ಆಹಾ… ಬದುಕೆಂಬುದು ಸಾವಕುಸುರಿ…

ಆಹಾ ಬದುಕೆಂಬುದು ಸಾವ ಕುಸುರಿ..’ ಎಂದು ಉದ್ಘರಿಸಿದ ಎನ್ ಕೆ ಹನುಮಂತಯ್ಯ ಸಾವಿಗೆ ಶರಣಾಗಿದ್ದಾರೆ. ‘ಚಿತ್ರದ ಬೆನ್ನು’ ಸಂಕಲನಕ್ಕೆ ಸಾಹಿತ್ಯ ಅಕಾಡೆಮಿಯ ಪುರಸ್ಕಾರ ಗಳಿಸಿದ ಹನುಮಂತಯ್ಯ ಬದುಕೆಂಬ ಚಿತ್ರಕ್ಕೆ ಬೆನ್ನು ಹಾಕಿ ಬಹು ದೂರ ನಡೆದು ಹೋಗಿದ್ದಾರೆ. ಹನುಮಂತಯ್ಯ ಸಾವಿಗೆ ‘ಅವಧಿ’ ಸಂತಾಪ ಸಲ್ಲಿಸುತ್ತದೆ…

ಸಾವ ಕುಸುರಿ

ಒಳಗೂ ಹೊರಗೂ
ಧಗೆ
ಮೇಲೆ ಸಾಯದ
ಸೂರ್ಯ
ಆಗಾಗ ಹಾರುವ ಹದ್ದಿನ ನೆರಳೆ
ಮಳೆಹನಿ
ನಡೆದಷ್ಟೂ ದೂರ ಕಣ್ಣೊಳಗಿನ ತೀರ

ಬಿರುಗಾಳಿಗೆ ಬಿದ್ದ ಬಾಗಿಲ ಮುಂದೆ
ಮಾಲಿಕನ ಹೆಣ ತಿನ್ನುತ್ತಿದೆ
ಸಾಕುನಾಯಿ
ಆ ನಾಯ ಬಾಯಲ್ಲಿ ಕೋವಿಯೆಲುಬಿನ ಸದ್ದು
ಹೆಪ್ಪುಗಟ್ಟಿದ ನೆತ್ತರ ಬಯಲಲಿ
ನೀರ ಹುಡುಕುವ ಮೂಢ ನಾನು
ಅಳುತ ನಿಂತೆ

ಹತ್ತಿರದಿ ಕಂಡಿತು
ಕಾಲದ ಚಿಗುರಂತೆ ಹೊಳೆವ ಪಾಳು ದೇಗುಲ
ಭೋಗಿಸಿದರೆ ಬಸಿರಾಗುವೆನೆಂದು ಕೂಗುವ
ಶಿಲಾಬಾಲೆ
ನೋಟ ಮೀಟಲು ಉಲಿವ ಕಲ್ಲುವೀಣೆ
ಮೈಮರೆತು ಎವೆಮುಚ್ಚಿದೆ

ಕಂಡೆ;
ಒಳಗಣ್ಣ ತಳದ ಕುದಿವ ಕಣ್ಣೀರಿನಲಿ
ಈಜುವ ಸಾವ ಮೀನ

ಶಿಶುವಾಗಿ ಇಳಿದೆ ಇಳಿದೆ
ಹಿಡಿದೆ ಹಿಡಿದೆ ಏರಿದೆ ಏರಿದೆ
ಮೀನ ಬೆನ್ನನು ಏರಿ ಗಾಳಿಗೆ ಹಾರಿದೆ ಹಾರಿದೆ
ಆದಿ ಅಂತ್ಯದ ಅಗ್ನಿಹಿಮಗಡಿದಾಟಿ
ಭುವಿಯಾಗಿ ಬಾನಾಗಿ ನಾನಾಗಿ
ತೇಲುತ್ತ… ತೇಲುತ್ತ…

ಆ… ಶಿಲಾಬಾಲೆ, ಕಲ್ಲುವೀಣೆ
ಗುಡಿ, ಗೋಪುರ, ಅಕ್ಷರ
ಆ… ಕುಕ್ಕೆ ಕಂಬಳಿ, ಕುಡಿಕೆ
ಆಹಾ… ಬದುಕೆಂಬುದು
ಸಾವಕುಸುರಿ.

ಎನ್ ಕೆ ಹನುಮಂತಯ್ಯ

ಕೃಪೆ: ಕೆಂಡಸಂಪಿಗೆ

‍ಲೇಖಕರು avadhi

April 17, 2010

1

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ದೆಹಲಿಯಲ್ಲಿ ರಹಮತ್

ದೆಹಲಿಯಲ್ಲಿ ರಹಮತ್

ದೆಹಲಿಯಲ್ಲಿ ರಹಮತ್ ತರೀಕೆರೆ : ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತರಲ್ಲಿ ಅತ್ಯಂತ ಕಿರಿಯರು! ಕೇಂದ್ರ ಸಾಹಿತ್ಯ ಅಕಾಡೆಮಿ...

ಪ್ರಸಾದ್ ಸ್ವಗತ…

ಪ್ರಸಾದ್ ಸ್ವಗತ…

- ಜಿ.ರಾಜಶೇಖರ ಉಡುಪಿ ನಿಮ್ಮ ಕವಿತೆಗಳು ನಿಜಕ್ಕೂ ಒಳ್ಳೆಯ ರಚನೆಗಳಾಗಿವೆ. ಕಾವ್ಯದ ಲಯದಲ್ಲಿ ನೀವು ತುಂಬಾ ವೈವಿಧ್ಯಮಯವಾದ ಪ್ರಯೋಗಗಳನ್ನು...

2 ಪ್ರತಿಕ್ರಿಯೆಗಳು

    • ಗಾಣಧಾಳು ಶ್ರೀಕಂಠ

      ‘ಹಿಮದ ಹೆಜ್ಜೆ’ಯ ಗೆಳೆಯ, ಕಾಲೇಜಿನ ಸಹಪಾಠಿಯೊಬ್ಬನನ್ನು ಕಳೆದುಕೊಂಡ ವಿಷಾದ . ಹನುಮಂತನ ಆತ್ಮಕ್ಕೆ ಶಾಂತಿ ಸಿಗಲಿ.

      ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: