ಎದೆ ಅನುಭವಿಸಿದ್ದು ಘನೀಕರಿಸಿದ ನಡುಕವಾ?

ವೈರುಧ್ಯ

ಮಂಜುಳಾ ಬಬಲಾದಿ

ಠಳ್…

ಹೊಡೆದ ಕಲ್ಲಿನ ರಭಸಕೆ

ಕನ್ನಡಿಯದಾಯ್ತು ಚೂರು-ಚೂರು

ನುಚ್ಚು-ನೂರಾದ ಆ ಚೂರುಗಳಲಿ

ಹೊಸ ಹೊಳಪು ನೂರು-ನೂರು!

ಘಲ್…

ಬೆಳಕ ತುಣುಕುಗಳ

ಆಯ್ವ ಕೈಗಳಲಿ

ಬಳೆಗಳ ನಿನಾದ…

ಮರೆಮಾಚಿತಿದೆ

ಆ ಚೂರುಗಳ ಮೊನಚು

ಅವುಗಳ ಹಿಂದಿನ ವಿಷಾದ!

ಝಲ್…

ಎದೆ ಅನುಭವಿಸಿದ್ದು

ಘನೀಕರಿಸಿದ ನಡುಕವಾ?

ಅಥವಾ?

ಕುಡಿಯೊಡೆಯುತಿರುವ ಪುಳಕವಾ?

ಸರ್ರ್…

ಅರೆಕ್ಷಣವೇ ಸಾಕು

ವಿಷವ ಅಮೃತವಾಗಿಸಲು

ನೋವ ನಲಿವಾಗಿಸಲು!

ದೃಷ್ಟಿ ಬದಲಾದಂತೆ

ಆಗುವವು ಇಲ್ಲಿ

ಎಲ್ಲ ಅದಲು-ಬದಲು!

ಪುರ್ರ್…

ರೆಕ್ಕೆ ಕೊಡವಿ ಹಾರಿದೆ ಹಕ್ಕಿ

ದಿಗಂತದೆಡೆಗೆ

ಗಾಳಿಯ ಗೆಳೆತನದಲ್ಲಿ

ಅಳುಕಿದರೂ, ಬಳುಕಿ

ಬೆಳಗುತಿದೆಯೊಂದು

ದೀವಿಗೆ!

 ]]>

‍ಲೇಖಕರು G

September 21, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಉಂಡು ಮರೆತ ಒಡಲ ಕನಸು

ಉಂಡು ಮರೆತ ಒಡಲ ಕನಸು

ಪ್ರೊ. ಚಂದ್ರಶೇಖರ ಹೆಗಡೆ ಪಲವಿನ್ನೂ ಹಸಿ ಹಸಿಯಾಗಿದೆಬನ್ನಿ ಗಿರಾಕಿಗಳೇ ಮುಖವಿಟ್ಟು ಆಸ್ವಾದಿಸಿಬಿಡಿ ಖಾಲಿಯಾಗಿರುವ ಎದೆಯ...

ನೆನಪಿನ ಘಮಲು…

ನೆನಪಿನ ಘಮಲು…

ಸೌಜನ್ಯ ನಾಯಕ ಬೆಳಗಿರುವೆ ನಾನೊಂದುಪುಟ್ಟ ಹಣತೆಯಅಂಧಕಾರವನ್ನ ಹೊಡೆದೊಡಿಸಲುಉರಿಯುವ ದೀಪದ ಬೆಳಕಲಿಬೆಸೆಯುವ ಪ್ರೀತಿಯ ಬೆಳಗಿಸಲು… ಹಾಗೆಂದುನಾ...

ಪಿಳ್ಳೆ ನೆವ

ಪಿಳ್ಳೆ ನೆವ

ಸಂಗಮೇಶ ಸಜ್ಜನ ಅಮ್ಮ ನನ್ನ ಬಯ್ಯಬೇಡಮ್ಮ ನನ್ನದೇನು ತಪ್ಪು ಇಲ್ಲಮ್ಮ ಬೇಕು ಅಂತ ಮಾಡಿಲ್ಲ ಮನ ಬೆಕ್ಕು ಅಡ್ಡಿ ಬಂದಿತ್ತು...

16 ಪ್ರತಿಕ್ರಿಯೆಗಳು

  1. Ramesh Kumar

    ಠಳ್, ಘಲ್, ಝಲ್, ಸರ್ರ್, ಪುರ್ರ್ ಗಳ ಮೂಲಕ
    ನಿಮ್ಮ ಈ ಕವನದಲಡಗಿದೆ ಶಬ್ದ ಚಿತ್ತಾರ ಪುಳಕ
    ……… ಚೆನ್ನಾಗಿದೆ.

    ಪ್ರತಿಕ್ರಿಯೆ
  2. Gopaal Wajapeyi

    ‘ಶಬ್ದ’ ನುಡಿಯತೊಡಗುವುದಿದೆಯಲ್ಲ ಅದೇ ಒಂದು ಅಚ್ಚರಿ. ಅದೇ ಒಂದು ಅನುಭವ…
    ನೀವು ಶಬ್ದಗಳನ್ನು ನುಡಿಸಿದ್ದೀರಿ. ಅವುಗಳೊಂದಿಗೆ ನಮ್ಮನ್ನು ಭಾವಲೋಕದಲ್ಲಿ ನಡೆಸಿದ್ದೀರಿ.
    ಒಂದು ಅಪೂರ್ವ ಕವಿತೆ ನೀಡಿದ್ದೀರಿ ಮಂಜುಳಾ… ಅಭಿನಂದನೆಗಳು.

    ಪ್ರತಿಕ್ರಿಯೆ
  3. Badarinath Palavalli

    ಸದ್ದಿನ ಚೊತೆ ಮಿಳಿತವಾದ ಕಾವ್ಯ. ದೃಶ್ಯ ಕಾವ್ಯ. ಭಾವ ತೀವ್ರತೆಯ ಏರಿಳಿತ ಸಮರ್ಥವಾಗಿ ಮೂಡಿಬಂದಿದೆ.

    ಪ್ರತಿಕ್ರಿಯೆ
  4. Mohan V Kollegal

    ಒಳ್ಳೆಯ ಕವಿತೆ ಅಕ್ಕ… ಬಳಸಿರುವ ಶಬ್ದಗಳಲ್ಲಿ ಒಳ ಪುಳಕ ಮತ್ತು ಸೆಳೆತವಿದೆ… ಕವಿತೆಯಲ್ಲಿ ಪ್ರತೀ ಪಾದ(ಸಾಲು)ವನ್ನೂ ಗಟ್ಟಿಗೊಳಿಸುವುದಲ್ಲದೇ, ಉಪಯೋಗಿಸುವ ಪದ ಪದಗಳ ನಡುವೆ ಸೆಳೆತವಿರುವಂತೆ ಪ್ರಯತ್ನಿಸಬೇಕು…

    ಪ್ರತಿಕ್ರಿಯೆ
  5. Prasad

    ನಿಮ್ಮ ಈ ಹನಿಗವನಗಳು ಅರ್ಥಪೂರ್ಣವಾಗಿವೆ.

    ಪ್ರತಿಕ್ರಿಯೆ
  6. ಮಂಜುಳಾ ಬಬಲಾದಿ

    @Prasad ನಿಮ್ಮ ಮೆಚ್ಚುಗೆಗೆ ವಂದನೆಗಳು.. ಆದರೆ ಇವು ಹನಿಗವನಗಳಲ್ಲ.. ವಿವಿಧ ಭಾವಗಳು ತಳಕು ಹಾಕಿಕೊಂಡಿರೋ ಒಂದೇ ಕವಿತೆ!

    ಪ್ರತಿಕ್ರಿಯೆ
  7. Sunaath

    ಕವನವೆಂದರೆ ಇದು! ವೈರುಧ್ಯಗಳನ್ನು ಅನುಭವವನ್ನು ಸೊಗಸಾದ ರೂಪಕಗಳಲ್ಲಿ ಚಿತ್ರಿಸಿದ್ದೀರಿ. ಕೊನೆಯ ಸಾಲಂತೂ ಸುಪರ್. ಅದನ್ನೇ ಕೊಂಚ ಬದಲಾಯಿಸಿ ಹೀಗೆ ಹೇಳಲೆ?:
    ಭಾವನೆಗಳ ಸೆಳೆತದಲ್ಲಿ
    ಅಳುಕಿದರೂ, ಬಳುಕಿ
    ಬೆಳಗುತಿದೆಯೊಂದು
    ಕವನ!

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: