ಕವಿತೆಗಳ ಜೊತೆಗೆ ಚೇತನಾ

chetana2.jpg

 

 

 

 

——————————–

ವಧಿ ಬಳಗದ ಲೇಖಕಿ ಚೇತನಾ ತೀರ್ಥಹಳ್ಳಿ, ತಾವು ಬರೆದ ಒಂದಿಷ್ಟು ಕವಿತೆಗಳನ್ನು ಒಟ್ಟಿಗೆ ಹಿಡಿದು ನಿಂತಿದ್ದಾರೆ. ಸುಮಾರು ಮೂವತ್ತು ಕವಿತೆಗಳ ಪುಟ್ಟ ಸಂಕಲನ ಹೊರಬಂದಿದೆ. “ಉಫೀಟ್” ಎಂದು ಹೆಸರಿಟ್ಟಿದ್ದಾರೆ. ಚೇತನಾ ಲೇಖನಗಳನ್ನು ಓದಿ ಗೊತ್ತಿರುವವರಿಗೆ ಇಲ್ಲೂ ಅದೇ ಮೊನಚು, ಕಾವ್ಯಗುಣ, ಅದೆಲ್ಲಕ್ಕಿಂತ ಹೆಚ್ಚಾಗಿ ಹೆಣ್ಣೊಬ್ಬಳ ಚರಿತ್ರೆಯಾಳದ ಕನಸು ಮತ್ತು ಸಂಕಟಗಳು ಕಂಡಾವು. ಪುಸ್ತಕದ ಕುರಿತು ಹೆಚ್ಚಿನ ವಿವರಗಳಿಗೆ ದಯವಿಟ್ಟು ಬುಕ್ ಬಝಾರ್ ನೋಡಿ. ಸದ್ಯಕ್ಕೆ ಚೇತನಾ ಅವರ ಸಂಕಲನದ ಕವಿತೆಯೊಂದನ್ನು ಗಮನಿಸಿ.

———————————

chetana_coverone.jpg 

 

 

 

 

ಉಫೀಟ್!!

ಫೀಟ್!
ತಪ್ಪಿದಾಟಕ್ಕೆ ಮಾಫಿಯುಂಟು
ಮತ್ತೆ ಹೊಸತು ಶುರು.

ಚೌಕ ಚೌಕ
ಹೀಗೆ ಪಕ್ಕ ಪಕ್ಕ
ಎಷ್ಟೊಂದು ಮನೆ!

ಪ್ರತಿ ಮನೆಯ
ಚೌಕಟ್ಟು ಮೀರಬೇಕು
ಗೆರೆ ಹಾರಬೇಕು
ಚಪ್ಪೆ ಚಿಮ್ಮಿಸಿ ಒದೆಯಬೇಕು!

ಬಲಗಾಲಿಟ್ಟು
ಆಟ ಶುರು.

ಬಲಗಾಲಿಟ್ಟೇ
ಆಟ ಶುರು
ಇಲ್ಲೂ…

ಸೇರಕ್ಕಿ ಒದೆಯಬೇಕು
ಹೊಸಿಲು ದಾಟಬೇಕು
ಚೌಕಟ್ಟಲ್ಲಿ ನಿಲ್ಲಬೇಕು
ಬಾಗಿಲೊಳಗೆ.

ಎಲ್ಲೋ ಆಟ ತಪ್ಪಿತು…
ಉಫೀಟ್!!

ಹೆಜ್ಜೆ ತಪ್ಪಿಗೆ ಮಾಫಿಯಿಲ್ಲ,
ಮದುವೆಯೇನು ಆಟವೇ?
ಹೊಸ ಬಾಳಿಗೆ ಜಾಗವಿಲ್ಲ.

ಹನ್ನೆರಡು ಮನೆ
ಕುಂಟೋಪಿಲ್ಲೆಯ ಹುಡುಗಿ
ಹಿತ್ತಿಲಲ್ಲಿ ಕುಂಟುತ್ತಿದ್ದಾಳೆ,
ಆಟ ಸೋತಿದ್ದಾಳೆ.

‍ಲೇಖಕರು avadhi

November 17, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

6 ಪ್ರತಿಕ್ರಿಯೆಗಳು

  1. Vikram Hathwar

    ಚೇತನರ ಸಾಲುಗಳಲ್ಲಿ ಗಂಡಸು ಎನಿಸಿಕೊಂಡವರ ಎದೆ ಬಗೆಯಬಲ್ಲ ಭೀಮಶಕ್ತಿ ಇದೆ.

    ಪ್ರತಿಕ್ರಿಯೆ
  2. jogi

    ವಿಜಿ,
    ನನಗೆ ಅರ್ಜೆಂಟಾಗಿ ಚೇತನಾ ಕವನ ಸಂಕಲನ ಬೇಕು. ಎಲ್ಲಿ ಸಿಗುತ್ತದೆ. ಕುತೂಹಲದಿಂದಿದ್ದೇನೆ. ವಿವರ ಕೊಡಿ, ಪ್ಲೀಸ್.
    ಜೋಗಿ

    ಪ್ರತಿಕ್ರಿಯೆ
  3. Tina

    ಚೇತನಾ
    congrats ಕಣೆ! ಬಹಳ ಖುಶಿ ಆಯಿತು. ಸಂಕಲನದ ಹೆಸರು ಚೆನ್ನಾಗಿದೆ.

    ಟೀನಾ

    ಪ್ರತಿಕ್ರಿಯೆ
  4. prasad

    its good ಚೇತನಾ ಚೆನ್ನಾಗಿದೆ ಖುಶಿ ಆಯಿತು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: