ಕರಗಿ ನೀರಾದರೂ ಹರಿಯದ ಕರುಣರಸ – ಅಪ್ಪ

ಅಪ್ಪ

– ನಾ ದಿವಾಕರ್

 

ಮೂರು ದಶಕಗಳಾದವೇ

ಇಹವ ತೊರೆದು

ಮರೆತಿಲ್ಲ ಬಿಡು

ನೆನಪಿನಂಗಳದಲಿ

ಹಸಿರಾಗಿಯೇ ಇದೆ

ಆ ಗಂಭೀರ ನಗೆ

ರಾಜಠೀವಿಯ ನಡಿಗೆ !

 

ಹಿಂದಿರುಗಿ ನೋಡಲೇ

ಇಲ್ಲ ಬದುಕಿದ್ದಾಗಲೂ ;

ಛಲದಂಕನಲ್ಲವೇ !

ಭವಿಷ್ಯದಲಿ ನೆಟ್ಟ ನಿಸ್ಪೃಹ

ದೃಷ್ಟಿ ಕೈಗೂಡಲಿಲ್ಲ

ಧೃತಿಗೆಡಲೂ ಇಲ್ಲ !

 

ಕರಗಿ ನೀರಾದರೂ ಹರಿಯದ

ಕರುಣರಸ ಹೃದಯ

ಕತ್ತಿಯಲುಗಿನ ನಡೆಯೂ

ಮಂದಹಾಸದೊಡನೆಯೇ ?

ಬಂಡೆಗಳಲ್ಲವೇ ಕರುಳಬಳ್ಳಿಗಳು

ಕೈಪಿಡಿಯದಿರೇನು

ನಡೆದೆಯಲ್ಲವೇ ಕೈ ಬೀಸಿ !

 

ಬದುಕಿನ ಹೆಜ್ಜೆಗಳು

ಓಯಸಿಸ್ನಂತೆ

ಕೈಗೆಟುಕಲಿಲ್ಲ

ಮನ ತಣಿಸಲಿಲ್ಲ

ಬೆನ್ನ ಹಿಂದಿನ

ಚಿಲುಮೆ ಕಂಗಳಿಗೆ ದೂರ ;

ಬೆನ್ನೆಲುಬಿಗೆ ಭಾರ

ಸಂಬಂಧಗಳ ಚಿತ್ತಾರ !

 

ಎತ್ತ ಸಾಗಿದರೇನು

ಸುತ್ತ ಕಂದಕಗಳ ಸಂತೆ

ಸಪ್ತಪದಿಯ ನೆನಪುಗಳು

ಅಗ್ನಿಯಂತೆ !

ಗಂಡಗಳನೆದುರಿಸಲು

ಭಂಡೆದೆಯೂ ಬೇಕು

ನಿನ್ನದೇ ಹೆಜ್ಜೆ

ಪಿಂಡದಾನವದೇಕೆ !

 

ಚಿತಾಸ್ಪರ್ಶವೆ ನಿನ್ನಡಿಗೆ

ಸಲ್ಲಿಸಿದ ಸೇವೆ

ಚಿಂತೆಯಿಲ್ಲ ಬಿಡು !

ಮರೆವು ಮನುಜನ ವರ

ಹೇಗೆ ಮರೆವುದು

ನೀ ಅಜರಾಮರ !

ಜೀವತುಂಬಿದ ನೋಟ

ತುಂಬಿದೆ ತನುಮನಗಳ

ಇಂದಿಗೂ

ಎಂದೆಂದಿಗೂ !

 

(ಮೂರು ದಶಕಗಳ ಹಿಂದೆ 17/12/1977ರಂದುಅಗಲಿದ ತಂದೆಯ ನೆನಪಿನಲ್ಲಿ)

 ]]>

‍ಲೇಖಕರು G

June 17, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

ಎಲ್ಲವೂ ಸಾಕು

ಎಲ್ಲವೂ ಸಾಕು

ಸುಮಾ ಕಂಚೀಪಾಲ್ ಎಲ್ಲವೂ ಸಾಕುಈ ಕೆಂಡದ ಮಳೆ ಸುರಿವ ಪ್ರೀತಿಯಗಾಳಿಯಲಿನಾನು, ಅವನ ಸಿಗರೇಟಿನವಾಸನೆ ಇಲ್ಲದಬರಿಯ ಗಾಳಿಗೆ ಜೀವ ಇಲ್ಲಎಂದು ಈಗ...

ನಿರುತ್ತರ

ನಿರುತ್ತರ

ಪ್ರಕಾಶ್ ಬಿ ಬೊಕ್ಕುತಲೆ, ಹಸಿದ ದೇಹ, ಒಣಗಿದ ಗಂಟಲು, ಗಂಟು ಗಂಟಾದ ಕೂದಲು ತ್ರಾಣವಿಲ್ಲದ ಶರೀರ, ಮಳೆ ನಿಂತ ಕಾದ ನೆಲ. ತೆರೆದ ಬಾಯೊಳಗೆ...

3 ಪ್ರತಿಕ್ರಿಯೆಗಳು

  1. Shar

    ಸಪ್ತಪದಿಯ ನೆನಪುಗಳು
    ಅಗ್ನಿಯಂತೆ !
    ಗಂಡಗಳನೆದುರಿಸಲು
    ಭಂಡೆದೆಯೂ ಬೇಕು ” These transcend the frame of the poem and appeal ubiquitiously and eternally.

    ಪ್ರತಿಕ್ರಿಯೆ
  2. D.RAVI VARMA

    ಚಿತಾಸ್ಪರ್ಶವೆ ನಿನ್ನಡಿಗೆ
    ಸಲ್ಲಿಸಿದ ಸೇವೆ
    ಚಿಂತೆಯಿಲ್ಲ ಬಿಡು !
    ಮರೆವು ಮನುಜನ ವರ
    ಹೇಗೆ ಮರೆವುದು
    ನೀ ಅಜರಾಮರ !
    ಜೀವತುಂಬಿದ ನೋಟ
    ತುಂಬಿದೆ ತನುಮನಗಳ
    ಇಂದಿಗೂ
    ಎಂದೆಂದಿಗೂ ಸರ್ ತುಂಬಾ ಅರ್ಥಪೂರ್ಣವಾಗಿದೆ. ಪ್ರತಿಯೊಬ್ಬ ಮಗನು ಒಮ್ಮೆ ತಂದೆ ಯಾಗುವಂತೆ,ಮಗಳು ಒಮ್ಮೆ ತಾಯಿಯಾಗುತ್ತಾಳೆ ,.ಆದರೆ ನಾನು ನನ್ನ ಮಕ್ಕಳಿಗೆ ಅಪ್ಪನಾದದ್ದಕ್ಕು ,ನಮಗೆ ನನ್ನ ಅಪ್ಪ ಅಪ್ಪನಾ ಗಿದ್ದಕ್ಕು ತುಂಬಾ ಅಂತರವಿದೆ. ಈಗ ಇಲ್ಲಿ ಎಲ್ಲವು ಇದೆ,ಆದರೆ ಏನು ಇಲ್ಲವೆನಿಸುತ್ತಿದೆ, ಅಂದು ಏನು ಇರಲಿಲ್ಲ, ಆದರೆ ಅಪ್ಪನಿದ್ದಾನೆ ಎನ್ನುವ ನಿರ್ಭಯ, ಆತ್ಮವಿಸ್ವಾಸ ,ಅನನ್ಯ ಪ್ರೀತಿ, ಒಂದು ಸಣ್ಣ ಭಯ ,ಅನಂತಾನಂತ ಆನಂದ ಎಲ್ಲವು ಇತ್ತು ಅನಿಸುತ್ತಿದೆ. ಆತನನ್ನು, ಆತನ ತ್ಯಾಗವನ್ನು,ಆತನ ಎದೆಗಾರಿಕೆಯನ್ನು ,ಎಲ್ಲರೊಂದಿಗೆ ಬೆರೆತು ಬದುಕಿದ, ಬದುಕು ನನ್ನನ್ನು ನಿರಂತರವಾಗಿ ಕಾಡುತ್ತಲೇ ಇದೆ.
    ರವಿ ವರ್ಮ ಹೊಸಪೇಟೆ !

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: