ಒಂದು ಮಧ್ಯಾಹ್ನ ಫೇರಿವಾಲಾ

ಜಯಂತ ಕಾಯ್ಕಿಣಿ

ಮಧ್ಯಾಹ್ನ ಗಂಡಸರ ಎರಡನೇ ಶಿಫ್ಟಿಗೆ ತರುವ
ಉರಿವ ತಗಡಿನ ಬಸ್ಸು
ಬಟ್ಟೆಯಂಗಡಿ ಪಕ್ಕ ಹಾಯುವಾಗ ಆಗಷ್ಟೆ
ಆರುತ್ತದೆ ಮಣಿಬೇನಳ ವಿವಿಧ ಭಾರತಿ.
ನಂತರ ಉದ್ದಿಗ್ನ ಶಾಂತಿ. ನಿದ್ದೆಯ ಅಂಚಿನಲ್ಲಿ
ಚೆಂಡಾಡುವ ಮಕ್ಕಳು. ಮೇಲಿನ ಮಜಲಿನ ದರ್ಜಿ.
ತಿರುತಿರುವಿ ಚೂಪಾಗಿಯೂ ಸೂಜಿ ಹೊಗದ ದಾರದಂತೆ
ಕೂಗಿಯೇ ಕೂಗುತ್ತಾನೆ ಫೇರಿವಾಲಾ
ಏನನ್ನೂ ಏನಕ್ಕೂ ಕೊಡಕೊಳ್ಳುವ ಫೇರಿವಾಲಾ

ಮಣಿಬೇನ್ ಅರಸುವಳು ಮನೆತುಂಬ ಬಿಚ್ಚಿಗಂಟು
ಏನ ಕೊಡಲಿ ಏನಕೊಡಲಿ
ತೆರೆದು ಬೂರಸು ಕಪಾಟು.
ನಾಶಿಕದ ನಾದಿನಿ ಕೊಟ್ಟ ಅಗ್ಗದ ಸೀರೆಗೆ
ಸಿಗಬಹುದು ಮೂರು ಪಾವು ಬಳ್ಳೊಳ್ಳಿ
ಅತ್ತೆಯ ಅಲ್ಯುಮಿನಿ ಪಾತ್ರೆ ಕಿವಿಯಿರದ ಕಪ್ಪು ಬಸಿಗೆ
ಝರಿದಡಿಯ ಸಣ್ಣ ಪರ್ಸು
ಮದುವೆಯ ಜಂಗು ಗುಲಾಬದಾನಿಗೆ ಪ್ಲಾಸ್ಟಿಕ್ ಮಗ್ಗು

ಚಿಂದಿನಿದ್ದೆಯ ಹೊರಗೆ ಪೇಟೆ ಬೆಳಕಿನ ಗದ್ದಲ
ಮನೆ ಒರೆಸಲೆಂದೆ ಚಿಕ್ಕ ಚೌಕಗಳಾಗಿ ಕತ್ತರಿಸಿ
ಅಂಚು ಹೊಲೆದಿಟ್ಟ ಅತ್ತೆಯ ಕಂದು ಸೀರೆ
ಅತ್ತೆಯ ಮಗ ಗುಟ್ಟಾಗಿ ತಿಂತಿದ್ದ ಮಾತ್ರೆಗಳ ಶೀಷೆ
ಹೊಳಪು ಸವೆದ ಬಿರಡೆಯ ಪುಟ್ಟ ಮೂಕ ರೇಡಿಯೋ

ಕಿತ್ತು ಕಿತ್ತು ಎಸೆದ ಬೂರಸು ಮನೆತನವನ್ನೆ
ತೂಗಿಕೊಂಡು ಇಳಿದುಹೋದ ಫೇರಿವಾಲಾ
ರಸ್ತೆಯಲ್ಲಿ ಕಣ್ಮರೆಯಾಗುವವರೆಗು ನಿಂತಳು ಮಣಿಬೇನ್
ಹೊಸಬಳಾಗಿ.

। ನೀಲಿಮಳೆ ।

‍ಲೇಖಕರು Avadhi

October 11, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಾವೆಂದರೆ ಹೀಗೆಯೇ..

ಸಾವೆಂದರೆ ಹೀಗೆಯೇ..

ಚಂದ್ರಶೇಖರ ಹೆಗಡೆ ಎಲ್ಲ ಇದ್ದೂ ಇಲ್ಲವಾಗುವುದೆ ? ಇಲ್ಲದಿರುವುದಕ್ಕೆ ಬೆನ್ನುಬಿದ್ದು  ಖಾಲಿಯಾಗುವುದೆ ? ಹಸಿರು ತುಂಬಿದ್ದರೂ...

ಆನಾ ಆಹ್ಮತೋವಾ ನೆನೆದು

ಆನಾ ಆಹ್ಮತೋವಾ ನೆನೆದು

    ಜಿ.ಪಿ.ಬಸವರಾಜು ನಡುಗುವ ಕೈಗಳಿಂದ ನಿನ್ನ ಎದೆಯ ಪದಗಳನು ಎತ್ತಿಕೊಂಡೆ: ಸೆರೆಮನೆಯ ಮಹಾ ಗೋಡೆಯ ಈಚೆ ನೀನೊಂದು...

ಪಟದ ಪಾಡು

ಪಟದ ಪಾಡು

ಡಾ ಪಿ ಬಿ ಪ್ರಸನ್ನ ಮೊನ್ನೆ ಎಲ್ಲರಂತೆ ನನಗೂ ಪಟ ಹೊಡೆಸಿಕೊಳ್ಳುವ ಉಮೇದು ಬಂದದ್ದೇ ನಡೆದೆ ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This