ಈ ಆಸೆಯ ಬಸುರು ಬಲು ಭಾರ…

ಹೇಮಂತ್ ಎಲ್ ಚಿಕ್ಕಬೆಳವಂಗಲ

ಇದು ಇಂದು ನಿನ್ನೆಯದಲ್ಲ!

ಸಾಗರದಂತಹ ನಿನ್ನೂರಿಗೆ
ನಾನು ಬರುವಾಗಲೆಲ್ಲಾ
ನಿನಗೆ
ಹೇಳಿಯೇ ಇರುತ್ತೇನೆ..

ಎಲ್ಲ ಕೆಲಸಗಳ ನಡುವೆಯೂ,
ಬಿಡುವು ಮಾಡಿಕೊಂಡು
ನೀನು..,
ಸಿಗಬಹುದೆಂಬ ಆಸೆ,
ನನಗರಿವಿಲ್ಲದೆಯೇ
ಗರ್ಭಧರಿಸುತ್ತದೆ..

ಬರುವ ದಾರಿಯುದ್ದಕ್ಕೂ
ನಿನ್ನದೇ ಯೋಚನೆ..

ಹೋಗಬೇಕಾದ ಜಾಗ,
ಆಡಬೇಕಾದ ಮಾತು,
ಕಳೆಯಬೇಕಾದ ಸಮಯ,
ಹೀಗೇ..
ಕೂಸು ಕಿಬ್ಬೊಟ್ಟೆಯಲಿ
ಬೆಳೆಯುತ್ತಲೇ ಸಾಗುತ್ತದೆ

ಅಲ್ಲಿ ಬಂದು,
ನಿನಗೆ ಕರೆ ಮಾಡಿ;
ಅದನ್ನು ಸ್ವೀಕರಿಸದೆ,
ನಾನು ಪರದಾಡಿ
ಮೆಸೇಜು ಮಾಡಿ
ಮೆಸೇಜನ್ನೂ ನೋಡದೆ
ನನ್ನನ್ನು ಕಾಯಿಸುತ್ತಲೇ
ಸತಾಯಿಸುತ್ತೀಯಲ್ಲ!?
ಆಗ
ಪ್ರಸವವೇದನೆ ಶುರು..

ಅದೆಷ್ಟೋ ಮರಗಳ ಕೆಳಗೆ,
ಬಸ್ಟಾಪುಗಳ ಪಕ್ಕದಲ್ಲಿ,
ಮಾಲು – ಅಂಗಡಿ – ಹೋಟೆಲು,
ಕಂಡವರ ಮನೆಯ ಗೇಟುಗಳ
ಮುಂದೆ, ಗಂಟೆಗಟ್ಟಲೆ
ನಿನಗಾಗಿ ಸುಖಾಸುಮ್ಮನೆ
ಕಾಯುವಾಗಲೆಲ್ಲ
ಈ ಆಸೆಯ
ಬಸುರ ಭಾರ, ತಲ್ಲಣಿಸಿಬಿಡುತ್ತದೆ..

ಕೊನೆಗೂ ..
ನೀನಾಗಲೀ,
ಫೋನು ಕರೆಗೆ ಉತ್ತರವಾಗಲೀ,
ಸಿಗದೆ ಮನೆಗೆ ಮರಳಿದಾಗ
ಸಿಟ್ಟು, ನೋವು, ಹತಾಶೆ,
ಪ್ರೀತಿಗಳೆಲ್ಲವೂ…
ಹೀಗೆ , ಹಾಳೆಯ ಮೇಲೆ
‘ಕವನ’ ಗಳಾಗಿ
ಗರ್ಭಪಾತವಾಗುತ್ತದೆ

ನಿನ್ನೂರಿಗೆ
ಮತ್ತೊಮ್ಮೆ ಹೊರಟಾಗಲೂ
ಇದೇ ಕಥೆ..

‍ಲೇಖಕರು Avadhi

January 23, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಐದು ಸಮಕಾಲೀನ ಗ್ರೀಕ್ ಕವನಗಳು

ಐದು ಸಮಕಾಲೀನ ಗ್ರೀಕ್ ಕವನಗಳು

ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್ ಇಲ್ಲಿರುವ ಐದು ಕವನಗಳನ್ನು ೨೦೧೬ ರಲ್ಲಿ ಪ್ರಕಟವಾದ ಆಸ್ಟ್‌ರಿಟಿ ಮೆಶರ್ಸ್ (Austerity Measures; Ed....

ಭುವನಾ ಹಿರೇಮಠ ಹೊಸ ಕವಿತೆ- ರಾತ್ರಿ ಮತ್ತು ಕನ್ನಡಿ

ಭುವನಾ ಹಿರೇಮಠ ಹೊಸ ಕವಿತೆ- ರಾತ್ರಿ ಮತ್ತು ಕನ್ನಡಿ

ಭುವನಾ ಹಿರೇಮಠ ರಾತ್ರಿ ಕನ್ನಡಿ ನೋಡಬಾರದು'ರಾತ್ರಿ'ಯೂ ಒಂದು ಹೆಣ್ಣುಕನ್ನಡಿಯೂ ಕನ್ನಡಿ ಯಾವಾಗಲೂ ನನ್ನನ್ನೇ ತೋರಿಸದುಎಷ್ಟೋ ಬಾರಿ ನನಗೆ ನಾನೇ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This