ಕ್ಲಿಕ್ ಆಯ್ತು ಕವಿತೆ: ಎದೆಯ ಕಿಚ್ಚು ದೀಪವಾಗಲಿ..

bidaloti ranganathಬಿದಲೋಟಿ ರಂಗನಾಥ್

ತಣ್ಣನೆಯ ಸಮುದ್ರ
ಕತ್ತಲೆಯಲೂ ಶಾಂತವಾಗಿ ಹರಿದು
ನೆಮ್ಮದಿಯಲಿ ಉಸಿರಾಡುತ್ತಿರಬೇಕಾದರೆ
ಅದಾವುದು ಹಡಗಿನಲಿ ಧೀಢಿರ್ ಕಿಚ್ಚು.!

ಕತ್ತಲೆಯಲಿ ಮುಳಗಿಹ ಮೌಢ್ಯವ ಬಿಟ್ಟು
ಸಮುದ್ರದ ಮೇಲೆ ನಿರಾಳವಾಗಿ
ಚಲಿಸುತ್ತಿರುವ ಹಡಗಿನ ಮೇಲೇಕೆ ಕಿಚ್ಚಿನ ಕಣ್ಣು
ಒಂದು ದೀಪದ ಬೆಳಕಾಗಿ ಬದಲಾಗಲಿ
ಹಡಗಿನ ಕೂತು ಆ ದೀಪದ ಬೆಳಕಿನಲಿ ಪದ್ಯವಾದರು
ಕೀಚುತ್ತೇನೆ.

ಸಮುದ್ರಕ್ಕೆ ಕಿಚ್ಚನು ನುಂಗುವುದು ಗೊತ್ತಿದೆ
ಮನುಷ್ಯನನ್ನ ನೂಕಿ ಹಡಗಿನಲಿ ಕೂತು
ಆಕಾಶಕ್ಕೆ ನಾಲಿಕೆ ಚಾಚಿದರೆ
ತಣ್ಣಗೆ ಬೆಳಗುವ ಚಂದ್ರ ಚುಕ್ಕಿಗಳು
ಸುಟ್ಟು ಭೂಮಂಡಲವೇ
ಉರಿದು ಬೂದಿಯಾದಾತು.

ಸಮುದ್ರದ ಅಂಚಿನಲಿ
ಗವ್ವೆನ್ನುವ ಕತ್ತಲಿದೆ
ಓಡಿಸುವ ಕೈಗಳಿಲ್ಲ..
ನಾಡು ಕಾಡು ಎಲ್ಲವೂ ಬೆಳಕ ಉಗಿಯುವ
ದೀಪಗಳಾಗಲಿ…
ಬದಲಾಗುವ ಮನಸುಗಳು ಹುಟ್ಟಲಿ.

ನೀಲಿ ತಿಳಿ ನೀರಿಗೆ
ಅಲ್ಲಲ್ಲಿ ಎಸೆದ ಕೆಂಡಗಳಗಳಂತೆ
ಕಾಣುವ ಸಮುದ್ರವೇ
ನೀನಾಗು ಬೆಂಕಿಯನು ನುಂಗುವ ಅಗ್ನಿ
ಉಳಿದ ಬೂದಿಯ ಮೇಲೆ
ನಾನೊಂದು ದೀಪವಾಗುತ್ತೇನೆ.
ಆಗೊಂದು ಸಮುದ್ರರಾಗದಲಿ
ಹಾಡೊಂದು ಮೂಡಿ…
ನೂರಾರು ದೀಪಗಳು ಮೂಡಿ
ತುಟಿ ಮೂಡಿದ ಕಂದಮ್ಮಗಳಿಗೆ
ಬೆಳಕನೀಯುತ್ತವೆ.

ನನ್ನ ಕಣ್ಣಿಗೆ
ಅದೊಂದು ಹಸಿರು ಕಾಡು
ಬೆಳಕಾದ ನಾಡಿನ ಹೆಜ್ಜೆ ಗುರುತು.
ಮಲ್ಲಿಗೆಯ ಹಾಸು.
ಸಮುದ್ರಕ್ಕೂ ಮನಸಿದೆ
ಹರಸಿ ಬಂದವರ ಬದುಕಿಗೆ
ಬದಲಾಗುವ ಹಂಬಲವಿದೆ.

ತಣ್ಣನೆಯ ಕವಿತೆ ಹೆಜ್ಜೆ ಸೋಕಿದರೆ,
ಕಿಚ್ಚು ದೀಪವಾಗುವುದು ಖಚಿತ.
ನಾನು ಕವಿಯಾಗುವುದು ನಿಶ್ಚಿತ.

‍ಲೇಖಕರು Admin

November 1, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕ್ಲಿಕ್ ಆಯ್ತು ಕವಿತೆ: ಬೂದಿಯಾಗುವ ಮೊದಲು

ರೇಣುಕಾ ರಮಾನಂದ ಬೂದಿಯಾಗುವ ಮೊದಲು ಒಂದಷ್ಟು ಬೆಳಕಾಗು ಎನ್ನುತ್ತ ಮೊನ್ನೆಯ ಬೆಳದಿಂಗಳ ಬಗ್ಗೆ ಈ ಮೊದಲು ಬಣ್ಣಿಸಿದವರೆಲ್ಲ ಬೆಂಕಿ ಇಟ್ಟಿದ್ದಾರೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This