ಇರುವುದೆಲ್ಲವ ಮರೆತು, ಮರೆವುದೆಲ್ಲವ ತೊರೆದು….

(ಅಖಿಲೇಶ್ ಈಶ ಅವರು ಸಂಗ್ರಹಿಸಿದ ಹುಸೇನ್ ಚಿತ್ರಗಳನ್ನು ನೋಡಿ ಮನದಾಳದಿ ಮೂಡಿದ ಭಾವನೆಗಳು ಇಲ್ಲಿವೆ )

ನಾ ದಿವಾಕರ

ಮೋಡಿಯೋ ಮಾಯವೋ

ಕಲಾಸಿರಿಯ ಚೆಲುವೋ !

ಅದೋ ನೋಡಿ ಸುಕ್ಕುಗಟ್ಟಿದ

ಕೈಯ್ಯೊಂದರಲ್ಲಿನ ಕುಂಚ ಏನನ್ನೋ ಹೇಳ

ಬಯಸುತ್ತಿದೆ : ಹುಡುಕಾಡುತಿದೆ

ಇಂಗಿತಗಳನು ಮನುಕುಲದ

ಅಂತರಾಳದೊಳಗಿನಿಂದ ;

ಎಷ್ಟೊಂದು ಬಣ್ಣಗಳು ಸುತ್ತ

ಕಪ್ಪು ಬಿಳುಪಿನ ರೇಖೆಗಳ ಮರೆಸಲು !

ಕುಂಚದೊಳಗಿನ ಭಾವನೆಗಳು

ಬಣ್ಣದ ಚಿತ್ತಾರಗಳಲಿ ಚಿಮ್ಮಿ

ಮಾತನಾಡತೊಡಗುವಾಗ ಕಲಾ

ತಪಸ್ವಿಯ ಮನ ಹೊಯ್ದಾಡುತ್ತದೆ ;

ಅಸ್ಮಿತೆಗಳ ನಡುವೆ ಯಾಂತ್ರಿಕತೆಯ

ಕ್ಲೀಷೆಗಳ ನಡುವೆ ; ಪ್ರವಾದಿಯೋ

ಸಂತನೋ ಅಗೋಚರ ಶಕ್ತಿಯೋ

ಕುಂಚಗಳಿಗೆ ಕಚಗುಳಿಯಿಡುವ

ಸ್ನಿಗ್ಧ ಕೈಗಳಿಗೇನುಂಟು ನಂಟು ?

 

ಕುಳಿತಲ್ಲೇ ಜಗವ ಕಾಣುವ

ವಾಂಛೆ ಮನದಾಳದಿ ಮೂಡಿದಾಗ

ಚಿತ್ರಗಳು ಮಾತನಾಡುತ್ತವೆ ಸುತ್ತಲಿನ

ಗೋಡೆಗಳೊಡನೆ ; ಬೇಕಲ್ಲವೇ ಸಂಗಾತಿ

ನಿರ್ಭಾವ ಜೀವಿಗಳಿಗೂ ?

ಬಣ್ಣಗಳ ಮೆರವಣಿಗೆಯಲಿ

ಎಲ್ಲಿದೆ ನಿರ್ಭಾವುಕತೆ ಎಲ್ಲವೂ

ಭಾವುಕವೇ ಭಾವನೆಗಳನರಿತವರಿಗೆ !

 

ಭ್ರಮೆಯೋ ಭಾವನೆಯ ಉಪಮೆಯೋ

ಪ್ರತಿಮೆಗಳು ಕಣ್ತೆರೆದಾಗ

ಕಾಣುವುದು ವಾಸ್ತವತೆಯ ಸತ್ಯ ;

ಮೆರೆಯುತಿಹನೇ ಈ ಸಂತ

ತನ್ನೊಡಲಿನೊಳಗಣ ಮಾನವತೆಯನು

ಕಲ್ಪನಾಲೋಕದ ಕಿನ್ನರಿಗಳು

ಬಣ್ಣಗಳಲಿ ಮೇಳೈಸುತಿರುವಾಗ !

 

ಎಲ್ಲೋ ಸಾಗಿತು ದಿವ್ಯ ಚೇತನದ

ಯಾತ್ರೆ ; ಖಯಾಲಿಗಳ ಲೋಕದಲಿ

ಮೆರೆದು ಹೋದವನ ಹೆಜ್ಜೆ ಗುರುತುಗಳು

ಖಾಲಿ ಖಾಲಿ : ಈ ವಿಶ್ವ ನಿಮ್ಮದಲ್ಲ

ಬಿಡಿ ಸಾಹೇಬರೇ

ನಡೆದಿರುವಿರಿ ಕಲಾಸನ್ನಿಧಿಯೆಡೆಗೆ

ಇರುವುದೆಲ್ಲವ ಮರೆತು ;

ಮರೆವುದೆಲ್ಲವ ತೊರೆದು !

 

]]>

‍ಲೇಖಕರು G

July 8, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕೋಟೆ ಬಾಗಿಲಿಗೆ ಬಂದವರು..

ಕೋಟೆ ಬಾಗಿಲಿಗೆ ಬಂದವರು..

ಮಂಜುನಾಥ್ ಚಾಂದ್ ಧರೆಯ ಒಡಲಿನಿಂದತೊರೆಗಳಾಗಿ ಬಂದವರಗುಂಡಿಗೆಗೆ ತುಪಾಕಿಹಿಡಿಯುವ ಮುನ್ನದೊರೆ ತಾನೆಂದು ಬೀಗಿಸೆಟೆಯುವ ಮುನ್ನನಿನ್ನ ದುಃಖ ನನ್ನ...

ಕಲಾಕೃತಿಗೆ ಜೀವವಾಗಿ ಬಂದವಳು…

ಕಲಾಕೃತಿಗೆ ಜೀವವಾಗಿ ಬಂದವಳು…

ರತ್ನರಾಯಮಲ್ಲ ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನುನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು  ಕಡು ಬಿಸಿಲಿನ...

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This