ಒಂದೊಳ್ಳೇ ಸಿನಿಮಾ ನೋಡಿದೆ..

ರಾಮಾ ರಾಮಾ ರೇ…

amruta-hegde

ಅಮೃತಾ ಹೆಗ್ಡೆ 

ಬಹಳ ದಿನಗಳ ನಂತರ ಫ್ರೆಂಡ್‌ ಯಶಸ್ವಿನಿ ಜೊತೆ ಒಂದೊಳ್ಳೇ ಸಿನಿಮಾ ನೋಡಿದೆ.

ಆತ ಅಪರಾಧಿ. . ಅವನಿನ್ನು ಬದುಕೋದಕ್ಕೆ ಲಾಯಕ್ಕಿಲ್ಲ ಅಂತ ಕೋರ್ಟ್ ನಿರ್ಧರಿಸಿಯಾಗಿದೆ. ಇಷ್ಟರಲ್ಲೇ ಗಲ್ಲಿಗೇರಿಸುವ ಆದೇಶವನ್ನೂ ನೀಡಿಯಾಗಿದೆ. ಆದರೆ ಆ ಪಾಪಿ ಜೀವಕ್ಕಿನ್ನೂ ಬದುಕೋ ಆಸೆ. ಜೈಲು ಬಿಟ್ಟು ಓಡಿ ಬರೋ ಆತನ ಪಾಡು, ಪರಿಸ್ಥಿತಿಯ ಸುತ್ತ ಸುತ್ತುವ ಕಥೆ ಇದು. ಅವಕಾಶ ಸಿಕ್ಕರೆ ರಕ್ಕಸ ಮನಸ್ಸೂ ಕೂಡ ಮೃದುವಾಗಬಹುದು ಅನ್ನೋದನ್ನ ತಿಳಿಸಿಕೊಡುವ ಪ್ರಯತ್ನ ಇಲ್ಲಿ ಕಾಣುತ್ತೆ.

rama-rama-re3ತಾನು ಬದುಕಬೇಕು ಅನ್ನೋ ಆಸೆಯಿಂದ ಸೆರೆಮನೆಯಿಂದ ಓಡಿ ಬಂದಿದ್ದ ಪಾಪಿ, ತಾನೇ ತಾನಾಗಿ ಶರಣಾಗುವ ಹಾಗೆ ಪರಿಸ್ಥಿತಿಯೇ ಆತನನ್ನ ತಿದ್ದುತ್ತದೆ. ಇಲ್ಲಿ ಆತನ ಪರಿವರ್ತನೆಗೆ ಪ್ರಯತ್ನ ಪಡುವವರಾರೂ ಇಲ್ಲ. ಬದಲಾಗಿ ಅವನನ್ನ ಎದುರಾಗೋ ಪರಿಸ್ಥಿತಿಯೇ ಆತನನ್ನ ಮೃದುವಾಗಿಸಿಬಿಡುತ್ತೆ. ಮಾನವೀಯತೆ, ಪ್ರೀತಿ, ಅಕ್ಕರೆ, ಮಮತೆ, ಆಗತಾನೇ ಹುಟ್ಟಿದ ಮಗುವಿನ ಮೊದಲ ಕೂಗು ಎಲ್ಲವನ್ನೂ ಅತಿ ಹತ್ತಿರದಿಂದ ಕಾಣೋ ಅವಕಾಶ ಮಾಡಿಕೊಡುತ್ತೆ.

ಬದುಕೋ ಆಸೆಯಿಂದ ಕಾಡು, ಮೇಡು, ಹಳ್ಳ, ಕೊಳ್ಳ, ಪೇಟೆ ಪಟ್ಟಣ ಅಲೆಯೋ ಆ ಪಾಪಿ ಜೀವಕ್ಕೆ ಪಾಪಕೃತ್ಯದ ಹೊರತಾದ ಒಂದೊಂದೇ ಸಂಗತಿಗಳ ಪರಿಚಯವಾಗ್ತಾ ಹೋಗುತ್ತೆ. ಆತನ ಪಯಣದಲ್ಲಿ ಸೇರಿಕೊಳ್ಳೋ ಲಾರಿ ಡ್ರೈವರ್‌, ತಾತ, ಪ್ರೇಮಿಗಳು, ಗರ್ಭಿಣಿ, ಅಜ್ಜಿ, ಶಿಶು, ನಾಟಕದ ಪಾತ್ರಧಾರಿಗಳು ಎಲ್ಲರೂ ಮಾನವನ ಬದುಕಿನ ವಿವಿಧ ಮಜಲುಗಳನ್ನ ಪಾಪಿಯ ಅಂತರಂಗವನ್ನ ಸ್ಪರ್ಷಿಸ್ತಾರೆ.

ಹೆರಿಗೆ ನೋವಿನಲ್ಲಿ ಒದ್ದಾಡ್ತಿರೋ ತಾಯಿ ಕಷ್ಟಪಟ್ಟು ಮಗುವಿಗೆ ಜನ್ಮ ಕೊಟ್ಟಾಗ ಪಾಪಿ ಕಣ್ಣಾಲಿಗಳು ಒದ್ದೆಯಾಗುತ್ವೆ. ನವಜಾತ ಮಗುವಿನ ಅಳು ಕೇಳಿಬಂದ ಆ ಸನ್ನಿವೇಷ ಮಾತ್ರ ನಮ್ಮ ಕಣ್ಣಲ್ಲೂ ನೀರು ತರಿಸುತ್ತೆ . ತಾನು ಬದುಕಬೇಕು ಅನ್ನೋ ಕಾರಣಕ್ಕೆ ಮತ್ತೊಬ್ಬರ ಜೀವ ತೆಗೆಯೋಕೂ ಹೇಸದ ಮನಸ್ಥಿತಿಯಲ್ಲಿದ್ದ ಆತ, ತನ್ನ ಜತೆಗಿದ್ದ ಪ್ರೇಮಿಗಳಿಗೆ ಮದುವೆ ಮಾಡಿಸುವಷ್ಟು ಬದಲಾಗ್ತಾನೆ.

ಪ್ರೀತಿ, ಮಮತೆ, ಮಾನವತೆಗೆ ಕ್ರೌರ್ಯವನ್ನೂ ಕರಗಿಸುವ ಶಕ್ತಿ ಇದೆ ಅನ್ನೋದನ್ನ ಸೂಕ್ಷ್ಮವಾಗಿ ಹೇಳುತ್ತೆ ಈ ಕಥೆ. ಕಲಾತ್ಮಕತೆಯ ಸ್ಪರ್ಷವಿರೋ ಈ ಸಿನಿಮಾ ನಂಗಂತೂ ಖುಷಿಕೊಟ್ಟಿದೆ.

‍ಲೇಖಕರು Admin

November 7, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಆಕ್ಟ್ 1978: ಬೇರೆ ಕಣ್ಣು, ಬೇರೆ ನೋಟ..

ಆಕ್ಟ್ 1978: ಬೇರೆ ಕಣ್ಣು, ಬೇರೆ ನೋಟ..

ಮಂಸೋರೆ ನಿರ್ದೇಶನದ 'ಆಕ್ಟ್ 1978' ಚಿತ್ರ ಸಾಕಷ್ಟು ಸುದ್ದಿ ಮಾಡಿದೆ. ವೀಕ್ಷಕರು ಮತ್ತೆ ಚಲನಚಿತ್ರ ಮಂದಿರಗಳತ್ತ ಹೆಜ್ಜೆ ಹಾಕುವಂತೆ ಮಾಡಿದೆ....

ನಿನಗೆ ನೀನೇ ಗೆಳೆಯ, ನಿನಗೆ ನೀನೇ

ನಿನಗೆ ನೀನೇ ಗೆಳೆಯ, ನಿನಗೆ ನೀನೇ

ಗೊರೂರು ಶಿವೇಶ್ High noon  ಅಥವಾ ಮಟಮಟ ಮಧ್ಯಾಹ್ನ ಒಂದು ವೆಸ್ಟರ್ನ್ ಕ್ಲಾಸಿಕಲ್ ಚಿತ್ರ . ಪ್ರಸಿದ್ಧ ನಿರ್ದೇಶಕ  ಫ್ರೆಡ್...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This