ಇದು ಬರಿ ಗಡಿಯಾರವಲ್ಲೋ‌ ಅಣ್ಣಾ..

sphoorti girish

ಸ್ಪೂರ್ತಿ ಗಿರೀಶ್

ಇದು ಬರಿ ಗಡಿಯಾರವಲ್ಲೋ‌ ಅಣ್ಣಾ
ಮುಳ್ಳುವಾಡಗಳಲ್ಲಿ
ಬಂಧಿಸಿಹುದು ಎನ್ನ.

ಗಳಿಗೆಗೋ
ಎರಡು ಅಂಕಿ ಗೆರೆಯಲ್ಲಿ
ಕಾಲದ ಕುದುರೆ ಓಡಿಸುವುದೇ ಕಾಯಕ.

clockಎಷ್ಟೊಂದು  ದಾವಂತ
ಹಳ್ಳ ಕೊಳ್ಳ ತಿಟ್ಟತ್ತಿ ತಿರುಗಿ
ಗಡಿಯಾರ ಬೆನ್ನಿಗೆ ಕಟ್ಟಿಕೊಂಡ
ನದಿಗೋ
ಕಡಲ ಸೇರುವುದೇ ಗಮ್ಯ.

ಕಡಲಿಗೋ
ಕಾಲ ಬೆಂಬತ್ತಿ
ಹಿಂತಿರುಗಿ ನದಿಯಾಗಲಾರದ ಮರಳು ಸವೆತ.

ದಾಹದ ಕಿಚ್ಚಿನಲಿ
ಮೋಹದ ಹುಚ್ಚಿನಲಿ
ಬದುಕ ಬೇಯಿಸಿ
ಬರಿಗೈಯಲ್ಲಿ ಮಣ್ಣಾಗಿಸುವ
ಕಾಲದ ಮಾಯೆಗೆ ಸಿಲುಕಿ
ಪಡೆಯಬಹುದೇ ಯಾರದರೂ ಅಮರತ್ವ
ಗಡಿಯಾರವನು ಸಾಕ್ಷಿಯಿಟ್ಟು ?

ಓಡುತ್ತಲಿರು ಓ ಪುಟ್ಟ ಹುಡುಗ
ಇಂದಿಗೋ  ನಾಳೆಗೋ
ಗಮ್ಯಸೇರಿಕೋ  ಅಲ್ಲಿಹುದು ಎಲ್ಲರ ನಿಲ್ದಾಣ.

ganapathi-diwana-300x276

ಇದುವೆ ಆಟಕೆ ಸಮಯ..

ಗಣಪತಿ ದಿವಾಣ

ಆಡು ಮಗುವೇ ನೀನು

ಇದುವೆ ಸರಿ ಸಮಯ

ಹೊತ್ತು ಕಳೆದರೆ ಮತ್ತೆ

ಕತ್ತಲಾಗುವುದಿನ್ನು

 

ಆಡು ಜೀವವೆ ನೀನುclick_aytu_kavite

ಬದುಕು ಬಯಸುವ ಆಟ

ಟೊಂಕ ಕುಂಟೆಬಿಲ್ಲೆ

ಮರಕೋತಿ ಆಟ

 

ಈಗ ಆಡಿದ್ದೀಗ

ಮತ್ತೆ ಬಾಯಿಯ ಚಪಲ

ಎಷ್ಟು ಆಡಿದರೇನು

ಈಗ ಆಡಿದ ಹಾಗೋ?

 

ಆಡು ಆಟವ ನೀನು

ಮೋಸ ಮಾಡದ ಹಾಗೆ

ಮೋಸ ಆಗದ ಹಾಗೆ

ಚಂದದಾಟವನಾಡು

 

ಮುಗಿಲ ಕರಗಿಪ ಆಟ

ಮಳೆಯ ಸುರಿಸುವ ಆಟ

ಚಿಗುರ ಚಿಗುರಿಪ ಆಟ

ಹೂವ ಅರಳಿಪ ಆಟ

 

ಪ್ರೀತಿ ಹಂಚುವ ಆಟ

ಹುಚ್ಚೆದ್ದು ಕುಣಿಕುಣಿದು

ಅಳುವ ಮರೆಯುವ ಆಟ

ನಗುವ ಚೆಲ್ಲುವ ಆಟ

 

ತಡೆಯುವರು ನಿನ್ನನ್ನು

ಸಣ್ಣವನು ನೀನು

ಅವರ ಕನಸಿನ ಬಾಣ

ಇದು ಡೊಂಬರಾಟ

 

ರೆಕ್ಕೆ ಮೂಡಿದ ಹಕ್ಕಿ

ಹಾರುವ ಬೆಳ್ಳಕ್ಕಿ

ಮತ್ತೆ ಕೂರುವುದೇನು

ಗೂಡಿನೊಳಗೆ

 

ಮತ್ತೆ ಬಾರದು ತಿರುಗಿ

ನೆನಪಾದ ಆ ದಿನವು

ಈ ದಿನವೆ ನಿನಗೆ

ಮುಂದೊಂದು ನೆನಪು

 

ಬುತ್ತಿ ಕಟ್ಟಿಕೊ‌ ನೀನು

ಸಿಹಿ ನೆನಪ ತುಂಬಿಸಲು

ಕಾಯದಿರು ಯಾರನ್ನು

ಇದುವೆ ಆಟಕೆ ಸಮಯ.

‍ಲೇಖಕರು Admin

September 24, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This