ಕಾಫಿ ಡೇ

-ತಾರಿಣಿ ಶುಭದಾಯಿನಿ


ಇಲ್ಲಿ ಬೈಟೂ ಮಾತೇ ಇಲ್ಲ
ಸಖತ್ ಹಾಟ್ ಮಗಾ ಅಂತ
ಕಾಲರೇರಿಸಿ ಕೂತ ಬಿಳಿಯ ಮಂದಿಯ ಬಣ್ಣಕ್ಕೆ
ಬೆರಗಾಗಿ ತಂದಿಟ್ಟಿರಿ ಬಿಸಿಬಿಸಿ
ಹೊಗೆಯಾಡುವ
ಗುಳ್ಳೆಗುಳ್ಳೆ ಕಾಫಿ

ಸಣ್ಣ ದಾಲ್ಚಿನ್ನಿಚೂರಿಗೆ
ಬಂದವರು ಮಾರಾಯ
ಖುಷಿಗೆ ಕಾರ ಬೇಕೆಂದು
ಬೆವರಿ ಸೆಖೆಯೊಡೆದು
ಸುಖದ ತುತ್ತತುದಿಗೇರಲು
ಮಸಾಲೆ ಬೇಡಿದವರು

ಕಾಫಿ ಕಪ್ಪಿನಲ್ಲು ಬಿರುಗಾಳಿ!
ಸಂಸಾರಗಳು ಡೋಲಾಯಮಾನ
ದೇಶಿವಿದೇಶಿ ಎನ್ನದೆ ಹಡಗುಗಳ
ಟೊಂಕ ಮುರಿದು ಓಲಾಡಿ
ಸಣ್ಣ ಬಿರುಕಿಗೆ ಮನೆ ಒಡೆದು ಚೂರಾಗಿ..
-2-
ಗುಡ್ಡ ಕಣಿವೆಗಳಲಿ
ಹೊತ್ತಿ ಉರಿವ ಹಸಿರು
ಸುತ್ತ ಮಿಣಿಮಿಣಿ ಹಗಲು
ಇಳಿಜಾರು ಗುಡ್ಡ ಮರೆಯಲ್ಲಿ
ತಲೆಯೆತ್ತಿದೆ ಬಂಗಲೆ
ಏಕಚಕ್ರಾಧಿಪತಿಯ ಮುಂದೆ
ಖಾಯಷ್ ಪಡುವಂತೆ ಕಾಫಿ ಹೂಗಳು
ಅರಳಿ ವನವ ನಿಬ್ಬೆರಗುಗೊಳಿಸಿವೆ
ಇದೇ ಚೆಲುವು
ಮಾರಿಕೊಳ್ಳಲು
ತಕ್ಕ ಕಣಿವೆ ದಾರಿ

ಈಗೀಗ ತವರೂರ ತಿಟ್ಹತ್ತಿ ತಿರುಗಿ
ನೋಡಿದರೂ ಏನೂ ಕಾಣದು
ಹೂ ಬಂದ ಕಣ್ಣು
ಮಬ್ಬು ಮೆತ್ತಿದ ದೃಷ್ಟಿ
ದುಪ್ಪಟ್ಟಾದ ಖಾಯಿಲೆ…
-3-
ಕಾಫಿ ಕೊಡಿಸುತ್ತ
ಹದ ಚಪ್ಪರಿಸುತ್ತ
ನುಂಗುವವನಂತೆ ನೋಡುತ್ತ
ಯಾಮಾರಿಸಿದವನೆ ನಿನ್ನ
ಮದುವೆಯಾಗಿ ಮನೆ ಬಂದರೆ..

ನೀನು ಬಿಡು ಕಂಜೂಸ್
ನನಗಾಗಿ ಒಂದು ಹನಿ
ಕಣ್ಣೀರು ಹಾಕುವುದಿಲ್ಲ
ದೇವರಂತಹ ದೇವ ಶಿವನೇ
ಸತ್ತ ಉಮೆಗಾಗಿ ಅತ್ತಿದ್ದ
ನೀನು ಕನಿಷ್ಠ ಒಂದು ಗ್ಲಾಸ್
ಕಾಫಿ ಮಾಡಿಕೊಡುವುದಿಲ್ಲ,
ನಿರ್ದಯಿ.

‍ಲೇಖಕರು avadhi

May 25, 2010

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕೋಟೆ ಬಾಗಿಲಿಗೆ ಬಂದವರು..

ಕೋಟೆ ಬಾಗಿಲಿಗೆ ಬಂದವರು..

ಮಂಜುನಾಥ್ ಚಾಂದ್ ಧರೆಯ ಒಡಲಿನಿಂದತೊರೆಗಳಾಗಿ ಬಂದವರಗುಂಡಿಗೆಗೆ ತುಪಾಕಿಹಿಡಿಯುವ ಮುನ್ನದೊರೆ ತಾನೆಂದು ಬೀಗಿಸೆಟೆಯುವ ಮುನ್ನನಿನ್ನ ದುಃಖ ನನ್ನ...

ಕಲಾಕೃತಿಗೆ ಜೀವವಾಗಿ ಬಂದವಳು…

ಕಲಾಕೃತಿಗೆ ಜೀವವಾಗಿ ಬಂದವಳು…

ರತ್ನರಾಯಮಲ್ಲ ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನುನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು  ಕಡು ಬಿಸಿಲಿನ...

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

3 ಪ್ರತಿಕ್ರಿಯೆಗಳು

  1. Ramesh Rao

    Bahala ishta aayithu.Chitradurgadalli iddaginiMda noodiddene.Nivu nijavagalu prathibhavanthe.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: