ಕತ್ತಲೆಯಂತೆ ಬೆತ್ತಲೆ ನಾನು…

ಬಾಗಿಲು…..!

-ರವಿ ಮೂರ್ನಾಡು, ಕ್ಯಾಮರೂನ್

ಇದು ಕೆಲವು ದಿನಗಳ ಹಿಂದೆ  ‘ಅವಧಿ’ಯಲ್ಲಿ ಪ್ರಕಟವಾಗಿದ್ದ  ಎಂ. ಎಸ್. ಮೂರ್ತಿ ಅವರ ರೇಖಾ ಚಿತ್ರಕ್ಕೆ ಬರೆದ ಕವಿತೆ.

 

ಆ ಬಾಗಿಲೊಳಗೆ

ಯಾರೋ ಕಟ್ಟಿದರು

ಅರಿಯದ ಜಗತ್ತು

ಹೊರಗೆ ಮತ್ತೊಂದು !

 

ಹೊರ ಬರುವ ಧಾವಂತಕೆ ನಾನು

ಒದ್ದಾಟಕೆ ಕದ ತೆರೆದ ಅವ್ವ

ಅಳುತ್ತಿದ್ದೆವು ಆ ಶುಭದಿನ !

ಕರುಳ ಬಳ್ಳಿಗೆ ಕತ್ತರಿ ಸಿಕ್ಕಿಸಿ

ಸ್ವಾಗತವೆಂದು ನಕ್ಕರು ಜನ !

 

ಬೆಳಕು ಬೊಗಸೆ ಬಿಚ್ಚಿದಾಗ

ತೆರದಿದ್ದೇನೆ ಹಣತೆ ಕಣ್ಣು

ಓಡಿಸುತ್ತಾ ಕತ್ತಲು !

ನನಗಿಟ್ಟ ಹೆಸರಿನ ಚೌಕಟ್ಟಿನೊಳಗೆ

ಉರುಳಿದಂತೆ ನನ್ನ ಜಗತ್ತು !

 

ಮೊಲೆ ಹಾಲು ಕಲಿಸಿದ ಹಸಿವಿಗೆ

ನಡೆದು ಎಡವಿ ಓಡಿದ್ದೇನೆ ಬೆವತು

ಬಾಯಾರಿ ಕುಡಿದು ನೀರು

ಚಳಿಯೆಂದು ಬಡಬಡಿಸಿ

ಬಿಸಿಯೇರಿ ತಂಗಾಳಿಗೆ ತೆರೆದು !

 

ಕತ್ತಲೆಯಂತೆ ಬೆತ್ತಲೆ ನಾನು

ಜ್ಞಾನದ ಬೆಳಕಿನ ಭಿಕಾರಿ

ಹೂವಾಗಿ ಮೋಹಕೆ ಅರಳಿ

ಬಿದ್ದ ಬೀಜಕೆ ಬೇರಾಗಿ-

ಕಟ್ಟಿದ್ದೇನೆ ಮನೆ-ಸಂಸಾರ-ಅಧಿಕಾರ

ಸುಕ್ಕು ಕಾಲುವೆಗೆ ಅನುಭವಗಳ ಸುರಿದು !

 

ಈ ಬಾಗಿಲ ಹೊರಗೆ

ನಾನೇ ಕಟ್ಟಿದ ಜಗತ್ತು

ಒಳಗೆ ಗೊತ್ತಿಲ್ಲದ ಮತ್ತೊಂದು !

 

ಈಗ ದಣಿದಿದ್ದೇನೆ…

 

ಹೋಗಲಾರದ ನೋವಿಗೆ ನಾನು

ಹೆಣಭಾರಕೆ ಗರ್ಭ ತೆರೆದ ಮಣ್ಣು

ಮೌನವಾದೆವು ಆ ದುಃಖ್ಖ ದಿನ !

ಮೂರಡಿ ಮಣ್ಣಿಗೆ ಹೂಗಳ ಚೆಲ್ಲಿ

ಶ್ರಾದ್ದವೆಂದು ಕೈತೊಳೆದರು ಜನ !

 

   ]]>

‍ಲೇಖಕರು G

August 30, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಜೀವನದ ಹೊಟ್ಟೆ ತುಂಬಿ

ಜೀವನದ ಹೊಟ್ಟೆ ತುಂಬಿ

ಮಾಲಾ.ಮ.ಅಕ್ಕಿಶೆಟ್ಟಿ ವಿಧ ವಿಧ ಭಕ್ಷ್ಯಗಳು ಸಿಹಿ ಖಾರ ಹುಳಿ ಒಗರು ಈರುಳ್ಳಿ ಬೆಳ್ಳುಳ್ಳಿ ಹುಣಸೆ ಬೆಲ್ಲ  ಎಣ್ಣೆ ಹೆಚ್ಚೋ ಕಡಿಮೆಯೋ ರುಚಿ ಪಾಪಿ...

ಮೋಹ ಇದಿರುಗೊಳ್ಳದ ದಿನ

ಮೋಹ ಇದಿರುಗೊಳ್ಳದ ದಿನ

ಕೆ ಜೆ ಕೊಟ್ರಗೌಡ ತೂಲಹಳ್ಳಿ ಪೋಲಿಯಾಗಿ ಬಿಡಬೇಕುಯಾವ ಶಿಲಾಬಾಲೆಯೂಎದುರುಗೊಳ್ಳದ ಕಾರಣ ಅತೀ ಆಸೆಯ ಹೊಂದಿಯೂಅಮಾಯಕತೆಯಪ್ರದರ್ಶನಕೆಯಾವ...

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

5 ಪ್ರತಿಕ್ರಿಯೆಗಳು

  1. paresh Saraf

    ಒಂದು ಕವಿತೆಯಲ್ಲಿ ಒಬ್ಬ ಮನುಜನ ಜೀವನದ ವರ್ಣನೆ.. ಅಸಾಮಾನ್ಯ ಕವಿತೆ.. ತಲೆ ಬಾಗುವೆ ರವಿಯಣ್ಣ 🙂

    ಪ್ರತಿಕ್ರಿಯೆ
  2. Mohan V Kollegal

    ಹಂತ ಹಂತವಾಗಿ ಪಕ್ವಗೊಂಡು ಬೆಳೆದ ಪ್ರತಿಮೆ… ಒಳ್ಳೆಯ ಕವಿತೆ ರವಿಯಣ್ಣ… 🙂

    ಪ್ರತಿಕ್ರಿಯೆ
  3. Badarinath Palavalli

    ಒಂದು ಜೀವ ಮಾನದ ವೃತ್ತಂತವನ್ನು ಸವಿಸ್ತಾರವಾಗಿ ಕಟ್ಟಿಕೊಟ್ಟಿದ್ದೀರ.
    ಬಾಗಿಲಿನ ಹಿಂದೆ ಇದ್ದ ಭದ್ರತೆ ನಮಗೆ ಬಾಗಿಲಿನ ಹೊರಗೆ ಇರಲಾರದು. ಹೊರಗೆ ಬರೀ ಗುದ್ದಾಟ ಜಗ್ಗಾಟ ಕಾಲು ಎಳೆದಾಟ.
    ನಾನು ಪದೇ ಪದೇ ಓದಿಕೊಳ್ಳಲು ಈ ಕವನವನ್ನು ಸಂಗ್ರಹಿಸಿ ಇಟ್ಟುಕೊಳ್ಳುತ್ತೇನೆ.

    ಪ್ರತಿಕ್ರಿಯೆ
  4. D.RAVI VARMA

    ಹೋಗಲಾರದ ನೋವಿಗೆ ನಾನು
    ಹೆಣಭಾರಕೆ ಗರ್ಭ ತೆರೆದ ಮಣ್ಣು
    ಮೌನವಾದೆವು ಆ ದುಃಖ್ಖ ದಿನ !
    ಮೂರಡಿ ಮಣ್ಣಿಗೆ ಹೂಗಳ ಚೆಲ್ಲಿ
    ಶ್ರಾದ್ದವೆಂದು ಕೈತೊಳೆದರು ಜನ !
    heart touching….

    ಪ್ರತಿಕ್ರಿಯೆ
  5. shanthi k.a.

    ಸರ್,
    ನಿಮ್ಮ ಕವಿತ್ವ ಶಕ್ತಿಗೆ ತಲೆಬಾಗಿ ವಂದಿಸುವೆ.
    ಎಷ್ಟು ಸರಳ…ಎಷ್ಟೊಂದು ಅರ್ಥಪೂರ್ಣ !!!!

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: