ಕವಿತೆಗೆ ಎಷ್ಟೊಂದು ನಾಲಿಗೆ…

ನಾಗರೇಖಾ ಗಾಂವಕರ

ಬರೆಯುತ್ತಲೇ ಹೋದ
ದಿನಕ್ಕೊಂದು ಕವಿತೆ
ಗಳಿ ಬೆದಕಿ ಕುಟುಕಿ ಹಲವು ಮನಸ್ಸುಗಳ,
ಕೊಂಕಿನ ಕುಟುಕಿನ ಕುಠಾರ ಪಿ
ಕಾಸುಗಳ ಹಿಡಿದು.

ಶಬ್ದಗಳ ಗದ್ದುಗೆ ಹಿಡಿದ ಅನು
ನಾಯಿಗಳ ದೊಡ್ಡ ದಂಡನ್ನು
ಕಟ್ಟಿ, ಸಜ್ಜನರೆನ್ನುತ್ತಾ ಸ್ವ
ಜನ ಪಕ್ಷಪಾತದ ಎಂಟೆನಾದಲ್ಲಿ
ಪ್ರಸಾರವಾದುದೆಲ್ಲ ಅವರದೇ ಆ
ಲಾಪ ಪ್ರಲಾಪ

ಜನ ಮನವ ಅರಿಯಲಾಗದ
ಕವಿ ಹೆಣೆದ ಭಾವಗಳ
ಕಾಗದ ಛಾಪಿಸುವ ಯಂತ್ರದಂತೆ
ನಿನ್ನೆ ಇಂದು ನಾಳೆ
ಬೆಳೆಯುತ್ತಲೇ ಹೋದವು
ಬರಡು ಬೆಳೆ

ಬರೆದು ಬೆಳೆಯುವ ಮನದ
ಮೂಲೆಯೊಳಗೊಂದು ಸ್ವಾರ್ಥದ ಎಳೆ
ಹಂಗಿಸುವ ಭಂಗಿಸಿ ಖುಷಿ ಪಡುವ
ವೈಚಾರಿಕತೆಯ ವಿಚಿತ್ರ ಕೊಳೆ

ಮತ್ಸರದ ಮಹಲಿನ
ಏರು ಪಲ್ಲಂಗದಲ್ಲೇ ಓಲಾಡುತ್ತಾ,
ಕೈಯಲ್ಲಿ ಕುಯ್ಯುವ, ಕೊರೆಯುವ,
ಕತ್ತಿ ಹಿಡಿದು,
ನಾಲಿಗೆಯಲ್ಲಿ ನಯ ನಾಜೂಕಿನ
ಸದ್ಗುಣಗಳ ಪಠಣ.

ನಾಲಿಗೆಯ ಉದ್ದ ಬಿಡುವುದು
ಸಮಯಕ್ಕೆ ಸರಿಯಾಗಿ ಒಳಗೆಳೆದುಕೊಳ್ಳುವುದು
ಎಲ್ಲೆಲ್ಲಿ ಯಾವಾಗ ಹೇಗೆ ಬಳಸುವುದು
ಪಾಪ! ಹಾವಿಗೆ ಮಾತ್ರ ಗೊತ್ತು.
ಅದಕ್ಕಿರುವುದು ಎರಡೇ ನಾಲಿಗೆ.
ಆದರೆ…
ದಿನಕ್ಕೊಂದು ಕವಿತೆಗೆ ಎಷ್ಟೊಂದು ನಾಲಿಗೆ

‍ಲೇಖಕರು Avadhi

December 13, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಜಗವನುದರದಿ ಧರಿಸಿದವಳು..

ಜಗವನುದರದಿ ಧರಿಸಿದವಳು..

ಸುಮಾ ಕಂಚೀಪಾಲ್ ಅವನದೊಂದು ಕುಡಿಹೊಟ್ಟೆಯ ಹೊಕ್ಕುಇಂಚಿಂಚಾಗಿ ಹಿಗ್ಗುತ್ತಿತ್ತು. ನಿಂತರೆ ನೆಲಕಾಣದಷ್ಟುಹಗಲು ರಾತ್ರಿಗಳುಕಳೆಯುತ್ತಿತ್ತು. ಅವಳ...

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವು

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವು

ಎಚ್ ಆರ್ ರಮೇಶ ಉದುರಬೇಕು, ಉದುರುತ್ತದೆ;ಕಾಯಬೇಕು ಕಾಯದೆ,ಅಳಿವಿಲ್ಲದೆ ಉಳಿವಿಲ್ಲ,ಜೀವಕ್ಕೆ ಗೊತ್ತಿರುವುದೇ ಇದು,...

೧ ಪ್ರತಿಕ್ರಿಯೆ

  1. ಅಳಗುಂಡಿ ಅಂದಾನಯ್ಯ

    ನಾಗರೆಖಾ ಗಾಂವಕರ ಅವರ ‘ಕವಿತೆಗೆ ಎಷ್ಟೊಂದು ನಾಲಿಗೆ’ ಸಹಜವಾಗಿ ಹೊರಳಾಡುತ್ತಾ ಆಳವಾಗಿ ಇಳಿದು
    ಅನೇಕ ಸಂಗತಿಯ ಒಳಗೊಳ್ಳುತ್ತದೆ.
    ಖುಷಿ ಎನಿಸುತ್ತದೆ. ಅಭಿನಂದನೆಗಳು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: