ಕರಾವಳಿಗೆ ಮತ್ತೆ ಗಾಂಧಿ ಬಂದ..

ಚೀ ಜ ರಾಜೀವ

ಪ್ರಿಯ ಗಾಂಧಿ
ನಿನ್ನ ಮಗನಂತಿದ್ದ ದೇಸಾಯಿ

ಕಾರಾಗೃಹದಲ್ಲಿ ಸತ್ತಾಗ ಅಂದು

ಶವದ ಮೆರವಣಿಗೆಗೆ ನಿನ್ನವರು
ಹಾತೊರೆದರು

ಮಗನ ಅಂತಿಮ ಯಾತ್ರೆ

ಮಾಡಿದರೆ ತಪ್ಪೇನು ?

ಜನರಿಗೆ ಓಗೊಟ್ಟು ಒಪ್ಪಿದೆ ನೀನು

ಆದರೆ, ಸತ್ತ ಮಗ ಬರೀ ಮಗನಲ್ಲ

ಸ್ವಾತಂತ್ರ್ಯ ಹೋರಾಟಗಾರನೂ ಆಗಿದ್ದ

ನೆನಪಿಸಿತು ಬ್ರಿಟಿಷ್ ಸರಕಾರ

ಎಚ್ಚೆತ್ತು ನೀ ಹೇಳಿದೆ-

ಮಗನ ಶವ ಮುಂದಿಟ್ಟುಕೊಂಡು

ಸ್ವಾತಂತ್ರ್ಯದ ರಾಜಕೀಯ ಮಾಡಲಾರೆ !

ಪ್ರಿಯ ಗಾಂಧಿ

ನಿನ್ನ ಮೊಮ್ಮಗನಂಥ  ಕಬೀರ

ಕೋಮುವಾದದಲ್ಲಿ ಕರಗಿದಾಗ ಇಂದು

ಶವದ ಯಾತ್ರೆಗೆ ಮುಂದಾದರು ಮತ್ತದೆ  ಜನ

ಮಾಡಿದರೆ ತಪ್ಪೇನು

ನಡೆದರೆ  ಏನಾದೀತು ?

ಕಬೀರನ ಮನೆಯವರೂ ದ್ವಂದ್ವದಲ್ಲಿದ್ದರು

ಎಚ್ಚರಿಸಿತು ಸರಕಾರ-

ಕಬೀರ್ ಬರೀ ಕಬೀರ್ ಅಲ್ಲ

ನೆನಪಿಸಿತು ವಾತಾವರಣದ ಮತಾಂಧತೆಯ

ಎಚ್ಚೆತ್ತ ಕಬೀರನ ಕುಟುಂಬ ಘೋಷಿಸಿತು

ಶವ ಮುಂದಿಟ್ಟುಕೊಂಡು
ಕೋಮು ರಾಜಕೀಯ ಮಾಡಲಾರೆವು !

ಪ್ರಿಯ ಗಾಂಧಿ,

ಯಾರು ಹೇಳಿದರು ನೀ ಇಲ್ಲವೆಂದು?

ಕಬೀರನ ಮನೆಯವರ ಘೋಷಣೆಯಲ್ಲಿ ನೀನಿದ್ದೆ

ಮಗನ ಸಾವಿಗೆ ಪ್ರತೀಕಾರ ಸಲ್ಲದು
ಎಂಬ ಕುಟುಂಬ ಕಳಕಳಿಯಲ್ಲೂ ನೀನಿದ್ದೆ
ಹೆಣದೊಂದಿಗೆ ರಾಜಕೀಯ ಮಾಡಬಾರದು

ಎಂಬ ವಿವೇಕ ನಿನ್ನದೇ ಅಲ್ಲವೇ  ?

ಕಡೆಗೆ,

ಒಂದು ಕಣ್ಣಿಗೆ ಮತ್ತೊಂದು ಕಣ್ಣೇ

ಎಂಬ  ಪಶ್ಚಾತ್ತಾಪದ
ಸೊಲ್ಲಿನಲ್ಲೂ ನೀನೇ ಇದ್ದೆ !

ಅಂದು-ಇಂದು-ಎಂದೆಂದೂ

ನೀ ಇರುವೆ ಕಬೀರರ ನಡುವೆ

‍ಲೇಖಕರು avadhi

October 4, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಚೆಗೆವಾರ

ಚೆಗೆವಾರ

ಪಿ ಆರ್ ವೆಂಕಟೇಶ್ ನಿಜವೆಂದು ನಂಬಿಸಿದ ನಿಜಗಳೆದೆಯನು ಸೀಳಿಕೆಂಡದುಂಡೆಯಮೇಲೆ ಎದ್ದು ನಿಂತವನೆ ಹೆಗಲ ಮೇಲೆ ಕೋವಿ ಎದೆಯೊಳಗೆ ಗುಲಾಬಿದೂರಗಳ...

ಖಲೀಲ್ ಗಿಬ್ರಾನ್ ಕವಿತೆ ‘The Poet’

ಖಲೀಲ್ ಗಿಬ್ರಾನ್ ಕವಿತೆ ‘The Poet’

ಮೂಲ ಆಂಗ್ಲ ಲೇಖಕರು: ಖಲೀಲ್‌ ಗಿಬ್ರಾನ್ ಕನ್ನಡಕ್ಕೆ -ಚೈತ್ರಾ ಶಿವಯೋಗಿಮಠ ಕವಿ ಇವನು, ಭೂತ - ಭವಿತವ್ಯದನಡುವಿನ ಕೊಂಡಿಜಗದ ಪ್ರತಿ...

ಮಗುವಂತೆ ಕವಿತೆ..

ಮಗುವಂತೆ ಕವಿತೆ..

ಡಾ.ಗೋವಿಂದ ಹೆಗಡೆ ಮಗುವಂತೆ ಕವಿತೆ ಕವಿತೆಗಳಲ್ಲಿ ಕೆಲವುಜುಳುಜುಳು ಹರಿವ ನದಿಇಕ್ಕೆಲದ ದಡವ ತಟ್ಟುತ್ತ ತಬ್ಬುತ್ತಇನ್ನು ಕೆಲವು ಜೋರಾಗಿಸುರಿವ...

೧ ಪ್ರತಿಕ್ರಿಯೆ

  1. Narasimha Murthy R

    ಭಾವಪೂಣ೯, ಅಥ೯ಪೂಣ೯ ಕವಿತೆ. ಧನ್ಯವಾದಗಳು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: