ಕಲ್ಲು ವೀಣೆಯ ಕರಗಿಸಿ ಕಟೆದಿದ್ದವಳು…

ಉಗಿ ಓಘ

– ನರೇಶ್ ಮಯ್ಯ

  ಅಲೆದಾಡಿ ಸೆಲೆಸಿಗದೆ ದೌಡುತಿತ್ತು ಎದೆ ಬುರುಜಿನ ಹಳಿಯ ಮೇಲೆ ಹಸಿದು ಹರುಕಾಗಿದ್ದ ಹುಚ್ಚು ಉಗಿಬಂಡಿ. ಬೋಗಿ ಬೋಗಿಯಲ್ಲೂ ಬೂದಿಯಾದ ಭೋಗಗಳನ್ನೊತ್ತು ಹೊರಟಿದ್ದ ಆ ಸಾವಿರ ಷಟ್ಚಕ್ರ ಸೌಧಕ್ಕೆ ಅರಿವಿನರಮನೆಯ ದಾರಿ ಸಾಗಿದ್ದು ಸೋಕಲೇ ಇಲ್ಲ. ಆದರವಳಿಗರಿವಿತ್ತು ಸತ್ಯ ಹಳಸಿದ ಆಕಾಶದ ಪೊರೆಯಿಂದ ಜಿನುಗಿದ್ದ ನೆತ್ತರು ದೇಹ ಕಾಣದೆ ಚೆಲ್ಲಿಕೊಂಡಿತ್ತು ಚೆಲ್ಲಾಪಿಲ್ಲಿ . ಓಟದ ಓಘಕ್ಕೋ, ಪಥ ಸರಿದ ಸುಸ್ತಿಗೋ ಎಂಜಿನ್ನ ತುಂಬ ಒಸರಿತ್ತು ಕಂಡೇ ಕಾರಿಕೊಂಡ ಲೋಳೆಯ ಕೊಳ. ಓಟ ಸಾಗಿತ್ತು ಜುಗು ಜುಗು ಜುಗು ಜುಗು ಮೈಲು ಮೈಲು ಗಾವುದ ಸರಿದರೂ ಹಸಿವು ತಣಿಯಲಿಲ್ಲ, ಕರಿಮೋಡವಾಗಿ ಅಡರಿತ್ತು ಉಗಿ ಸುಟ್ಟ ಉಸಿರು. ನಿರಂತರ ಸಹಿಸಿದ್ದಳು ಆಕೆ. ಅಂಬೋ ಎಂದು ಬಾಯಾರಿ ಬಿರುಕಿದ್ದ ಭುವಿಯಲ್ಲಿ ಚಿಗುರಿತ್ತು ಸಯನೈಡು ಸೋಗೆ. ಹೊಂಗೆ ಟೊಂಗೆಗಳೆಲ್ಲ ಭಂಗ ಭಂಗುರವಾದದ್ದೇ ಸರಿಹೋಯ್ತು ಆ ದಾರಿಗೆ; ಸಂಕ ಸುಂಕಗಳಿಗೆ ಇಟ್ಟಾಗಿತ್ತು ಪಿಂಡ. ಎದೆಯೊಳಗಿನ ಸದ್ದು ಶೃತಿಸುತ್ತಿತ್ತು ಅವಳ ಆಲಾಪನೆಯನ್ನು; ಆಕೆ ನುಡಿಯಲೊಲ್ಲಳು. ಕಲ್ಲು ವೀಣೆಯ ಕರಗಿಸಿ ಕಟೆದಿದ್ದವಳು ಅರಳದೇ ಅಳುಕಿದ್ದಳು. ಹಳಿಯಾನದ ಆಚೆ ಅವಳೆಲ್ಲೋ ಮೋಹಿಸುತಿದ್ದಳು ಮೌನವಾಗಿ. ಆ ಕಠೋರ ಮೌನದ ಕಾವಿಗೆ ಬಂಡಿಯ ಇದ್ದಿಲು ಭುಗ್ ಎಂದು ಹತ್ತಿ ಉರಿಯುತ್ತಲೂ ಓಟದ ಓಘ ಇಮ್ಮಡಿಸುತ್ತಲೂ ಹಸಿವ ಹೂಂಕಾರ ಹಾರಿ ಹಾರಿ ಏರುತಿತ್ತು, ಮೋಹದ ಯಾತ್ರೆ ಸಾಗುತ್ತಲೇ ಇತ್ತು. ಇಷ್ಟಾದರೂ ಅಂಬರದೆತ್ತರಕ್ಕೆ ನಿಂತಿದ್ದಳವಳು ಧೀರಳಾಗಿ. ದಾಹಕ್ಕೆ ನಿಲುಕದ ಸೆಲೆಯಾಗಿ.  ]]>

‍ಲೇಖಕರು G

August 29, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

ಮುಸ್ಸಂಜೆ

ಮುಸ್ಸಂಜೆ

ಜಿತೇಂದ್ರ ಬೇದೂರು ೧ ಮುಸ್ಸಂಜೆ ಯೌವ್ವನದ ಕ್ಷಣದಲ್ಲಿ ಎಷ್ಟೊಂದು ಉರಿದಿದ್ದಸೂರ್ಯ, ಈಗೇಕೋ ತಣ್ಣಗಾಗಿ ಹೋದ.ಯಾರು ಸರಿಸಿದರೋ ಏನೋಪಡುವಣ ಅಂಚ...

ಮಗಳು ಪೃಥೆ

ಮಗಳು ಪೃಥೆ

ಸುನೀತಾ ಬೆಟ್ಕೇರೂರ್ ಇವಳು ನಮ್ಮ ಮಗಳು,ಪೃಥೆ.ಕಂಕುಳಲ್ಲಿದ್ದಳು,ನೆಲಕಿಳಿದಳುಬೆರಳನ್ಹಿಡಿದು ಹೆಜ್ಜೆಯಿಟ್ಟಳುಈಗೋ------ ಈಗೋಅನ್ನುವಲ್ಲಿ...

೧ ಪ್ರತಿಕ್ರಿಯೆ

  1. Nataraju S M

    ಕನಕಪುರದಲ್ಲಿ ಕವಿಗಳು ತುಂಬಾ ವಿರಳ ಎನ್ನಬಹುದು.. ಚಂದದ ಕವಿ ನಾಗೇಶ್ ಮಯ್ಯ ನವರು ನಮ್ಮ ಕನಕಪುರದ ಕವಿಗಳು ಎನ್ನಲು ಹೆಮ್ಮೆ ಎನಿಸುತ್ತಿದೆ.. ಅವರ ಕಾವ್ಯ ಕೃಷಿ ಹೀಗೆಯೇ ಮುಂದುವರೆಯಲಿ.. ಶುಭವಾಗಲಿ..

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: