ಇಬ್ಬರು

ವಸುಂಧರಾ ಕದಲೂರು

ಕುದಿ ಎಣ್ಣೆಯೊಳಗೆ ಥಕತೈ
ಕುಣಿದು ಕೆಂಪಗಾದ ಕಬಾಬುಗಳ
ತುಂಡು ಈರುಳ್ಳಿಯೊಡನೆ
ಸಾಲಂಕೃತ ಅವನ ಮುಂದೆ
ಮೆರೆಯುತ್ತಾ ನಾಲಗೆಯ ಮೇಲೆ
ನಲಿಯುತ್ತಾ ಬಾಯ್ದುಂಬಿ ತನು ತುಂಬಿ
ಅವನು ಶರಣಾಗಿ ಬಿಡುವ ಸೂಚನೆ
ಸಿಕ್ಕುತ್ತಿದ್ದಂತೆಯೇ ಈಕೆ ಸಿದ್ಧವಾಗುತ್ತಾಳೆ
ಹಬೆಯಾಡುವ ಕಬಾಬಿನ ತುಂಡುಗಳನು
ಮತ್ತೆ ಬಡಿಸಲು.

ಆ ಸುಗಂಧದ ಪರಿಮಳದ ಮೊಳಕ್ಕೆ
ಮೂವತ್ತಿರಲಿ ಐವತ್ತಾದರೂ ಕೊಟ್ಟು
ತಂದವಳು ಮನೆಯಂಗಳದ ಬಿಡಿ
ಹೂವಿನೊಡನೆ ಸೇರಿಸಿ, ಘಮಲು ಊದಿನ
ಕಡ್ಡಿಯ ತೆಳುಹೊಗೆಯೊಡನೆ ಬೆರೆತ
ಸುವಾಸನೆಗೆ ಜೊತೆ ಮಾಡಿ ಆತನಿಗೆ
ಕೊಟ್ಟು, ಆತ ಹಚ್ಚುವ ಕರ್ಪೂರದ
ಆರತಿಯ ಬೆಳಕು ದೇವರ ಕೋಣೆಯ
ಹೊಸ್ತಿಲು ದಾಟಿ ಎಂದೂ ಹೊರ ಚೆಲ್ಲದೆ,
ಇವಳತ್ತ ಬೆಳಕು ಮೂಡದೇ ಇದ್ದರೂ…
ದೈವ ಸಾಕ್ಷಾತ್ಕಾರದ ಪ್ರಾರ್ಥನೆಗೆ
ಈಕೆಯೂ ದನಿಗೂಡಿಸುತ್ತಾಳೆ. ನಿತ್ಯವೂ
ಅರಳಿ ಬಾಡುವ ಹೂವಂತೆ…

ಈಕೆ ಅದೇ ಹಳೆಯ ರಿವಾಜಿನ
ಹುಡುಗಿ, ಆತ ಈಕೆಯಂತವನೇ
ಹಳೆಯವನು ಮತ್ತೂ ಎಂದೂ
ಬದಲಾಗಲಾಗದವನು…

‍ಲೇಖಕರು Avadhi

September 16, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಲೋಕದ ಕಣ್ಣು ಮರುಗಲೂಬಹುದು!

ಲೋಕದ ಕಣ್ಣು ಮರುಗಲೂಬಹುದು!

ಕೆ.ಜೆ.ಕೊಟ್ರಗೌಡ ತೂಲಹಳ್ಳಿ ಊರ ಬಯಲಿನ ದಿಬ್ಬದ ಮೇಲೆಈ ಮಳೆಗಾಲಕ್ಕೆಚಿಗುರೊಡೆದ ಹುಲ್ಲು ಗಂಬಳಿಯಹಾಸಿನಲಿನಾವಿಬ್ಬರೇ ಸಾನಿಧ್ಯವಹಿಸೋಣಅದೆಷ್ಟು...

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ರಾಘವೇಂದ್ರ ದೇಶಪಾಂಡೆ ವಯಸ್ಸೊಂದಿತ್ತು ಆ ದಿನಗಳಲ್ಲಿಜಾದೂವಿನಲ್ಲು ನಂಬಿಕೆಯಿತ್ತು...ವಯಸ್ಸೊಂದಿದೆ ಇವಾಗವಾಸ್ತವತೆಯಲ್ಲು ಸಂಶಯವಿದೆ......

ಲಂಗರು ಕಚ್ಚಿದ ದೋಣಿ

ಲಂಗರು ಕಚ್ಚಿದ ದೋಣಿ

ಶ್ರೀಕಾಂತ್ ಪ್ರಭು ಲಂಗರು ಕಚ್ಚಿದ ದೋಣಿ ಮರಳ ಮೇಲೆಲ್ಲ ಹಾಯ್ದು ತೋಯಿಸಿ ಮೆತ್ತಗಾಗಿಸಿ ಮತ್ತೆ ಮತ್ತೆ ಮರಳುವ ಅಲೆ ಬೆಚ್ಚನೆಯ ಪಿಸು ಮಾತು...

2 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: