ಕರಗುತಿದೆ ಕಾಲ…

ಎಸ್ ಪಿ ವಿಜಯಲಕ್ಷ್ಮಿ

ನಿಲ್ಲು ಸಖಿ ಇಂದಾದರೂ ನನ್ನ ಬಳಿಯೇ ತುಸುಕಾಲ
ಮಾತನಾಡೋಣ ಮನಬಿಚ್ಚಿ ಮುಗಿಯಬಹುದು ನಮ್ಮ ಈ ಕಾಲ…

ಯಾವ ಮಿಡಿತಕೆ ಬಂಧ ಬೆಸೆದಿತ್ತು ಅರಿತವರಾರೆ ಸಖಿ
ಬೆಸೆದ ರಾಗದ ಗುನುಗಿಷ್ಟ ಉಳಿಸಿಹುದು ಇನ್ನೂ ಈ ಕಾಲ….

ಮೊಗೆಮೊಗೆದು ಕುಡಿದ ಮಧು ಮರೆತಿಲ್ಲ ನಾನೀನು
ಆದರೂ ಸಖಿ, ಸಾಗರದಾಳ ನಿಲುಕಿಲ್ಲ, ಚಾಟಿ ಬೀಸಿಹುದು ಈ ಕಾಲ…

ನಾ ಹಿಡಿದ ಮಧುಪಾತ್ರೆ , ಅದ ತುಂಬಿದಾ ಬೆರಳ ನಾ ಮರೆತಿಲ್ಲ ಸಖಿ
ಇಂದು ನನ್ನೆದುರು  ಬಟ್ಟಲೂ ಬರಿದಾಗಿ ಅಣಕಿಸಿದೆ ನನ್ನ ಈ ಕಾಲ…

ನಾ ಹೂವ ಹಿಡಿದು ಬಂದೆ ಎನಿತೊಂದು ಬಾರಿ ಓ ನನ್ನ ಸಖಿ
ಭವಸಾಗರದ ಕುದಿಯಲ್ಲಿ ನೀ ಬೇಯುತಿದ್ದೆ, ಸರಿದಿತ್ತು ಸದ್ದಿಲ್ಲದಂತೆ ಈ ಕಾಲ…

ಮರಳದಂಡೆಯಲಂದು  ಸೂರ್ಯಾಸ್ತ ಸಮಯ ಸಖಿ
ಆ ಕೆಂಪು ನಿನ್ನ ಕದಪಿನಲಿತ್ತು ಉಳಿಸಿಲ್ಲ ಇಂದು ನಿರ್ದಯಿ  ಈ ಕಾಲ…

ಬಂಧ ಬೇರಾಗಿಸುವುದು ಅಂತದಾಂತರ್ಯ ಓ ನನ್ನ ಸಖಿ
ಮಿಡಿದ ಗುನುಗ ಎದೆಗೈದು ನುಡಿದುಬಿಡು ಮತ್ತೆ ಮರಳದು ಈ ಕಾಲ…..

ಬಾರೆನ್ನ ಪ್ರೇಮನಿಧಿ ಅರೆಘಳಿಗೆ ಎನ್ನೊಳಗೆ ಭವವ ಮರೆತಂತೆ
ಮುಳ್ಳುಗಳ ತರಿದು ಹುವ್ವೆಸಳ ಹಿಡಿದು ಹಗುರಾಗಿ ಕನಸೋಣ ಈ ಕಾಲ…

‍ಲೇಖಕರು Avadhi

January 18, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

ಕೇಳಿದ್ದೇನೆ..

ಕೇಳಿದ್ದೇನೆ..

ವಿಜಯ ವಾಮನ್ ಕೇಳಿದ್ದೇನೆಊರಲ್ಲಿ ಜನ ಅವಳನ್ನು ಕಣ್ತುಂಬ ತುಂಬಿಕೊಂಡು ನೋಡುತ್ತಾ ರಂತೆಹಾಗಾದರೆ ನಡಿ ಅಲ್ಲಿಗೆ ಎರಡು ದಿನ ಇದ್ದು ನೋಡೋಣಂತೆ....

೧ ಪ್ರತಿಕ್ರಿಯೆ

  1. ವಿಜಯಲಕ್ಷ್ಮಿ

    ಧನ್ಯವಾದಗಳು ಅವಧಿ ನನ್ನ ಗಜಲ್ ಪ್ರಕಟಿಸಿದ್ದಕ್ಕೆ…..

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: