ಇಬ್ಬನಿ

ಪೂರ್ಣಿಮಾ ಸುರೇಶ್

ಮೊಲೆ ತೊಟ್ಟು ಬಾಯೊಳಗೆ.

ಕಣ್ಣನು ಅರೆ  ಮುಚ್ಚಿ

ಸಪ್ನ ಲೋಕದ ಗಡಿಯಲಿ

ವಿಹರಿಸುತಿಹ 

ಎದೆಗಂಟಿದ ಕಂದನ 

ಮುಗ್ಧ ಸುಖ ಸೆಳೆದು

ನಿಧಾನವಾಗಿ..

ಸದ್ದಾಗದ  ಹೆಜ್ಜೆಯಲಿ

ಅರೆಬೆಳಕಿನಲಿ 

ಕೈಗೆಟಕಿದ ಲೆಗಿಂಗ್ಸ್

ಕುರ್ತಾ ಎಳೆದು

ತಂಬಿಗೆ ನೀರ ಅವಸರದಲಿ 

ಎರೆದು

ಉಡುಪಿನೊಳಗೆ ತನ್ನನು

ತುಂಬಿಸಿ..

ಸ್ಕ್ಯೂಟಿ  ಚಾಲೂ ಮಾಡಿ

ಧಾವಿಸುತ್ತಾಳೆ

ದೇವಾಲಯಕೆ

ಅವಳೆಲ್ಲಿ? ‘

ಅವನು ಎಂದಿನಂತೆ 

ಕಾಯುವನು

ವೃತ್ತದೊಳಗೆ ಎತ್ತಿಟ್ಟ ಪಾದ

ಅವನಲಿ  ಪುಳಕ

ಅಭಿಷೇಕ..

ಬಗೆ ಬಗೆ ಹೂವಿನಲಂಕಾರ

ಮಬ್ಬುಮುಂಜಾವು 

ಬೆರಳೆಣಿಕೆ ಭಕ್ತರು

ಹೂವುಗಳ ನಡುವೆ ಪಾರಿಜಾತ

ದೀನಳು ದೇವನಲಿ  

ಬೇಡುವಳು

ಅವನ ಕಣ್ಣಲಿ ನಗು.

ಬೊಗಸೆ ತುಂಬ ಪ್ರಸಾದ     

ಹೊರ ಬರುತ್ತಾಳೆ

ಧನ್ಯತೆಯ ಭಾವ

ಇನ್ನೇನು..

ಸ್ಕೂಟಿ ಚಾಲೂ ಮಾಡಬೇಕು..

ಮೊದಲ ಮಳೆಗೆ ಕದಲಿ 

ಹೊರಬಂದ  ಚಿಗುರು 

ಮೈ ತುಂಬ ಕಚಕಗುಳಿಯ ನಗು

ಎಳಸು ಮೀಸೆ

ಕನಸು ಕಣ್ಣಿನ ಹುಡುಗ

ಅವಳೀಗ

ಬೆಳಗ್ಗೆ ಮಬ್ಬಿನಮಲಿನಲಿ

ಉಲ್ಟಾ ಧರಿಸಿದ ಕುರ್ತಾದಲ್ಲಿ

ಎದ್ದುನಿಂತ ಹೊಲಿಗೆ..

ಕೈಲಿ ಸವರುತ್ತ 

ತುಸು ಚಡಪಡಿಸಿ

ವಿನಾ ಕಾರಣ ಅತ್ತಿತ್ತ ನೋಡಿ

ಅವನೆಡೆಗೆ ಮುಗುಳು ನಗೆ ತೂರಿ..

ಇನ್ನೂ ಸಿಹಿ ನಿದ್ದೆಯಲಿರುವ ಗಂಡ

ಮಗುವಿನ  ನೆನಪು ನಡುವೆ

ಅವನ ಚಿತ್ರ ಮನಕ್ಕಂಟಿಸಿ

ಭರ್ರೆಂದು 

ಸ್ಕೂಟಿ  ಚಕ್ರ ತಿರುಗುತ್ತೆ

ದೇವರು

ಮರುದಿನದ ಮಕರಂದ

ಸುಪ್ರಭಾತದ  ನಿರೀಕ್ಷೆಯಲ್ಲಿ…

‍ಲೇಖಕರು Avadhi

September 9, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಲೋಕದ ಕಣ್ಣು ಮರುಗಲೂಬಹುದು!

ಲೋಕದ ಕಣ್ಣು ಮರುಗಲೂಬಹುದು!

ಕೆ.ಜೆ.ಕೊಟ್ರಗೌಡ ತೂಲಹಳ್ಳಿ ಊರ ಬಯಲಿನ ದಿಬ್ಬದ ಮೇಲೆಈ ಮಳೆಗಾಲಕ್ಕೆಚಿಗುರೊಡೆದ ಹುಲ್ಲು ಗಂಬಳಿಯಹಾಸಿನಲಿನಾವಿಬ್ಬರೇ ಸಾನಿಧ್ಯವಹಿಸೋಣಅದೆಷ್ಟು...

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ರಾಘವೇಂದ್ರ ದೇಶಪಾಂಡೆ ವಯಸ್ಸೊಂದಿತ್ತು ಆ ದಿನಗಳಲ್ಲಿಜಾದೂವಿನಲ್ಲು ನಂಬಿಕೆಯಿತ್ತು...ವಯಸ್ಸೊಂದಿದೆ ಇವಾಗವಾಸ್ತವತೆಯಲ್ಲು ಸಂಶಯವಿದೆ......

ಲಂಗರು ಕಚ್ಚಿದ ದೋಣಿ

ಲಂಗರು ಕಚ್ಚಿದ ದೋಣಿ

ಶ್ರೀಕಾಂತ್ ಪ್ರಭು ಲಂಗರು ಕಚ್ಚಿದ ದೋಣಿ ಮರಳ ಮೇಲೆಲ್ಲ ಹಾಯ್ದು ತೋಯಿಸಿ ಮೆತ್ತಗಾಗಿಸಿ ಮತ್ತೆ ಮತ್ತೆ ಮರಳುವ ಅಲೆ ಬೆಚ್ಚನೆಯ ಪಿಸು ಮಾತು...

2 ಪ್ರತಿಕ್ರಿಯೆಗಳು

  1. ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು

    ವೃತ್ತದೊಳಗೆ ಸುತ್ತುತ್ತಾ ಸುತ್ತುತ್ತಾ ಹಠತ್ತಾನೇ ಎಲ್ಲೋ ಹೊಳೆದ ಮಿಂಚಿಗೆ ಸೋತು ಪರಿಧಿಯಿಂದ ಹೊರಗೆ ಮನಸ್ಸು ಎಳೆದರೂ ಮಿಂಚೆಂಬುದು ಹೀಗೆ ಬಂದು ಹಾಗೆ ಮರೆಯಾಗುವ ಒಂದು ಚಂದದ ಅನುಭವ ಅಷ್ಟೇ ಅನ್ನುವ ವಾಸ್ತವ ಅರಿವಾದಾಗ ಜೀವನ ಸುಂದರ.

    ಕವಿತೆ ಸೂಪರ್ರು

    ಪ್ರತಿಕ್ರಿಯೆ
  2. ರೇಣುಕಾ ರಮಾನಂದ

    ಪೂರ್ಣಿಮಾ ಪದ್ಯ ಇಷ್ಟವಾಯ್ತು

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: