್ಬಿ ಹರಡುವಲ್ಲಿ ಜಾಗೃತಗೊಳ್ಳುತ್ತಿರಲಿ.

‍ಲೇಖಕರು Avadhi

December 17, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕೇಳಿದ್ದೇನೆ..

ಕೇಳಿದ್ದೇನೆ..

ವಿಜಯ ವಾಮನ್ ಕೇಳಿದ್ದೇನೆಊರಲ್ಲಿ ಜನ ಅವಳನ್ನು ಕಣ್ತುಂಬ ತುಂಬಿಕೊಂಡು ನೋಡುತ್ತಾ ರಂತೆಹಾಗಾದರೆ ನಡಿ ಅಲ್ಲಿಗೆ ಎರಡು ದಿನ ಇದ್ದು ನೋಡೋಣಂತೆ....

ಕಾತರದ ಕಾಯುವಿಕೆಗೆ ವಿರಾಮದ ಸಂಭ್ರಮ

ಕಾತರದ ಕಾಯುವಿಕೆಗೆ ವಿರಾಮದ ಸಂಭ್ರಮ

ಹೇಮಾ ಸದಾನಂದ್ ಅಮೀನ್ ಕಲ್ಪನೆಯಿಂದ ಸ್ವಲ್ಪ ಇತ್ತ ಬಂದುನಿಡುಸುಯ್ಯುವಿಕೆಗಳನ್ನುಒಂದರ ಬೆನ್ನಿಗೆ ಒಂದನ್ನು ಹೆಣೆದುರಾತ್ರಿಯ ಕೊರಳಿನ...

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ  ಸಂಜೆ ಅಣಿಯಾಗುತ್ತಿದೆ ಪ್ರಜ್ಞಾಹೀನವಾಗಲು, ಸೂರ್ಯ  ಸಾಯುತ್ತಿರುವುದನ್ನು ಸಾಯುತ್ತಿರುವ ಎಲ್ಲವೂ ನೋಡುತ್ತಿವೆ;...

2 ಪ್ರತಿಕ್ರಿಯೆಗಳು

  1. Purushothama K D

    ನನ್ನವ್ವ(ಅಜ್ಜಿ) ಒಲೆ ಊದುತ್ತಿದ್ದ ದೃಶ್ಯವೇ ನೆನಪಿಗೆ ಬಂತು. ನಮ್ಮ ಮನೆಯಲ್ಲಿ ಊಟಕ್ಕೆ ಕಷ್ಟ ಎಂದು ಕರೆದುಕೊಂಡು ಹೋಗಿ ಸಾಕಿದಳು. ಮೊದಲೆಲ್ಲ ಅಜ್ಜಿಯೇ ನನ್ನ ತಾಯಿ ಎಂದು ತಿಳಿದಿದ್ದೆ. ಈಗ ಅಜ್ಜಿ ನೆನಪು ಮಾತ್ರ.
    ನಿಮ್ಮ ಕವನ ಓದುವಾಗ ಯಾಕೋ ನೆನಪಾಯ್ತು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: