ಇಂತಹದ್ದೇ ಇನ್ನೊಂದು ಕವಿತೆ!

ಅಶ್ಫಾಕ್ ಪೀರಜಾದೆ

ಕವಿಯೊಬ್ಬ ಬರೆದ
ಮುಟ್ಟು ನೋವು ತುಂಬಿದೆದೆ
ಗಾಯಗೊಂಡ ಅಂಗಾಂಗ
ಭಗ್ನಗೊಂಡ ಹೃದಯ
ಅವಳ ಮೇಲಿನ
ನಿರಂತರ ಶೋಷಣೆ ಕುರಿತು

ಕಥೆಗಾರ ಕಥೆ ಕಟ್ಟಿದ
ಅವಳ ಬದುಕು ಬವಣೆ
ಹರಿದು ಚಿಂದಿಯಾದ ಧಿರಿಸು
ಕಿಂಡಿಗಳಿಂದ ಇಣುಕುವ ಪ್ರಾಯ
ರಣಹದ್ದುಗಳು ಮುಕ್ಕಿ ತಿಂದ
ಅವಳ ಅಂದ ಚೆಂದ ಮಾಂಸ
ಮಾದಕ ನೋಟ ನಾಭಿ
ಕುಚ ಕುಂಬಾದಿಗಳು ಬಗ್ಗೆ

ರಕ್ತದ ಮಡವಿನಲ್ಲಿ ಸತ್ತು ಬಿದ್ದ
ಹೆಣ್ಣಿನ ಸೊಂಟ
ತೊಡೆ ತುಟಿ ಕೆನ್ನೆ ಗಲ್ಲ ನಗ್ನ
ಮೈಗೆಲ್ಲ ಬಳೇದು ಮಣ್ಣಮಸಿ
ಕಣಕಣದಲ್ಲೂ ಜೀವ ತುಂಬಿದ
ಕಲಾವಿದ ಪಾಪ!
ಅವಳ ಸ್ಥಿತಿಗೆ ಮರಗುವ
ಕರುಣಾಮಯಿಗಳ ಹೃದಯ ತಣಿಸಿ
ಕರಗಿಸಿ ಕಣ್ಣಲಿ ನೀರು ತರಿಸಿದ ಭೂಪ !

ಓಹೋ.. ಭಾರತ
ಮಹಾಭಾರತ, ರಾಮಾಯಣ
ಕ್ರೈಂ ಪೈಲ್ಸ್, ಕ್ರೈಮ್ ಡೈರಿ …
ಕಿರು ತೆರೆ, ವಿಶಾಲ ಪರದೆಯ
ನಿರ್ದೇಶಕರೇನು ಕಡಿಮೆ !
ಕಾಮದ ಗೊಂಬೆ ಭೋಗದ
ವಸ್ತುವಾಗಿಸಿ ನಲಿಸಿ ಕುಣಿಸಿ
ಓಡಾಡಿಸಿ
ದುರ್ಯೋಧನನ ಕೈಯಿಂದ
ಸೀರೆ ಜಗ್ಗಿಸಿ ಬೆತ್ತಲೆಗೊಳಿಸಿ
ಮೋಜ ನೋಡುವ ಸಮಾಜದೆದುರು
ಅಳಿದುಳಿದ ಒಂದಿಷ್ಟು ಮಾನ
ಜೂಜಿಗೆ ಬಾಜಿಕಟ್ಟಿ
ಧರ್ಮರಾಜ ಹರಾಜಿಗಿಟ್ಟ..
ಸಭೆಗೆ ಹಾಜರಿದ್ದ ಮೂಕ ಪ್ರೇಕ್ಷಕರ
ದಿಗ್ಗಜರ ತಂಡದ ಮನ ಸೂರೆಗೊಂಡ

ಹೀಗೆ ಕಾಲಕಾಲಕ್ಕೂ ಹೆಣ್ಣು ಅಬಲೆ
ಕವಿ ಕಲಾವಿದರ ಕಾಗದ ಕುಂಚದಲಿ ಸೃಜನಶೀಲವಾಗುತ್ತ ರಕ್ತದ ಹೂವಾಗಿ
ಅರಳಿ ನಿಂತು ಪ್ರಜ್ಞಾವಂತ
ಸಮಾಜದ ಅನುಕಂಪದಲಿ
ಮನೋರಂಜನೆಯ ಸರಕಾಗಿ
ಕಣ್ಣೀರು, ನಿಟ್ಟುಸಿರು,
ಬಿರುದು ಬಾವಲಿ, ಹಣ ಸಂಪತ್ತು,
ಚಪ್ಪಾಳೆ ಗಿಪ್ಪಾಳೆ ಗಿಟ್ಟಿಸಿಕೊಟ್ಟ
ಬಿಸಿಬಿಸಿಯಾಗಿ ಮಾರಾಟವಾಗುತ್ತ
ಸಹೃದಯ ಕನಸಿನ ಲೋಕಕ್ಕೆ ಲಗ್ಗೆ ಇಟ್ಟಿದ್ದು
ಬರೆದು ಪ್ರಚಾರ ಪ್ರಿಯವಾದದ್ದು
ಇಂತಹದ್ದೇ ಇನ್ನೊಂದು ಈ ಕವಿತೆ !

‍ಲೇಖಕರು Avadhi

January 26, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

ಕೇಳಿದ್ದೇನೆ..

ಕೇಳಿದ್ದೇನೆ..

ವಿಜಯ ವಾಮನ್ ಕೇಳಿದ್ದೇನೆಊರಲ್ಲಿ ಜನ ಅವಳನ್ನು ಕಣ್ತುಂಬ ತುಂಬಿಕೊಂಡು ನೋಡುತ್ತಾ ರಂತೆಹಾಗಾದರೆ ನಡಿ ಅಲ್ಲಿಗೆ ಎರಡು ದಿನ ಇದ್ದು ನೋಡೋಣಂತೆ....

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This