ಕವಿತೆ ಮಾತಾಡಬೇಕು, ಮಾತಿನಲಿರುವ ಮೌನದಂತೆ

ಇಷ್ಟಕ್ಕೂ ಈ ಹಾಳಾದ ಕವಿತೆ ಎಂದರೇನು?

– ಕೇಶವ ಕುಲಕರ್ಣಿ

ಕಲಸುಮೇಲೋಗರ

ಕವಿತೆ ಸರಳವಾಗಿರಬೇಕು

ಮಗುವಿನ ಮಾತಿನಂತೆ

ಒಳಗೊಂದು ಅರ್ಥ

ಹೊರಗೊಂದು ಅರ್ಥ

ವಿಲ್ಲದಂತೆ

ಎಂದರಾಯಿತೇ?

 

ಕವಿತೆ

ಒಂದಿಂಚು ಮೇಕಪ್ಪು ಬಡಿದುಕೊಂಡು

ಘಮಘಮ ಸೆಂಟು

ಬಡಿದುಕೊಂಡು

ವಯ್ಯಾರಿಯಂತಿರಬೇಕೇ ಬೇಡವೇ

ಎಂದು ಗಂಟೆಗಟ್ಟಲೇ

ಚರ್ಚಿಸಬಹುದು

 

ಕವಿತೆ ಇರಬೇಕು

ಮಗುವಿನ ನಗೆಯಂತೆ

ಹುಣ್ಣಿಮೆಯ ಚಂದಿರನಂತೆ

ಮುಂಜಾನೆಯ ಮಂಜಿನಂತೆ

ಹುಚ್ಚು ಹೊಳೆಯಂತೆ

ಅಂತೆಲ್ಲ ಕ್ಲೀಷೆಯಾಗಿ

ಹೇಸಿಗೆ ಮಾಡಿಬಿಡಬಹುದು

ಕವಿತೆ ಮಾತಾಡಬೇಕು

ಮಾತಿನಲಿರುವ ಮೌನದಂತೆ

ಎಂದು ಒಗಟು ಮಾಡಬಹುದು

 

ಕವಿತೆ ಸ್ವತಂತ್ರವಾಗಿರಬೇಕು

ನೊಂದವರ ದನಿಯಾಗಬೇಕು

ಬೆಂದವರ ಕೊರಳಾಗಬೇಕು

ಮೌನಕ್ಕೆ ಶಬ್ದಕೊಡಬೇಕು

ಎಂದೆಲ್ಲ ಭಾಷಣ ಮಾಡಲು ಚಂದ

 

ಕವಿತೇ,

ಕವಿಯುವ ಸಮಯದಲ್ಲಿ

ನೀನೇಕೆ ಕವಿಯದೇ ಕೂತೆ?

ಎಂದರೆ ನಾಕುಜನ ನಕ್ಕು

ತಲೆ ಅಲ್ಲಾಡಿಸಿಯಾರು

 

’ಕವಿತೆ ಎಂದರೆ ಪದಗಳಲ್ಲವೋ

ಭವಿಸಿ ಸಾಯುವ ಕ್ಷರಗಳಲ್ಲವೋ

ಸವಿಸಿ ಸೇವಿಸಿ ಮನವ ತಣಿಸುವ ಕುಣಿವ ಸಾಲುಗಳೋ’

ವ್ಯಾಕರಣ ಪಂಡಿತರು ತಪ್ಪು ಹುಡುಕಿಯಾರು, ಹುಷಾರು!

 

ಅಷ್ಟಕ್ಕೂ ಈ ಹಾಳಾದ ಕವಿತೆ ಎಂದರೇನು?

ಇದಲ್ಲ ಎಂದು ಧಾರಾಳವಾಗಿ ಹೇಳಿಬಿಡಬಹುದು.

]]>

‍ಲೇಖಕರು G

July 22, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ  ಸಂಜೆ ಅಣಿಯಾಗುತ್ತಿದೆ ಪ್ರಜ್ಞಾಹೀನವಾಗಲು, ಸೂರ್ಯ  ಸಾಯುತ್ತಿರುವುದನ್ನು ಸಾಯುತ್ತಿರುವ ಎಲ್ಲವೂ ನೋಡುತ್ತಿವೆ;...

ನಾ ಎಂದೂ ದ್ವೇಷಿಸದ ಅವಳು..

ನಾ ಎಂದೂ ದ್ವೇಷಿಸದ ಅವಳು..

ಇಮ್ತಿಯಾಜ್ ಶಿರಸಂಗಿ  ಅವಳಸಾಗರದಂತಹವಿಶಾಲ ಹೃದಯದಲ್ಲಿನನ್ನ ಮೇಲಿನ ಕೋಪವೆಂಬ ವಾಯುಭಾರ ಕುಸಿತವಾದದಿನ, ನನ್ನ ಬಾಳ ಸುಡುಬಿಸಿಲ...

ಭೂತಕಾಲದ ಗುಳಿಕೆನ್ನೆ

ಭೂತಕಾಲದ ಗುಳಿಕೆನ್ನೆ

ರಾಘವೇಂದ್ರ ದೇಶಪಾಂಡೆ ಹುಡುಕುವೆ ನನ್ನನು ಅವರಿವರಲ್ಲಿಸಿಗಬಹುದು ಹೂವಿನ ಗುಚ್ಛಬರುವದೋ...! ನೆನಪುಉಕ್ಕಿ ಹರಿಯುವದು ಸಾಗರ ಅಕ್ಷಿಯಂಗಳದಲಿ...

3 ಪ್ರತಿಕ್ರಿಯೆಗಳು

  1. jogi

    ಪದ್ಯ ಚೆನ್ನಾಗಿದೆ. ಆದರೆ ಸಾಲುಸಾಲುಗಳ ನಡುವೆ ಅಂತರವಿದ್ದರೆ ಓದೋದು ಹಿಂಸೆ. ಕವಿತೆಯ ಪರಿಣಾಮಕ್ಕೂ ತೊಂದರೆ ಆಗುತ್ತದೆ. ಹೀಗಾಗಿ ಎರಡು ಸಾಲುಗಳ ನಡುವೆ ಅಷ್ಟೊಂದು ಅಂತರ ಬಿಡಬೇಡಿ. ಕೇಶವ್ ಚೆನ್ನಾಗಿದೆ ಪದ್ಯ, ವಾವು ವರ್ಡಿಗೆ ಕಾಪಿ ಮಾಡಿಕೊಂಡು ಓದಿದೆ.
    ಜೋಗಿ

    ಪ್ರತಿಕ್ರಿಯೆ
  2. ರವಿ ಮೂರ್ನಾಡು, ಕ್ಯಾಮರೂನ್

    ಕವಿತೆ ಎಂದರೇನು ಅನ್ನೋದು ಸರಿ. ಅದಕ್ಕೆ ಉತ್ತರವೂ ಈ ಕವಿತೆಯಲ್ಲೇ ಇದೆ.
    ಈ ಹಾಳಾದ ಕವಿತೆ ಅಂತ ಹೇಳಿದ್ದು ಸರಿಯಲ್ಲ. ಹಾಗಂತ ಹೇಳಿ ಪ್ರಕಟಿಸಿ ಓದುಗರನ್ನು ಕೆಣಕುವ ಅಗತ್ಯವಿಲ್ಲ. ಇದಕ್ಕಾಗಿ ಈ ಒಕ್ಕಣೆ ತೆಗೆದು ಹಾಕಿದ್ದರೆ, ಈ ಕವಿತೆ ಮಾತಾಡುತ್ತದೆ ಮತ್ತು ಮಾತಿನಲ್ಲಿರುವ ಮೌನದಂತೆ ಎದೆಗೆ ನುಗ್ಗುತ್ತದೆ. ಪ್ರಕಟಿಸುವಾಗ ವಿಶಾಲತೆ ಬೇಕು ಅನ್ನುವುದು ಕೂಡ ಕವಿತೆಯ ಗಾಂಭೀರ್ಯತೆಯ ಪ್ರಶ್ನೆ.

    ಪ್ರತಿಕ್ರಿಯೆ

ಇದಕ್ಕೆ ಪ್ರತಿಕ್ರಿಯೆ ನೀಡಿ jogiCancel reply

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: