ಕುಳಿತುಕೊಳಲು ಎರಡು ನೆಳಲು..

ನಿಲ್ದಾಣ..

shree-talageriಶ್ರೀ ತಲಗೇರಿ

 

ದಪ್ಪ ದಪ್ಪ ಗೂನು ಮೋಡಗಳು

ಗಾಳಿ ಕೂದಲ ಗಂಟಿಗೆ ಸಿಕ್ಕಿ

ಹೆಣ್ಣು ಗಂಡೆಂಬುದ ನೋಡದೇ

ಉದುರುತ್ತಿವೆ ಗುಂಪುಗಳಲ್ಲಿ

ಗೆರೆಯೆಳೆದಿರಲಿಲ್ಲ

ಒಳಗೊಳಗೇ ಗೀಚುವಾಗ.

ಅಚ್ಚ ಕಪ್ಪಿನ ಉಸಿರು

ಕೊಳವೆ ತುಂಬ ಬಿಡುವಾಗ

ಯಾರೋ ಮೂಗುದಾರ ಎಳೆದಂತೆ…!

ಒರಟು ಚರ್ಮಗಳ ತಿಕ್ಕಾಟಕ್ಕೆ

pairಹುಟ್ಟಿಕೊಂಡ ಶಬ್ದಕ್ಕೆ

ಬೆಂಕಿಯುಗುಳುವ ತಾಕತ್ತಿತ್ತೆಂದು

ತಿಳಿದದ್ದು ಹವೆ ಹೆದರಿಕೊಂಡಾಗಲೇ!

ಹೇಳಿದರು ಯಾರೋ,

ರೈಲು ಬಂತೆಂದು.

ಬೋಗಿಗಳ ಮೆಟ್ಟಿಲಿಗೆ

ಅದೆಷ್ಟು ಕೆಸರು ಮೆತ್ತಿಕೊಂಡಿತ್ತು!

ನೆನಪಾಗುತ್ತಿತ್ತೇನೋ ಒರೆಸುವಾಗ

ಅದೆಷ್ಟೋ ಚಪ್ಪಲಿಗಳ

ಬೆವರಿಗೆ ಬಣ್ಣವಿರಬೇಕಿತ್ತು.

‘ಎರಡು ನಿಮಿಷ ಮಾತ್ರ

ಹೊರಡುತ್ತದೆ ರೈಲು’

ಗಡಿಬಿಡಿಯ ಕುಂಟೆಬಿಲ್ಲೆಯಲ್ಲಿ

ನೂಕು ನುಗ್ಗಲು ಕೈ ಬೀಸಲು.

ಕಿಟಕಿ ಸರಳುಗಳ ಹಿಂದೆ,

ದೂರದಲ್ಲಿ ನಿಂತ ನಾಯಿಮರಿಯ

ಬಿಂಬ ಮೂಡುತ್ತದೆ ಅವಳ ಕಂಗಳಲ್ಲಿ.

ಮೊನ್ನೆಯಷ್ಟೇ ಹುಟ್ಟಿದ್ದ

ಬಿಳಿಹಲ್ಲುಗಳೆರಡು ನಾಚುತ್ತವೆ

ಹೆಸರು ಹೇಳಲು.

ಎಳೆದಾಡಿಕೊಳ್ಳುತ್ತವೆ ಕೀಲುಗಳು

ಇಷ್ಟಗಲದ ಜಾಗದಲ್ಲಿ

ಗಿರಕಿ ಹೊಡೆಯುತ್ತ.

ಅಂಟಿಕೊಂಡ ಹನಿಗಳು

ಜಾರಿಕೊಳ್ಳುತ್ತವೆ ಎಲೆಯ ನರಗಳ

ಮೇಲ್ಮೈಯ ಇಳಿಜಾರಿನಲ್ಲಿ.

ಅಲ್ಲೂ ಬಣ್ಣಬಿಟ್ಟಿಲ್ಲ ಎಲೆಗಳು

ಕುಂತುಹೋದವರಿಗೂ ಅದರ ಹಕ್ಕಿಲ್ಲ.

ಹೊರಟಿದ್ದೇನೆ ಚೀಲ ಹಿಡಿದು.

ಹಳಿಗಳ ಅಕ್ಕಪಕ್ಕದಲ್ಲಿ

ಅಪ್ಪುಗೆಯ ಮೇಣದ ಕಲೆಗಳಲ್ಲಿ

ಬಿದ್ದುಕೊಂಡಿರಬಹುದೇನೋ

ಒಂದೆರಡು ತುಂಡು ಮಾತುಗಳು.

ನಾಳೆ ಸಂಜೆಯ ಬಯಲಲಿ

ಕುಳಿತುಕೊಳಲು ಎರಡು ನೆಳಲು.

‍ಲೇಖಕರು Admin

November 4, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಜೀವನದ ಹೊಟ್ಟೆ ತುಂಬಿ

ಜೀವನದ ಹೊಟ್ಟೆ ತುಂಬಿ

ಮಾಲಾ.ಮ.ಅಕ್ಕಿಶೆಟ್ಟಿ ವಿಧ ವಿಧ ಭಕ್ಷ್ಯಗಳು ಸಿಹಿ ಖಾರ ಹುಳಿ ಒಗರು ಈರುಳ್ಳಿ ಬೆಳ್ಳುಳ್ಳಿ ಹುಣಸೆ ಬೆಲ್ಲ  ಎಣ್ಣೆ ಹೆಚ್ಚೋ ಕಡಿಮೆಯೋ ರುಚಿ ಪಾಪಿ...

ಮೋಹ ಇದಿರುಗೊಳ್ಳದ ದಿನ

ಮೋಹ ಇದಿರುಗೊಳ್ಳದ ದಿನ

ಕೆ ಜೆ ಕೊಟ್ರಗೌಡ ತೂಲಹಳ್ಳಿ ಪೋಲಿಯಾಗಿ ಬಿಡಬೇಕುಯಾವ ಶಿಲಾಬಾಲೆಯೂಎದುರುಗೊಳ್ಳದ ಕಾರಣ ಅತೀ ಆಸೆಯ ಹೊಂದಿಯೂಅಮಾಯಕತೆಯಪ್ರದರ್ಶನಕೆಯಾವ...

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This