ಜೋಗಿ ಹೊಸ ಕವಿತೆ: ಎಡಗೈಯ ಶಾಯಿ ಗುರುತಿನ್ನೂ ಅಳಿಸಿಲ್ಲ

AF631~Les-Pointes-Posters

ನನ್ನ ಕಾರಿನ

ಗಾಜಿನ ಮೇಲೆ ರಾತ್ರಿಯೆಲ್ಲ ಸುರಿದ

ಮಂಜು.

ಅದರ ಮೇಲೆ ಅವಳ ನೀಳ ಬೆರಳುಗಳು

ಬರೆದ ಹೆಸರು

ನನ್ನದಲ್ಲ.

ಅವಳ ಮನೆಯೆದುರಿನ

ಹಸಿರು ಬಯಲಲ್ಲಿ

ಬಿಳಿಬಿಳಿಯ ಬೆಳ್ಳಕ್ಕಿ.

ಅದರ ದನಿಯ ವಿಸ್ತಾರದಲ್ಲಿ

ಕೇಳಿದ ಹೆಸರು

ನನ್ನದಲ್ಲ.

ದೂರಪಯಣದ ಕೊನೆಗೆ

ಒಂಟಿ ಊರು.

ಕಾಲುಹಾದಿಯಲ್ಲಿ

ಕಾಲು ಹಾಕಿ ಸಾಗಿದರೆ ಊರಾಚೆಗೆ

ಪುಟ್ಟ ಮನೆ.

ಅಂಗಳದಲ್ಲಿ ತುಳಸಿಕಟ್ಟೆ.

ಅಲ್ಲಿ ಬೆಳಗುತ್ತಿರುವ ನಂದಾದೀಪದ

ಬೆಳಕಲ್ಲಿ ಕಂಡದ್ದು

ನಾನಲ್ಲ.

ಬೆಟ್ಟಸಾಲುಗಳ ಮೇಲೆ ದಟ್ಟ ಮೋಡ.

ಸಹ್ಯಾದ್ರಿಗೆ ಮಳೆಯ

ಮಾಸಲು ಪರದೆ.

ಉಕ್ಕಿ ಹರಿದ ನೇತ್ರಾವತಿ.

ಮಹಾಪೂರದಲ್ಲಿ ತೇಲಿ ಬಂದ

ಹೆಣ

ನನ್ನದಲ್ಲ.

ಹೆಸರಾಗದೆ ದನಿಯಾಗದೆ

ಬೆಳಕಾಗದೆ ಹೆಣವಾಗದೆ

ನಾನು ಕಾದೆ.

ಅವಳ ಪಾದದ ಸುತ್ತ ಹೊಳೆವ ಬೆಳ್ಳಿಗೆಜ್ಜೆ.

ಕಣ್ಣ ಸುತ್ತ

ನಿರೀಕ್ಷೆಯ ಪ್ರೀತಿಯುಂಗುರ.

ನಾನು ಮತ್ತೊಂದು ಬೇಸಗೆಗೆ ಅಣಿಯಾಗುತ್ತಿದ್ದೇನೆ.

ಆವಿಯಾಗಲು

ಮಳೆಯಾಗಲು

ದನಿಯಾಗಲು

ಇದ್ದಕ್ಕಿದ್ದ ಹಾಗೆ ಸರ್ಕಾರ ಉರುಳಿದ ಸದ್ದು.

ಮುಖ್ಯಮಂತ್ರಿ

ಬದಲಾಗಿದ್ದಾರೆ.

ಎಲ್ಲೆಡೆ ಹರ್ಷೋದ್ಗಾರ.

ಆ ಸಂಭ್ರಮದಲ್ಲಿ

ನ್ನ ಪ್ರೀತಿ

ಕಾಲ್ತುಳಿತಕ್ಕೆ ಸಿಕ್ಕು

ಕಾಲದೇಶ

ಅಪ್ಪಚ್ಚಿ.

ಮತ್ತೊಂದು ಚುನಾವಣೆಗೆ ಕಾಯುತ್ತಿದ್ದೇನೆ.

ಎಡಗೈ ತೋರುಬೆರಳ

ಶಾಯಿಗುರುತಿನ್ನೂ

ಅಳಿಸಿಹೋಗಿಲ್ಲ.

‍ಲೇಖಕರು avadhi

July 25, 2009

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಾತು ಮುಗಿದೇ ಇಲ್ಲ ಇನ್ನು

ಮಾತು ಮುಗಿದೇ ಇಲ್ಲ ಇನ್ನು

ಡೋ‌ರ ಮಾತು ಮುಗಿದೇ ಇಲ್ಲ ಇನ್ನುಮರೆತು ಎದ್ದು ಹೋದೆಯಾ...?ಹರಸಿ ನಡೆದೆ ಬಿಟ್ಟೆಯಾಕಾಣದೂರಿನ ದಾರಿ ಹಿಡಿದುನನ್ನ ಹೀಗೆ ಯಾಕೊ ತೊರೆದುಹುಡಕಲೇಗೆ...

ನೆಲದ ಕರುಳು

ನೆಲದ ಕರುಳು

ಪಿ ಆರ್ ವೆಂಕಟೇಶ್ ದುಃಖದ ಕುಲುಮೆಯಲಿಹಾಡಲಾರದು ಹಕ್ಕಿಬೇಲಿಯಾಚೆಯ ಮಾತು ಮೌನ ಬೆಂಕಿ ಬಂಧನದ ಭಾವಬಿತ್ತಿತಾದರು ಏನು?ಪುಟಿದ ಕನಸುಗಳೆಲ್ಲಕಸದ...

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

2 ಪ್ರತಿಕ್ರಿಯೆಗಳು

  1. shreenidhids

    ಚುನಾವಣೆ ಯಾಕೆ ಬಂತು ಮಧ್ಯದಲ್ಲಿ 🙂

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: