ಕವಿತೆಯ ಸಾಲುಗಳನ್ನು ಬೊಗಳುತ್ತಿರುತ್ತದೆ..

ಅಲೆಮಾರಿ‘ ಬರಹಗಳು ಇಷ್ಟವಾಗುವುದು ಎರಡು ಕಾರಣಕ್ಕೆ. ಮೊದಲನೆಯದು ಅವರಿಗೆ ಸರಿಯಾದದ್ದನ್ನು ಗುರುತಿಸುವ ಕಣ್ಣಿದೆ ಎರಡನೆಯದಾಗಿ ಹಾಗೆ ಗುರುತಿಸಿದ್ದನ್ನು ಇದು ಕನ್ನಡದಲ್ಲೆ ಹುಟ್ಟಿದ ಕವಿತೆಯೇನೋ ಎಂಬಂತೆ ಕಟ್ಟಿಕೊಡಬಲ್ಲ ಶಕ್ತಿ ಇದೆ. ಈ ಎರಡೂ ಗುಣಗಳಿಗೆ ನಮೋ ಎನ್ನುತ್ತಾ ನಮ್ಮೆಲ್ಲರ ಪ್ರೀತಿಯ ಅಮೃತಾ ಪ್ರೀತಂ ಅವರ ಕವನಗಳನ್ನು ಮುಂದಿಡುತ್ತಿದ್ದೇವೆ-
 
ಪುಟ್ಟ ಗುಡಿಸಲು ನನ್ನದು 
ಎಲ್ಲಿ ಹಾಸಲಿ ಹೇಳು ಚಾಪೆ?
ನಿನ್ನ ನೆನಪಿನ ಕಿಡಿಯೊಂದು
ಅತಿಥಿಯಾಗಿ ನನ್ನ ಮನೆಗೆ ಬಂದಿದೆ..
******
 
ಬಾನೆಂಬ ಪವಿತ್ರ ಜಾಡಿ
ಮೋಡವೆಂಬ ಜಾಮನೆತ್ತಿ
ಬೆಳದಿಂಗಳ ಗುಟುಕು ಕುಡಿದಿದ್ದೇನೆ,
ಧರ್ಮನಿಂದೆಯ ಮಾತಾಡಿದ್ದೇನೆ..
****
ನನ್ನೊಳಗಿನ ಕಿಚ್ಚೆ, ಅಭಿನಂದನೆ,
ಸೂರ್ಯನಿಂದು ನನ್ನಲ್ಲಿಗೆ ಬಂದಿಹನು,
ಇದ್ದಿಲ ತುಂಡೊಂದನ್ನು ಕೇಳಿ
ತನ್ನ ಕಿಚ್ಚನ್ನು ಹೆಚ್ಚಿಸಿಕೊಂಡಿಹನು.
*********
ಏನಾಗಿದೆಯೋ ದೇವರೆ ಈ ರಾತ್ರಿಗಳಿಗೆ
ಕತ್ತಲಲ್ಲಿ ಓಡುತ್ತ, ಓಡುತ್ತ
ಮಲಗಿದ ಮಿಂಚು ಹುಳುಗಳ ಹಿಡಿಯುತ್ತಿವೆ..
 
ಅಕ್ಕ ಸಾಲಿ ಉಂಗುರ ಸಿದ್ಧ ಮಾಡಿದ್ದಾನೆ,
ನನ್ನ ವಿಧಿ ಅದರೊಳಗೆ
ನೋವಿನ ಮುತ್ತೊಂದ ಕೂರಿಸುತಿದೆ..
 
ಜಗತ್ತು ನೇಣುಗಂಬ ನೆಟ್ಟಿದೆ ಈಗ
ಗೆದ್ದ ಪ್ರತಿಯೊಬ್ಬನ ಕಂಗಳು
ತಮ್ಮ ಹಣೆ ಬರಹ ಓದಲಾರಂಭಿಸಿವೆ..
**********

 
ಮಸಲತ್ತು..
ರಾತ್ರಿ ತೂಕಡಿಸುತ್ತಿದೆ…
ಯಾರೋ ಮಾನವನ ಎದೆಗೆ ಕನ್ನಹಾಕಿದ್ದಾರೆ.
ಎಲ್ಲಾ ಕಳ್ಳತನಗಳಿಗಿಂತ
ಭಯಂಕರವೀ ಕಳವು.
 
ಎಲ್ಲ ದೇಶಗಳ, ಎಲ್ಲ ಶಹರಗಳ
ಪ್ರತಿ ರಸ್ತೆಯ ಮೇಲೆ ಇದೆ
ಕಳ್ಳರ ಗುರುತು.
ಯಾವ ಕಣ್ಣು ನೋಡುವುದಿಲ್ಲ,ಬೆರಗಾಗುವುದಿಲ್ಲ.
ಸರಪಳಿಗೆ ಬಿಗಿದ ನಾಯಿಯಂತೆ
ಯಾವಾಗಲೋ ಒಮ್ಮೆ
ಯಾರದೋ ಕವಿತೆಯ ಸಾಲುಗಳನ್ನು
ಬೊಗಳುತ್ತಿರುತ್ತದೆ..

‍ಲೇಖಕರು avadhi

September 19, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಜೀವನದ ಹೊಟ್ಟೆ ತುಂಬಿ

ಜೀವನದ ಹೊಟ್ಟೆ ತುಂಬಿ

ಮಾಲಾ.ಮ.ಅಕ್ಕಿಶೆಟ್ಟಿ ವಿಧ ವಿಧ ಭಕ್ಷ್ಯಗಳು ಸಿಹಿ ಖಾರ ಹುಳಿ ಒಗರು ಈರುಳ್ಳಿ ಬೆಳ್ಳುಳ್ಳಿ ಹುಣಸೆ ಬೆಲ್ಲ  ಎಣ್ಣೆ ಹೆಚ್ಚೋ ಕಡಿಮೆಯೋ ರುಚಿ ಪಾಪಿ...

ಮೋಹ ಇದಿರುಗೊಳ್ಳದ ದಿನ

ಮೋಹ ಇದಿರುಗೊಳ್ಳದ ದಿನ

ಕೆ ಜೆ ಕೊಟ್ರಗೌಡ ತೂಲಹಳ್ಳಿ ಪೋಲಿಯಾಗಿ ಬಿಡಬೇಕುಯಾವ ಶಿಲಾಬಾಲೆಯೂಎದುರುಗೊಳ್ಳದ ಕಾರಣ ಅತೀ ಆಸೆಯ ಹೊಂದಿಯೂಅಮಾಯಕತೆಯಪ್ರದರ್ಶನಕೆಯಾವ...

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

೧ ಪ್ರತಿಕ್ರಿಯೆ

  1. sudhanva

    ಇದಕ್ಕಿಂತ ಚೆನ್ನಾಗಿ ಬರೆಯುವುದು ಬಹಳ ಕಷ್ಟ ! ಥ್ಯಾಂಕ್ಯು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: