ಒಂದು ಇಂಟ್ರೊ, ಒಂದು ಬಾಡಿ, ಒಂದು ಎಂಡಿಂಗ್…

ಭಾಗೇಶ್ರೀ ಕನ್ನಡ ಬ್ಲಾಗ್ ಲೋಕಕ್ಕೆ ಅಡಿ ಇಟ್ಟಿದ್ದಾರೆ. ಅವಧಿಯ ಓದುಗರಿಗೆ ಭಾಗೇಶ್ರೀ ಅಪರಿಚಿತರಲ್ಲ. ಇತ್ತೀಚೆಗಷ್ಟೇ ಅವರ ಕವನಗಳ ದ್ವನಿ ಸುರುಳಿ ‘ನಿನ್ನ ನೆನಪು’ ವನ್ನು ಅವಧಿಯಲ್ಲಿ ಪರಿಚಯ ಮಾಡಿ ಕೊಡಲಾಗಿತ್ತು. ಪತ್ರಕರ್ತೆಯಾಗಿ ಎಷ್ಟು ಭಾಗೇಶ್ರೀ ಪರಿಚಿತರಾಗಿದ್ದಾರೋ ಅಷ್ಟೇ ಸಾಹಿತ್ಯದ ಒಡನಾಡಿಯಾಗಿಯೂ ಎಲ್ಲರಿಗೂ ಪರಿಚಿತರು. ಪತ್ರಕರ್ತರ ಅದೇ ಇಂಟ್ರೋ ಅದೇ ಹೆಡ್ಡಿಂಗ್ ಅದೇ ಬಾಡಿ ಎಂಬ ಬದುಕಿನಲ್ಲಿ ಇದ್ದವರು ಒಂದಿಷ್ಟು ಲವಲವಿಕೆ ಹುಡುಕುತ್ತಾ ಈಗ ಬ್ಲಾಗ್ ಲೋಕಕ್ಕೆ ಬಂದಿದ್ದಾರೆ. ದಿ ಹಿಂದೂ ಪತ್ರಿಕೆಯ ಭಾಗೇಶ್ರೀ ಅಲ್ಲಿ ಪುಸ್ತಕದ ಬಗ್ಗೆ ತಮ್ಮ  ಒಳನೋಟಗಳನ್ನು ಕಟ್ಟಿಕೊಟ್ಟಿದ್ದಾರೆ. ಈಗ ತಮ್ಮ ‘ಭಾಗೇಶ್ರೀ’ ಬ್ಲಾಗ್ ಮೂಲಕ ಓದುಗರಿಗೆ ಎದುರಾಗುತ್ತಿದ್ದಾರೆ.
ಅವರು ತಮ್ಮ ಬ್ಲಾಗನ್ನು ಪರಿಚಯಿಸಿಕೊಳ್ಳುವುದು ಹೀಗೆ…
 
+++
ಬರೆಯುವ ಕಾಯಕದಿಂದಾಚೆ…
ದಿನ ಬೆಳಗಾದರೆ ಬರೆಯುವುದೇ ಕೆಲಸ ಆದವರ ಬರವಣಿಗೆ ಒಂದು ಥರದ routineಗೆ ಬಿದ್ದುಬಿಡುತ್ತದೆ. ಒಂದು ಇಂಟ್ರೊ, ಒಂದು ಬಾಡಿ, ಒಂದು ಎಂಡಿಂಗ್… ಹೀಗೆ. ಎಲ್ಲವೂ inverted pyramid. ಅದರ ಆಚೆ ಎನೂ ಹೊಸ ತರಹದ್ದನ್ನು ಬರೆಯುವ ಸಾಧ್ಯತೆಯೇ ಕಳೆದು ಹೋಗಬಹುದೇನೋ ಎಂಬ ಭಯ ಶುರುವಾಗುತ್ತದೆ. ಅದರಲ್ಲೂ ವಯಸ್ಸಾಗುತ್ತಾ ಹೋದಂತೆ. ಇಂಗ್ಲಿಶ್ ಪೇಪರಿನಲ್ಲಿ ಕೆಲಸ ಮಾಡುವ ನನ್ನಂತ ಮಂದಿಗೆ ಕನ್ನಡ ಬರೆಯುವುದೇ ಮರೆತು ಹೋದರೆ ಎಂಬ ಇನ್ನೊಂದು ಭಯ. ಆದಕ್ಕೆ ಈ ಬ್ಲಾಗ್. ತುಂಬ selfish ಕಾರಣಕ್ಕೆ. ಸುಮ್ಮನೆ ಡೈರಿಯಲ್ಲಿ ಬರೆಯಬಹುದಲ್ಲ ಬ್ಲಾಗು ಗೀಗೆಲ್ಲ ಯಾಕೆ ಅಂತ ಕೇಳಬಹುದು. ಹೌದು. ಕೇಳಬಹುದು. ಉತ್ತರ ಸಧ್ಯಕ್ಕಂತು ಇಲ್ಲ. ಆದರೂ ಇರಲಿ. ಅಗಾಧ ಸೈಬರ್ ಲೋಕದ ಒಂದು ಮೂಲೆಯಲ್ಲಿ ಇದೂ ಒಂದಿದ್ದರೆ ನಷ್ಟವಂತೂ ಇರಲಾರದು ಎಂಬ ನಂಬಿಕೆಯೊಂದಿಗೆ… ನಮಸ್ಕಾರ.
+++                                                                                                                                           +++
ಅವರ ಬರಹದ ಸವಿ ತಿಳಿಸಲು ಅವರ ಬ್ಲಾಗ್ನಲ್ಲಿರುವ ಅನುವಾದ ಕುರಿತ ‘ಅನುವಾದದ ಮಜ’ ಬರಹದಿಂದ ಒಂದು ಕವಿತೆಯ ತುಣುಕು ಇಲ್ಲಿದೆ.

ಸಧ್ಯಕ್ಕೆ ಗಾಲಿಬನ ನನಗೆ ಪ್ರಿಯಾವಾದ ಗಜಲೊಂದರ ಕನ್ನಡೀಕರಣ. ಇಂಗ್ಲಿಷ್ ಭಾಷಾಂತರದ ಮರು ಭಾಷಾಂತರವಾದ್ದರಿಂದ ”ಮೂಲ ಅರ್ಥ” ಎನ್ನುವ ಕಲ್ಪನೆಯೇ ಇಲ್ಲಿ ವಿಚಿತ್ರ ಸ್ವರೂಪದ್ದು. ಅದರ form ಬಗ್ಗೆ ತಲೆ ಕೆಡಿಸಿಕೊಳ್ಳದೆ ಮಾಡಿರುವ ಈ ಪ್ರಯತ್ನಕ್ಕೆ ಗಾಲಿಬ್ ಮತ್ತು ಆತನನ್ನು originalನಲ್ಲಿ ಓದಿದ ಎಲ್ಲರ ಕ್ಷಮೆ ಇರಲಿ.

ಮೊಂಬತ್ತಿ

ಆಕಾಶ ಭೂಮಿಗಳನ್ನು ನನಗಿತ್ತ ಅವನು ನಾನು ಸಂತುಷ್ಟನಾಗಿರುತ್ತೇನೆ ಅಂದುಕೊಂಡ.

ವಾದ ಮಾಡುವುದಕ್ಕೆ ಮುಜುಗರವೆನ್ನಿಸಿ ಏನೂ ಹೇಳದೆ ಸುಮ್ಮನಾಗಿಬಿಟ್ಟೆ.

 

ಆಧ್ಯಾತ್ಮ ಅರಸಿ ಹೊರಟವರೆಲ್ಲ ಸುಸ್ತಾಗಿದ್ದಾರೆ. ಪ್ರತಿ ತಿರುವಿನಲ್ಲಿ ಬಳಲಿ ಕುಳಿತಿದ್ದಾರೆ.

ಬಸವಳಿದು ಬೆಂಡಾದ ಇವರಿಗೆ ನಿನ್ನ ವಿಳಾಸವೇ ಯಾವತ್ತೂ ಗೊತ್ತಿರಲಿಲ್ಲ.

 

ಮೊಂಬತ್ತಿಗೆ ಶುಭ ಹಾರೈಸುವ ಬಹಳಷ್ಟು ಮಂದಿ ಇದ್ದಾರೆ ಈ ಕೂಟದಲ್ಲಿ. ಆದರೆ,

ಕರಗುವಿಕೆಯೇ ಇರುವಿಕೆಯಾದ ಮೇಲೆ ಯಾರ ಹಾರೈಕೆಯಿಂದೇನು ಸುಖ?

 

‍ಲೇಖಕರು avadhi

June 16, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

2 ಪ್ರತಿಕ್ರಿಯೆಗಳು

    • D.RAVIVARMA

      heart touching,ittichegaste ghalib avara pustaka odide umarkayyam galib,avara manamuutuva,manatattuva ghajalgalu nammannu berondu lokake konduyytave, superb kayyama keluva prasne matte matte kaduttade ” ee jagake naveeke bandihevoo tiliyadadu ellinda bandevo popudavadego icche keluvarilla guttu bichchuvarill marubhoomiyali boriduva gali nanu” d.ravi varma hospet

      ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: